DRI റെയ്ഡ്, തിരുവനന്തപുരത്ത് പിടിച്ചത് 158 കോടി രൂപയുടെ ഹെറോയിന്‍; കടത്തിയത് സിംബാബ്‌വേയില്‍നിന്ന്


പ്രതീകാത്മക ചിത്രം | Screengrab: Mathrubhumi News

തിരുവനന്തപുരം: തലസ്ഥാനത്തിനു സമീപം വന്‍ ലഹരിവേട്ട. ബാലരാമപുരത്ത് 158 കോടി വിലമതിക്കുന്ന 22.5 കിലോ ഹെറോയിനുമായി രണ്ടുപേര്‍ പിടിയിലായി.

ഡയറക്ടറേറ്റ് ഓഫ് റവന്യൂ ഇന്റലിജന്‍സ്(ഡി.ആര്‍.ഐ.) നടത്തിയ പരിശോധനയിലാണ് ഹെറോയിന്‍ കണ്ടെത്തിയത്. ബാലരാമപുരത്തിനു സമീപത്തുനിന്നാണ് രണ്ടുപേരെ പിടികൂടിയത്.

വാടകയ്ക്കു വീടെടുത്തു താമസിച്ചുവന്ന തിരുമല കൈരളി നഗര്‍ രേവതിഭവനില്‍ രമേശ് (33), ഇയാളുടെ സുഹൃത്ത് ശ്രീകാര്യം സ്വദേശി സന്തോഷ് (35) എന്നിവരെയാണ് പിടികൂടിയത്. ബാലരാമപുരത്തിനു സമീപം പത്താംകല്ലില്‍ സ്വകാര്യ ആശുപത്രിക്കു സമീപത്തെ കെട്ടിടത്തിനു മുകളില്‍ രണ്ടു മാസമായി ഇവര്‍ താമസിച്ചുവരികയായിരുന്നു. ബാലരാമപുരം നെല്ലിവിള സ്വദേശിയുടെ ഉടമസ്ഥതയിലുള്ളതാണ് കെട്ടിടം. സിംബാബ്വേയിലെ ഹരാരെയില്‍നിന്ന് മുംബൈയിലെത്തിച്ച് അവിടെനിന്ന് തീവണ്ടിമാര്‍ഗം മയക്കുമരുന്ന് കേരളത്തിലെത്തിച്ചതായാണ് ഡി.ആര്‍.ഐ. വൃത്തങ്ങള്‍ അറിയിച്ചത്.

മയക്കുമരുന്ന് സൂക്ഷിക്കുന്നതായി ലഭിച്ച രഹസ്യവിവരത്തിന്റെ അടിസ്ഥാനത്തില്‍, പിടിയിലായവരെ നിരന്തരം നിരീക്ഷിച്ചിരുന്നു.

പ്രതികള്‍ക്ക് രാജ്യാന്തര കള്ളക്കടത്തുസംഘവുമായി ബന്ധമുണ്ടെന്ന് അന്വേഷണോദ്യോഗസ്ഥര്‍ സംശയിക്കുന്നു. ആദ്യ തവണ ഇത്രയും വലിയ അളവില്‍ മയക്കുമരുന്നു കടത്താന്‍ സാധിക്കില്ലെന്നും ഉദ്യോഗസ്ഥര്‍ കരുതുന്നു. എക്‌സ്റേയില്‍ പതിയാത്ത വിധം അറകള്‍ നിര്‍മിച്ച് അതില്‍ മയക്കുമരുന്ന് ഒളിപ്പിച്ചാണ് കൊണ്ടുവന്നത്. പിടിച്ചെടുത്ത ഹെറോയിന് അന്താരാഷ്ട്രവിപണിയില്‍ കിലോയ്ക്ക് ഏഴു കോടിയോളം വിലയുണ്ടാകും. പിടികൂടിയ രണ്ടുപേരെയും ബുധനാഴ്ച രാത്രി നെയ്യാറ്റിന്‍കര ഒന്നാം ജുഡീഷ്യല്‍ മജിസ്ട്രേറ്റിന്റെ വസതിയിലെത്തിച്ച് റിമാന്‍ഡ് ചെയ്തു.

Content Highlights: heroin drugs seized in thiruvananthapuram two arrested


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented