.jpg?$p=a8e0eee&f=16x10&w=856&q=0.8)
പ്രതീകാത്മകചിത്രം | Photo: AFP
മാവൂര്‍(കോഴിക്കോട്): ദുരന്തനിവാരണ മോക്ഡ്രില്‍ കഴിഞ്ഞ് മടങ്ങവെ 15-കാരനെ പീഡിപ്പിച്ച കേസില്‍ മാവൂര്‍ ഗ്രാമപ്പഞ്ചായത്ത് അംഗത്തെ ശനിയാഴ്ച പോലീസ് പ്രതിചേര്‍ത്തു. പരാതിയില്‍ പോക്‌സോ വകുപ്പുചുമത്തി കേസെടുത്ത പോലീസ് വെള്ളിയാഴ്ച മൊഴിയെടുക്കാന്‍ കുട്ടിയെ മജിസ്‌ട്രേറ്റിനുമുമ്പാകെ ഹാജരാക്കിയിരുന്നു.
മൊഴിയുടെ പകര്‍പ്പ് ലഭിച്ചശേഷമാണ് സി.പി.എം. മാവൂര്‍ ലോക്കല്‍ കമ്മിറ്റി അംഗവും മാവൂര്‍ സര്‍വീസ് സഹകരണ ബാങ്ക് താത്കാലിക ജീവനക്കാരനും ആംബുലന്‍സ് ഡ്രൈവറുംകൂടിയായ പതിനഞ്ചാം വാര്‍ഡ് അംഗം കെ. ഉണ്ണികൃഷ്ണനെ പ്രതിചേര്‍ത്തത്. ആംബുലന്‍സ് ഓടിച്ചയാള്‍ വാഹനത്തില്‍വെച്ചും തുടര്‍ന്ന് കാറില്‍വെച്ചും പീഡിപ്പിച്ചെന്നായിരുന്നു പരാതി. കുട്ടിക്ക് ഇയാളെ മുന്‍പരിചയമില്ലാത്തതിനാല്‍ കേസില്‍ പേര് രേഖപ്പെടുത്തിയിരുന്നില്ല.
പ്രാഥമിക അന്വേഷണത്തില്‍ പരാതിയില്‍ പരാമര്‍ശിക്കപ്പെട്ടത് ഗ്രാമപ്പഞ്ചായത്ത് അംഗമാണെന്ന് വ്യക്തമായതോടെയാണ് പ്രതിചേര്‍ത്തത്. ഇയാളെ അന്വേഷിച്ച് ശനിയാഴ്ച പോലീസ് വീട്ടില്‍ പോയിരുന്നു. പ്രതി ഒളിവിലായതിനാല്‍ പോലീസ് അന്വേഷണം ഊര്‍ജിതമാക്കി. മാവൂര്‍ സി.ഐ. കെ. വിനോദനാണ് കേസന്വേഷിക്കുന്നത്.
അതേസമയം ആരോപണവിധേയനായ ലോക്കല്‍ കമ്മിറ്റി അംഗം കെ. ഉണ്ണികൃഷ്ണനെ സി.പി.എമ്മില്‍നിന്ന് സസ്‌പെന്‍ഡ് ചെയ്തതായി മാവൂര്‍ ലോക്കല്‍ കമ്മിറ്റി അറിയിച്ചു.
Content Highlights: kozhikode mavoor pocso case
Also Watch
RELATED STORIES
%20(1).jpg?$p=287e5b5&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=50d4e95&q=0.8&f=16x11&w=104)
.jpg?$p=a2127d5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..