15 പവനും നാലുലക്ഷത്തിന്റെ വജ്രാഭരണങ്ങളും കവര്‍ന്നു; മോഷണം വീട്ടില്‍ ആളില്ലാത്ത നേരത്ത് 


ലീലാമ്മ മേനോന്റെ വീടിന്റെ
മുന്‍വാതില്‍ കുത്തിത്തുറന്ന നിലയില്‍

അങ്കമാലി: അങ്കമാലിയില്‍ ആളില്ലാതിരുന്ന വീട് കുത്തിത്തുറന്ന് ലക്ഷങ്ങള്‍ വിലവരുന്ന ആഭരണങ്ങള്‍ കവര്‍ന്നു. അങ്കമാലി കോതകുളങ്ങര സായി സദനില്‍ ലീലാമ്മ മേനോന്റെ വീട്ടില്‍ നിന്നുമാണ് 15 പവന്റെ സ്വര്‍ണാഭരണങ്ങളും നാല് ലക്ഷം രൂപ വില വരുന്ന വജ്രാഭരണങ്ങളും കവര്‍ന്നത്.

ഭര്‍ത്താവ് ഡോ. ചന്ദ്രശേഖര മേനോന്റെ മരണശേഷം ലീലാമ്മ മോനോന്‍ ഒറ്റയ്ക്കാണ് താമസിക്കുന്നത്. മക്കള്‍ വിദേശത്താണ്. കഴിഞ്ഞ വ്യാഴാഴ്ച ലീലാമ്മ മേനോന്‍ കായംകുളത്തേക്ക് പോയിരുന്നു. ഞായറാഴ്ച ഉച്ചയ്ക്ക് വീട്ടില്‍ തിരികെയെത്തിയപ്പോഴാണ് മോഷണ വിവരം അറിയുന്നത്.



വീടിന്റെ മുന്‍ഭാഗത്തെ വാതിലിന്റെ പൂട്ട് കുത്തിപ്പൊളിച്ചാണ് മോഷ്ടാവ് അകത്തുകടന്നിരിക്കുന്നത്. കിടപ്പുമുറിയുടെ പൂട്ടും തകര്‍ത്തിട്ടുണ്ട്. കിടപ്പുമുറിയിലെ അലമാരയുടെ ലോക്ക് തകര്‍ത്താണ് ആഭരണങ്ങള്‍ കവര്‍ന്നിരിക്കുന്നത്.

വള, മാല, കമ്മല്‍, മോതിരം എന്നീ സ്വര്‍ണാഭരണങ്ങളാണ് നഷ്ടപ്പെട്ടിരിക്കുന്നത്. കൂടാതെ ഡയമണ്ടിന്റെ ലോക്കറ്റ്, കമ്മല്‍, മോതിരം എന്നിവയും നഷ്ടപ്പെട്ടിട്ടുണ്ട്. വിവമറിഞ്ഞ് അങ്കമാലി പോലീസ്, വിരലടയാള വിദഗ്ധര്‍, ഡോഗ് സ്‌ക്വാഡ് എന്നിവര്‍ സ്ഥലത്തെത്തി പരിശോധന നടത്തി.

Content Highlights: gold and diamond stolen from house in angamali


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022

Most Commented