ഇസ്തിരിപ്പെട്ടിക്ക് ഇത്രയും ഭാരമോ! അഴിച്ചുനോക്കിയപ്പോള്‍ സ്വര്‍ണം; കരിപ്പൂരില്‍ ഒരാള്‍ പിടിയില്‍


ഇസ്തിരിപ്പെട്ടിക്കുള്ളിൽനിന്ന് പോലീസ് കണ്ടെടുത്ത സ്വർണം

കോഴിക്കോട്: കരിപ്പൂര്‍ വിമാനത്താവളത്തില്‍ പോലീസിന്റെ സ്വര്‍ണവേട്ട. ഇസ്തിരിപ്പെട്ടിയില്‍ ഒളിപ്പിച്ച് കടത്തിയ 1749.8 ഗ്രാം സ്വര്‍ണമാണ് മലപ്പുറം വണ്ടൂര്‍ സ്വദേശി മുസാഫിര്‍ അഹമ്മദി(39)ല്‍ നിന്ന് പോലീസ് പിടികൂടിയത്. ഇയാളെ കസ്റ്റഡിയിലെടുത്തു.

വ്യാഴാഴ്ച പുലര്‍ച്ചെ അബുദാബിയില്‍നിന്ന് എയര്‍ അറേബ്യ വിമാനത്തിലാണ് മുസാഫിര്‍ കരിപ്പൂര്‍ വിമാനത്താവളത്തില്‍ എത്തിയത്. വിമാനത്താവളത്തിലെ പരിശോധന കഴിഞ്ഞ് പുറത്തെത്തിയ ഇയാളെ രഹസ്യവിവരത്തിന്റെ അടിസ്ഥാനത്തില്‍ പോലീസ് ചോദ്യംചെയ്യുകയായിരുന്നു.

ലഗേജില്‍ ഇലക്ട്രോണിക്ക് സാധനങ്ങളുണ്ടോ എന്ന ചോദ്യത്തിന് ഒരു ഇസ്തിരിപ്പെട്ടിയുണ്ടെന്നും അബുദാബിയില്‍ ഒപ്പം താമസിക്കുന്നയാളുടെ സുഹൃത്തായ കോഴിക്കോട് സ്വദേശി ഷഫീഖ് കൊടുത്തുവിട്ടതാണെന്നും ഇയാള്‍ മൊഴി നല്‍കി. ഷഫീഖിന്റെ ബന്ധു തന്റെ വീട്ടിലെത്തി ഇസ്തിരിപ്പെട്ടി വാങ്ങുമെന്നാണ് അറിയിച്ചിരിക്കുന്നതെന്നും ഇയാള്‍ പറഞ്ഞു. ഇതോടെ സംശയം തോന്നിയ പോലീസ് സംഘം ഇസ്തിരിപ്പെട്ടി പുറത്തെടുത്ത് പരിശോധിക്കുകയായിരുന്നു.

ഇസ്തിരിപ്പെട്ടിക്ക് അസാധാരണമായ ഭാരമുണ്ടായിരുന്നത് കൂടുതല്‍ സംശയത്തിനിടയാക്കി. തുടര്‍ന്ന് ഓരോ ഭാഗങ്ങളായി ഇസ്തിരിപ്പെട്ടി അഴിച്ചുമാറ്റുകയും ഹീറ്റിങ് കോയില്‍ ഇലക്ട്രിക് കട്ടര്‍ ഉപയോഗിച്ച് തുറന്നുനോക്കുകയും ചെയ്തു. ഇതോടെയാണ് ഇസ്തിരിപ്പെട്ടിയിലെ ഹീറ്റിങ് കോയിലിനുള്ളില്‍ ഒളിപ്പിച്ചനിലയില്‍ സ്വര്‍ണം കണ്ടെടുത്തത്.

Content Highlights: man arrested for gold smuggling in karipur airport gold found from iron box

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


Vairajathan Temple

ചിട്ടി കാരണം അനാഥമായിപ്പോയൊരു ദൈവം | നാടുകാണി

Sep 11, 2021

Most Commented