മൃതദേഹമെങ്ങനെ ഒറ്റയ്ക്ക് ഡക്ടിൽ കയറ്റി?; ഫ്ളാറ്റിലെ കൊലപാതകത്തില്‍ ദൂരൂഹത ഒഴിയുന്നില്ല


മരിച്ച സജീവ് കൃഷ്ണ

കാക്കനാട്: ഇൻഫോപാർക്കിനടുത്തെ ഫ്ലാറ്റിൽ മലപ്പുറം വണ്ടൂർ സ്വദേശി സജീവ് കൃഷ്ണനെ (22) കൊലപ്പെടുത്തിയ ശേഷം മുറിയിൽ ചെയ്തുകൂട്ടിയ കാര്യങ്ങളിൽ ദുരൂഹതയുടെ ചുരുളഴിയുന്നില്ല. യുവാവിന്റെ മൃതദേഹം പ്ലാസ്റ്റിക് കവറിലും തുണിയിലും പൊതിഞ്ഞ ശേഷം ഫ്ളാറ്റിലെ മാലിന്യക്കുഴലുകൾ കടന്നുപോകുന്ന ഡക്ടിൽ തള്ളിക്കയറ്റിയതാണ് അന്വേഷണ സംഘത്തെ കുഴക്കുന്നത്.

കൊലപാതകം നടന്ന മുറി തുടച്ച് വൃത്തിയാക്കിയിട്ടുണ്ട്. വൃത്തിയാക്കലും മൃതദേഹം പൊതിഞ്ഞുകെട്ടി ഒളിപ്പിക്കലുമെല്ലാം ഒറ്റയ്ക്ക് ചെയ്യാൻ ബുദ്ധിമുട്ടാണ്. എന്നാൽ, ഫൊറൻസിക് സംഘം ഫ്ളാറ്റിൽ നടത്തിയ പരിശോധനയിൽ കൊല്ലപ്പെട്ടയാളെ കൂടാതെ ഒന്നിലധികം പേർ ഉണ്ടായിരുന്നതിന് സാഹചര്യ തെളിവുകൾ ഇല്ല.



ഇതിനാൽത്തന്നെ കൊലപാതകവുമായി ബന്ധപ്പെട്ട് മഞ്ചേശ്വരത്തുവെച്ച് പോലീസ് പിടികൂടിയ പയ്യോളി സ്വദേശി അർഷാദിനെ വിശദമായി ചോദ്യം ചെയ്താലേ സംശയങ്ങൾക്ക് വ്യക്തമായ ഉത്തരം ലഭിക്കൂ. അതേസമയം അർഷാദ് കുറ്റസമ്മത മൊഴി നടത്തിയതായാണ് പോലീസിൽനിന്നു ലഭിക്കുന്ന വിവരം.

കൊലപാതകം നടന്ന ദിവസം അർഷാദിനൊപ്പം ഫ്ളാറ്റിൽ മറ്റാരും വന്നു പോയതായി തെളിവുകൾ ലഭിച്ചിട്ടില്ല. ഫ്ളാറ്റിലെ താമസക്കാരെ പോലീസ് ചോദ്യം ചെയ്തെങ്കിലും ഇവരിൽനിന്ന്‌ നിർണായക മൊഴിയൊന്നും ലഭിച്ചിട്ടില്ല.

ക്യാമറകളെല്ലാം ഡമ്മി

ഫ്ലാറ്റിൽ സ്ഥാപിച്ചിരിക്കുന്ന സി.സി.ടി.വി. ക്യാമറകളെല്ലാം ഡമ്മിയായിരുന്നു എന്നതും ഉദ്യോഗസ്ഥരെ വെട്ടിലാക്കി. ഇതിൽനിന്ന്‌ നിർണായക വിവരങ്ങൾ ലഭിക്കുമെന്നായിരുന്നു പ്രതീക്ഷ.

ഇതിനിടെ കൊല്ലപ്പെട്ട സജീവ് കൃഷ്ണന്റെ സുഹൃത്തുക്കളുടെ മൊഴി പോലീസ് വീണ്ടും രേഖപ്പെടുത്തി. കൂടെ താമസിച്ചിരുന്ന സുഹൃത്തുക്കളിൽ ചിലർ വിനോദയാത്രയ്ക്ക് പോയിരിക്കുകയായിരുന്നുവെന്ന് മൊഴി നൽകിയിട്ടുണ്ടെങ്കിലും ഇക്കാര്യം പോലീസ് പൂർണമായി വിശ്വാസത്തിലെടുത്തിട്ടില്ല. ഇവർ യാത്ര പോയതായി പറയുന്ന സ്ഥലങ്ങളിൽ പ്രത്യേക പരിശോധന നടത്തും.

Content Highlights: kerala kochi murder


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


04:32

'കാന്താര' സിനിമയില്‍ നിറഞ്ഞാടുന്ന ഭൂതക്കോലം, 'പഞ്ചുരുളി തെയ്യം' | Nadukani

Oct 27, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented