സഹപ്രവര്‍ത്തകയുമായി അടുപ്പം; ഭാര്യയെ മരുന്ന് കുത്തിവെച്ച് കൊന്നു, നഴ്‌സായ യുവാവ് അറസ്റ്റില്‍


അഞ്ചുമാസം മുമ്പാണ് സ്വപ്‌നിലും പ്രിയങ്കയും വിവാഹിതരായതെന്ന് പോലീസ് പറഞ്ഞു. എന്നാല്‍ ആശുപത്രിയിലെ നഴ്‌സായ യുവതിയുമായും ഇയാള്‍ക്ക് അടുപ്പമുണ്ടായിരുന്നു.

പ്രതീകാത്മക ചിത്രം | Photo: Mathrubhumi & AFP

മുംബൈ: മരുന്ന് കുത്തിവെച്ച് ഭാര്യയെ കൊലപ്പെടുത്തിയെന്ന കേസില്‍ നഴ്‌സായ യുവാവ് അറസ്റ്റില്‍. പൂണെയിലെ സ്വകാര്യ ആശുപത്രിയില്‍ നഴ്‌സായ സ്വപ്‌നില്‍ സാവന്തി(23)നെയാണ് പോലീസ് അറസ്റ്റ് ചെയ്തത്. ആശുപത്രിയില്‍നിന്ന് മോഷ്ടിച്ച മരുന്നാണ് ഇയാള്‍ ഭാര്യയ്ക്ക് കുത്തിവെച്ചതെന്നും സംഭവം ആത്മഹത്യയാക്കി ചിത്രീകരിക്കുകയായിരുന്നുവെന്നും പോലീസ് പറഞ്ഞു.

നവംബര്‍ 14-ാം തീയതിയാണ് ഗുരുതരാവസ്ഥയിലായ ഭാര്യ പ്രിയങ്കയെ സ്വപ്‌നില്‍ ആശുപത്രിയില്‍ എത്തിച്ചത്. എന്നാല്‍ ആശുപത്രിയില്‍ എത്തിച്ചപ്പോഴേക്കും മരണംസംഭവിച്ചിരുന്നതായി ഡോക്ടര്‍മാര്‍ അറിയിച്ചു. ഭാര്യ ജീവനൊടുക്കിയതാണെന്നായിരുന്നു സ്വപ്‌നിലിന്റെ മൊഴി. പ്രിയങ്കയുടെ ഒപ്പ് സഹിതമുള്ള ഒരു ആത്മഹത്യാക്കുറിപ്പും കണ്ടെടുത്തിരുന്നു. എന്നാല്‍ പോലീസ് നടത്തിയ വിശദമായ അന്വേഷണത്തിലാണ് സംഭവം കൊലപാതകമാണെന്ന് തെളിഞ്ഞത്.



ജോലിചെയ്യുന്ന ആശുപത്രിയില്‍നിന്ന് സ്വപ്‌നില്‍ ചില മരുന്നുകള്‍ മോഷ്ടിച്ചിരുന്നതായാണ് പോലീസിന് വിവരം ലഭിച്ചത്. ഇതിനുപിന്നാലെ പോലീസ് നടത്തിയ ചോദ്യംചെയ്യലിലാണ് പ്രതി കുറ്റംസമ്മതിച്ചത്.

അഞ്ചുമാസം മുമ്പാണ് സ്വപ്‌നിലും പ്രിയങ്കയും വിവാഹിതരായതെന്ന് പോലീസ് പറഞ്ഞു. എന്നാല്‍ ആശുപത്രിയിലെ നഴ്‌സായ യുവതിയുമായും ഇയാള്‍ക്ക് അടുപ്പമുണ്ടായിരുന്നു. സഹപ്രവര്‍ത്തകയെ വിവാഹം കഴിക്കാനും ആഗ്രഹിച്ചു. തുടര്‍ന്ന് ഭാര്യയെ ഒഴിവാക്കാന്‍ വേണ്ടിയാണ് കൊലപാതകം നടത്തിയതെന്നാണ് പോലീസിന്റെ വിശദീകരണം.

Content Highlights: male nurse killed his wife by administrating lethal injection in pune


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented