.
പാലക്കാട്: വിവാഹവാഗ്ദാനം നല്‍കി ആറുലക്ഷംരൂപ തട്ടിയെടുത്തെന്ന കേസില്‍ യുവാവ് അറസ്റ്റില്‍. തിരുവനന്തപുരം പാരിപ്പള്ളി ചവര്‍ക്കോട് മാവിലവീട്ടില്‍ അനന്തുവിനെയാണ് (23) ബെംഗളൂരുവില്‍നിന്ന് പാലക്കാട് ടൗണ്‍ സൗത്ത് പോലീസ് അറസ്റ്റുചെയ്തത്. ഇയാള്‍ ദുബായിലേക്ക് കടക്കാന്‍ ശ്രമിക്കുന്നതിനിടെയാണ് പിടിയിലായത്.
പാലക്കാട് കൊടുമ്പ് സ്വദേശിനിയുടെ പരാതിയിലാണ് അറസ്റ്റ്. യുവതിയെ ഗോവയില്‍വെച്ച് പരിചയപ്പെട്ട പ്രതി, സമൂഹമാധ്യമംവഴി സൗഹൃദം തുടര്‍ന്നു. പിന്നീട് വിവാഹംകഴിക്കാമെന്ന് പറഞ്ഞ് 2020 ഡിസംബര്‍ മുതല്‍ 2022 മേയ് വരെയുള്ള കാലയളവില്‍ ആറുലക്ഷം രൂപ തട്ടിയെടുത്തെന്നാണ് പരാതി.
അനന്തുവിനെ കോടതിയില്‍ ഹാജരാക്കി റിമാന്‍ഡ് ചെയ്തു. ഇന്‍സ്‌പെക്ടര്‍ ടി. ഷിജു എബ്രഹാം, അഡീഷണല്‍ എസ്.ഐ.മാരായ വിജയകുമാര്‍, ഗിരീഷ്, സീനിയര്‍ സി.പി.ഒ. ഷംസീര്‍ അലി, സി.പി.ഒ. ഷെയ്ഖ് മുസ്തഫ എന്നിവരടങ്ങിയ സംഘമാണ് പ്രതിയെ പിടികൂടിയത്.
Content Highlights: man arrested for looting money from woman
Also Watch
RELATED STORIES
.jpg?$p=2922c1a&f=1x1&w=100&q=0.8)
IN CASE YOU MISSED IT
.jpg?$p=6a12f4a&f=1x1&w=100&q=0.8)
%20(1).jpg?$p=17a1610&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..