വീട്ടിലെ പൂജാമുറിയിൽനിന്ന്‌ പിടിച്ച മദ്യശേഖരം
ബദിയഡുക്ക(കാസര്‍കോട്): വീട്ടിലെ പൂജാമുറിയില്‍ രഹസ്യ അറയുണ്ടാക്കി സൂക്ഷിച്ച മദ്യശേഖരം എക്‌സൈസ് പിടിച്ചു. കുംബഡാജെ ഗാഡിഗുഡെയിലെ എം.ശ്രീധരന്റെ മുള്ളേരിയ-ചാക്കിന്റടി റോഡിന് സമീപത്തെ വീട്ടിലെ പൂജാമുറിയുടെ അടിയില്‍ രഹസ്യ അറയുണ്ടാക്കി കാര്‍ഡ് ബോര്‍ഡ് പെട്ടികളിലായി സൂക്ഷിച്ച നിലയിലാണ് മദ്യം കണ്ടെത്തിയത്.
32 പെട്ടികളിലായി സൂക്ഷിച്ച 276.48 ലിറ്റര്‍ കര്‍ണാടക നിര്‍മിത മദ്യമാണ് ബദിയടുക്ക എക്‌സൈസ് റെയിഞ്ച് പ്രിവന്റീവ് ഓഫീസര്‍ കെ.എം.പ്രദീപിന്റെ നേതൃത്വത്തിലുള്ള സംഘം കണ്ടെത്തിയത്.
പരിശോധനാസമയത്ത് വീട്ടിലുണ്ടായിരുന്ന ശ്രീധരന്‍ പൂജാമുറിയിലെ രഹസ്യ അറ കണ്ടെത്തിയതിനെ തുടര്‍ന്ന് വീട്ടില്‍നിന്ന് ഇറങ്ങിയോടുകയായിരുന്നു. ഇയാള്‍ക്കായി തിരച്ചില്‍ നടത്തിയെങ്കിലും പിടിക്കാനായിട്ടില്ലെന്ന് എക്‌സൈസ് അധികൃതര്‍ അറിയിച്ചു. പ്രിവന്റീവ് ഓഫീസര്‍ പി.രാജീവന്‍, എല്‍.മോഹന്‍കുമാര്‍, സി.എം.അമല്‍ജിത്ത്, എന്‍.ജനാര്‍ദന, വി.ശാലിനി എന്നിവരും പരിശോധനാസംഘത്തില്‍ ഉണ്ടായിരുന്നു.
Content Highlights: liquor seized from pooja room of a house in kasargod
Also Watch
RELATED STORIES
.jpg?$p=24703dc&f=1x1&w=100&q=0.8)
.png?$p=2f38136&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..