.jpg?$p=01a0448&f=16x10&w=856&q=0.8)
പ്രതീകാത്മകചിത്രം| Photo: Mathrubhumi Library
തളങ്കര: ആളില്ലാത്ത വീട്ടില്‍നിന്ന് സ്വര്‍ണവും പണവും കവര്‍ന്ന് രക്ഷപ്പെടാനുള്ള ശ്രമത്തിനിടയില്‍ യുവാവിനെ നാട്ടുകാര്‍ ചേര്‍ന്ന് പിടിച്ചു. കണ്ണൂര്‍ മട്ടന്നൂര്‍ സ്വദേശി വിജേഷ് (26) ആണ് കാസര്‍കോട്ട് പിടിയിലായത്.
തളങ്കര പള്ളിക്കാല്‍ റെയില്‍വേട്രാക്കിന് സമീപത്തെ ശിഹാബ് തങ്ങളുടെ വീട്ടില്‍നിന്ന് സ്വര്‍ണവും പണവും കവര്‍ന്ന് രക്ഷപ്പെടാനുള്ള ശ്രമത്തിനിടയിലാണ് ഇയാളെ നാട്ടുകാര്‍ പിടിച്ച് പോലീസിലേല്‍പ്പിച്ചത്.വീട്ടുകാര്‍ പുറത്തുപോയ സമയത്ത് വീട് കുത്തിത്തുറന്ന് ആറുപവന്റെ ആഭണവും കുട്ടികള്‍ ഭണ്ഡാരത്തില്‍ സൂക്ഷിച്ചിരുന്ന പണവുമാണ് ഇയാള്‍ കവര്‍ന്നത്.
പുതിയ വീടിന്റെ പണി നടക്കുന്നതിനാല്‍ ശിഹാബും കുടുംബവും അവിടെപോയി തിരിച്ചുവരുമ്പോള്‍ വീട്ടില്‍നിന്ന് രണ്ടുപേര്‍ ഓടിപ്പോകുന്നത് കണ്ടു. ശിഹാബ് ഇവരെ തടയാന്‍ ശ്രമിച്ചെങ്കിലും രണ്ടുപേരും രക്ഷപ്പെട്ടു.
തുടര്‍ന്ന് നാട്ടുകാരുടെ സഹായത്തോടെ നടത്തിയ തിരച്ചിലില്‍ സമീപത്തെ വീടിന്റെ മട്ടുപ്പാവില്‍നിന്നാണ് വിജേഷിനെ കണ്ടെത്തിയത്. രണ്ടുപേര്‍ ചേര്‍ന്നാണ് മോഷണം നടത്തിയതെങ്കിലും ഒരാളെമാത്രമേ നാട്ടുകാര്‍ക്ക് പിടിക്കാന്‍ സാധിച്ചുള്ളൂ.തുടര്‍ന്ന് പോലീസെത്തി നടത്തിയ ചോദ്യംചെയ്യലില്‍ പിടിയിലായ യുവാവ് കുറ്റം സമ്മതിച്ചു.
കവര്‍ന്ന സ്വര്‍ണവും പണവും ഓടിരക്ഷപ്പെട്ടയാളുടെ കൈയിലാണെന്നാണ് ഇയാള്‍ പോലീസിന് നല്‍കിയ മൊഴി. അയാളെ തിരിച്ചറിഞ്ഞതായി കാസര്‍കോട് ടൗണ്‍ എസ്.ഐ. വിഷ്ണുപ്രസാദ് പറഞ്ഞു.
Content Highlights: man arrested for theft in thalangara kasargod
Also Watch
RELATED STORIES
.jpg?$p=6b5d2ad&f=1x1&w=100&q=0.8)
.jpg?$p=cc29bd4&f=1x1&w=100&q=0.8)
.jpg?$p=fc07f96&f=1x1&w=100&q=0.8)
.jpg?$p=c0dff4c&f=1x1&w=100&q=0.8)
IN CASE YOU MISSED IT
.jpg?$p=6b5d2ad&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=cc29bd4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..