വനിതാ കായികതാരങ്ങള്‍ക്കുനേരെ മദ്യക്കുപ്പിയേറ്;എൽ.ഡി. ക്ലാർക്ക് റിമാൻഡിൽ


സെക്രട്ടറിക്ക് പോലീസ് ഇന്ന് റിപ്പോർട്ട് നൽകും

പ്രതീകാത്മക ചിത്രം | Photo: PTI

കോഴിക്കോട്: ഗോകുലം കേരള എഫ്.സി. വനിതാടീമിലെ വിദേശതാരങ്ങൾക്കുനേരെ മദ്യക്കുപ്പിയെറിഞ്ഞ കോർപ്പറേഷനിലെ എൽ.ഡി. ക്ലാർക്ക് റിമാൻഡിൽ. കോഴിക്കോട് കുതിരവട്ടം സ്വദേശിയും കോഴിക്കോട് കോർപ്പറേഷനിലെ ലോവർ ഡിവിഷൻ ക്ലാർക്കുമായ മേലേ മുല്ലശേരി ആലിയോട്ടുപറമ്പിൽ അരുൺകുമാറിനെ(34)യാണ് ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി രണ്ടാഴ്ചത്തേക്ക്‌ റിമാൻഡ്ചെയ്തത്. കസബ ഇൻസ്പെക്ടർ എൻ. പ്രജീഷാണ് ചൊവ്വാഴ്ച ഇയാളെ അറസ്റ്റുചെയ്തത്.

കോർപ്പറേഷൻ സെക്രട്ടറിക്ക് പോലീസ് വ്യാഴാഴ്ച എഫ്.ഐ.ആറിന്റെ കോപ്പിയും റിമാൻഡ്‌ റിപ്പോർട്ടും നൽകും. ഇതോടെ കോർപ്പറേഷൻ ജീവനക്കാരനെതിരേ നടപടി സ്വീകരിക്കേണ്ടിവരും.



ഘാന കായികതാരങ്ങളായ ബിയാട്രീസ്(27), വിവിയൻ(22), കെനിയ താരമായ ബർത്ത(27) എന്നിവർക്കുനേരെയാണ് കുപ്പിയെറിഞ്ഞത്. ഇവരിൽ ബിയാട്രീസ്, ബർത്ത എന്നിവർക്കാണ് പരിക്കേറ്റത്. അരുൺകുമാർ മൂവർസംഘത്തിലെ ഒരാളുടെ മുടി പിടിച്ചുവലിക്കുകയും ചെയ്തെന്നാണ് പരാതി.

സ്റ്റേഡിയത്തിൽ പരിശീലനംകഴിഞ്ഞ് മടങ്ങുകയായിരുന്ന ടീമംഗങ്ങൾക്കുനേരെയാണ് ബിയർകുപ്പി എറിഞ്ഞത്. മൂവരും കോട്ടൂളിയിലുള്ള താമസസ്ഥലത്തേക്ക്‌ പോകുന്നതിനായി അവരുടെ വാഹനവുംകാത്ത് നിൽക്കുകയായിരുന്നു. എറിഞ്ഞ കുപ്പി പൊട്ടിച്ചിതറി തെറിക്കുകയായിരുന്നു. സംഭവംകണ്ട് ചോദിക്കാൻചെന്ന വിവിയൻ കൊനേരു അഡ്ജയുടെ മുടിപിടിച്ചുവലിക്കുകയും ചെയ്തു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


photo: twitter/Wandering Van

1 min

'ഇത് ശരിക്കും റൊണാള്‍ഡോ, മറ്റേത് ആരാധകന്‍'; വൈറലായി വീഡിയോ

Nov 28, 2022

Most Commented