വിഷ്ണു സുരേഷ്
മല്ലപ്പള്ളി: പതിമൂന്നുകാരിയെ ലൈംഗികമായി പീഡിപ്പിച്ചയാള്‍ അറസ്റ്റില്‍. ഇടുക്കി പീരുമേട് കുമളി കൈലാസ് മന്ദിരത്തില്‍നിന്ന് തോട്ടയ്ക്കാട് ഇരവിചിറ കമ്പനിപ്പടിയില്‍ വാടകയ്ക്ക് താമസിക്കുന്ന വിഷ്ണു സുരേഷി(26)നെയാണ് കീഴ്വായ്പൂര് പോലീസ് അറസ്റ്റുചെയ്തത്.
പനി, ഛര്‍ദി, തലവേദന, നെറ്റിയിലെ മുഴ എന്നീ അസുഖങ്ങള്‍ക്കായി കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിഞ്ഞുവരവേ 2022 സെപ്റ്റംബര്‍ ഒന്‍പതിന്, പീഡനത്തിനിരയായ കുട്ടി മരിച്ചു. തുടര്‍ന്നാണ്, മുമ്പ് പീഡനം നടന്നിരുന്നെന്ന് ഡോക്ടര്‍മാര്‍ കണ്ടെത്തിയത്. അസ്വാഭാവികമരണത്തിന് കേസെടുത്തു.
കുട്ടിയുടെ ഫോണിലേക്ക് 29 വിളി വന്നത് ശ്രദ്ധയില്‍പ്പെട്ട പോലീസ് സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിലാണ് വിഷ്ണുവിനെ കണ്ടെത്തിയത്.
2022 ആഗസ്റ്റ് 16-ന് വീടിന് സമീപമുള്ള ക്ഷേത്രത്തിലെ ഉത്സവത്തിന് ചെണ്ടകൊട്ടാന്‍ വന്ന ഇയാള്‍ പെണ്‍കുട്ടിയെ പരിചയപ്പെടുകയും പീഡിപ്പിക്കുകയുമായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡുചെയ്തു. ഇന്‍സ്‌പെക്ടര്‍ വിപിന്‍ ഗോപിനാഥിന്റെ നേതൃത്വത്തിലാണ് അന്വേഷണം.
Content Highlights: man arrested for raping minor girl in mallappally
Also Watch
RELATED STORIES
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=7708abd&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..