കൊച്ചി തീരത്ത് പിടിച്ച ഹെറോയിന്‍ എത്തിയത് പാകിസ്താനില്‍നിന്ന്; ഹാജി സലിം ഗ്രൂപ്പിന് പങ്കാളിത്തം


പിടിച്ചെടുത്ത ലഹരി മരുന്ന്

കൊച്ചി: തീരക്കടലില്‍നിന്നു പിടിച്ച 200 കിലോ ഹെറോയിന്‍ പാകിസ്താനില്‍നിന്ന് എത്തിയതാണെന്ന് നര്‍ക്കോട്ടിക്‌സ് കണ്‍ട്രോള്‍ ബ്യൂറോ. ശ്രീലങ്കയിലേക്കുള്ള യാത്രാമധ്യേ നടുക്കടലില്‍ വെച്ച് ഇറാനിയന്‍ ബോട്ടിലേക്ക് കൈമാറി കൊണ്ടുപോകുന്നതിനിടെയാണ് സംഘം പിടിയിലായത്.

അന്താരാഷ്ട്ര ലഹരിക്കടത്തു ഗ്രൂപ്പുകളില്‍ ഒന്നായ, പാകിസ്താന്‍ കേന്ദ്രീകരിച്ച് പ്രവര്‍ത്തിക്കുന്ന ഹാജി സലിം ഗ്രൂപ്പിന്റെ പങ്കാളിത്തം ഇതില്‍ കണ്ടെത്തിയിട്ടുണ്ടെന്ന് നര്‍ക്കോട്ടിക്‌സ് കണ്‍ട്രോള്‍ ബ്യൂറോ ഡെപ്യൂട്ടി ഡയറക്ടര്‍ ജനറല്‍ (ഓപ്പറേഷന്‍സ്) സഞ്ജയ് കുമാര്‍ സിങ് കൊച്ചിയില്‍ പറഞ്ഞു.



അന്താരാഷ്ട്ര വിപണിയില്‍ 1200 കോടി രൂപ വില വരുന്നതാണ് പിടിച്ചെടുത്ത ഹെറോയിന്‍. പിടിയിലായ ആറുപേര്‍ ഇറാന്‍ പൗരന്മാരാണ്. ഇവരുടെ പക്കല്‍നിന്ന് സാറ്റലൈറ്റ് ഫോണ്‍ ഉള്‍പ്പെടെ പിടിച്ചിട്ടുണ്ട്. വിശദമായ ചോദ്യം ചെയ്യലിലേ കൂടുതല്‍ വിവരങ്ങള്‍ ലഭ്യമാകൂ എന്നും സഞ്ജയ് കുമാര്‍ സിങ് പറഞ്ഞു.

തീവ്രവാദ ബന്ധം ഉള്‍പ്പെടെയുള്ള കാര്യങ്ങളൊന്നും നിലവില്‍ കണ്ടെത്താനായിട്ടില്ല. എങ്കിലും ഈ നിലയില്‍ കൂടുതല്‍ അന്വേഷണം നടത്തേണ്ടതുണ്ട്. പണത്തിനു വേണ്ടിയുള്ള ലഹരി കൈമാറ്റം എന്നതാണ് ഇപ്പോഴുള്ള വിവരം.

വളരെ ശ്രമകരമായാണ് സംഘത്തെ പിടികൂടിയതെന്നും സഞ്ജയ് കുമാര്‍ സിങ് പത്ര സമ്മേളനത്തില്‍ വ്യക്തമാക്കി. നര്‍ക്കോട്ടിക് കണ്‍ട്രോള്‍ ബ്യൂറോ ചെന്നൈ സോണല്‍ യൂണിറ്റ് ഡയറക്ടര്‍ പി. അരവിന്ദന്‍, നാവികസേന ലെഫ്റ്റനന്റ് കമാന്‍ഡര്‍ പി.എസ്. സജിന്‍ എന്നിവര്‍ പത്രസമ്മേളനത്തില്‍ പങ്കെടുത്തു.

ഹെറോയിന്‍ അഫ്ഗാന്‍ നിര്‍മിതം

പ്രാഥമിക അന്വേഷണത്തില്‍ കണ്ടെത്തിയിരിക്കുന്നത് ഹെറോയിന്‍ അഫ്ഗാനിസ്താനില്‍ നിര്‍മിച്ചതാണെന്നാണ്. ചില പാക്കറ്റുകളില്‍ ഡ്രാഗണ്‍ സീലുണ്ട്. വെള്ളം കടക്കാത്ത രീതിയിലാണ് പാക്കിങ്. ഇതു കൈമാറാന്‍ ലക്ഷ്യമിട്ടിരുന്ന ശ്രീലങ്കന്‍ ബോട്ട് കണ്ടെത്താന്‍ കഴിഞ്ഞിട്ടില്ല.

ഹാജി സലിം ഗ്രൂപ്പിന്റെ പങ്കാളിത്തം ഇന്ത്യന്‍ തീരത്തുകൂടിയുള്ള ലഹരിമരുന്ന് കടത്തില്‍ മുന്‍പും കണ്ടെത്തിയിട്ടുണ്ടെന്നും അധികൃതര്‍ പറയുന്നു.

Content Highlights: kochi heroin drugs case


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


photo: Getty Images

1 min

തകര്‍പ്പന്‍ ജയത്തിന് പിന്നാലെ കാനഡയുടെ പരിശീലകന് 'നന്ദി' പറഞ്ഞ് ക്രൊയേഷ്യന്‍ താരം

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented