ബലാത്സംഗം ചെയ്ത് ബാഗിനുള്ളിലാക്കി കാട്ടില്‍ തള്ളി, അത്ഭുതകരമായ രക്ഷപ്പെടല്‍; പ്രതി പിടിയില്‍


പെണ്‍കുട്ടിയെ ഒരു ബാഗിലാക്കി വനത്തില്‍ തള്ളുകയായിരുന്നു. എന്നാല്‍ ബാഗില്‍നിന്ന് സ്വയം പുറത്തിറങ്ങിയ പെണ്‍കുട്ടി, കീറിപ്പറിഞ്ഞ വസ്ത്രങ്ങളുമായി പിന്നീട് വീട്ടിലേക്ക് നടന്നുവരികയാണുണ്ടായതെന്നും കുടുംബം പറഞ്ഞു. 

Photo Courtesy: NDTV

ഗുവാഹാട്ടി: അസമിലെ കാച്ചാര്‍ ജില്ലയില്‍ പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗം ചെയ്തശേഷം കൊലപ്പെടുത്താന്‍ ശ്രമിച്ചെന്ന കേസില്‍ പ്രതി അറസ്റ്റില്‍. കഴിഞ്ഞദിവസമാണ് അസം പോലീസ് 26-കാരനായ പ്രതിയെ അറസ്റ്റ് ചെയ്തത്. അതേസമയം, ബലാത്സംഗത്തിനിരയായി ഗുരുതരമായി പരിക്കേറ്റ പെണ്‍കുട്ടി സില്‍ച്ചാര്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പെണ്‍കുട്ടിയുടെ ആരോഗ്യനില അതീവഗുരുതരമായി തുടരുകയാണെന്നാണ് റിപ്പോര്‍ട്ട്.

ഒക്ടോബര്‍ മൂന്നാം തീയതിയായിരുന്നു കേസിനാസ്പദമായ സംഭവം. പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ പ്രതി, ബലാത്സംഗം ചെയ്തശേഷം കൊലപ്പെടുത്താന്‍ ശ്രമിക്കുകയും പെണ്‍കുട്ടിയെ ബാഗിനുള്ളിലാക്കി വനമേഖലയില്‍ ഉപേക്ഷിക്കുകയുമായിരുന്നു. മണിക്കൂറുകളോളം ബാഗിനുള്ളില്‍ കുടുങ്ങിയ പെണ്‍കുട്ടി പിന്നീട് ബാഗിനുള്ളില്‍നിന്ന് സ്വയം പുറത്തിറങ്ങിയാണ് വീട്ടിലെത്തിയത്. ഗുരുതരമായി പരിക്കേറ്റ നിലയില്‍ വീട്ടിലെത്തിയ പെണ്‍കുട്ടിയെ ബന്ധുക്കള്‍ ഉടന്‍തന്നെ ആശുപത്രിയില്‍ എത്തിച്ചു.



ബലാത്സംഗത്തിനിരയായ പെണ്‍കുട്ടി തന്റെ കാമുകിയാണെന്നാണ് പ്രതിയുടെ അവകാശവാദം. ഒക്ടോബര്‍ മൂന്നാം തീയതി ദുര്‍ഗ പൂജ ആഘോഷങ്ങള്‍ക്കായാണ് പെണ്‍കുട്ടി വീട്ടില്‍നിന്ന് പോയത്. എന്നാല്‍ അന്നേദിവസം തിരിച്ചെത്തിയില്ല. ഇതോടെ പിറ്റേദിവസം വീട്ടുകാര്‍ പോലീസില്‍ പരാതി നല്‍കി. പോലീസ് അന്വേഷണം നടക്കുന്നതിനിടെയാണ് നാലാം തീയതി വൈകിട്ടോടെ വസ്ത്രങ്ങള്‍ കീറിപ്പറിഞ്ഞ് പരിക്കേറ്റനിലയില്‍ പെണ്‍കുട്ടി വീട്ടിലെത്തിയത്.

മൂന്നാം തീയതി ദുര്‍ഗ പൂജ ആഘോഷങ്ങള്‍ക്കായി പോയ പെണ്‍കുട്ടിയെ പ്രതി തട്ടിക്കൊണ്ടുപോയി ബലാത്സംഗം ചെയ്‌തെന്നാണ് വീട്ടുകാരുടെ പരാതി. മറ്റുചിലര്‍ക്കൊപ്പം കാമുകി ദുര്‍ഗ പൂജ ആഘോഷങ്ങളില്‍ പങ്കെടുക്കാന്‍ പോയത് പ്രതിയെ പ്രകോപിപ്പിച്ചിരുന്നു. തുടര്‍ന്ന് പ്രതി പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്‌തെന്നും കഴുത്തറുത്ത് കൊലപ്പെടുത്താന്‍ ശ്രമിച്ചെന്നുമാണ് വീട്ടുകാര്‍ പറയുന്നത്. ഇതിനുശേഷം പെണ്‍കുട്ടിയെ ഒരു ബാഗിലാക്കി വനത്തില്‍ തള്ളുകയായിരുന്നു. എന്നാല്‍ ബാഗില്‍നിന്ന് സ്വയം പുറത്തിറങ്ങിയ പെണ്‍കുട്ടി, കീറിപ്പറിഞ്ഞ വസ്ത്രങ്ങളുമായി പിന്നീട് വീട്ടിലേക്ക് നടന്നുവരികയാണുണ്ടായതെന്നും കുടുംബം പറഞ്ഞു.

Content Highlights: girl abducted and raped in assam, accused tried to kill her


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
photo: Getty Images

1 min

കളി കഴിഞ്ഞെന്നു കരുതി ചാനലില്‍ പരസ്യം വന്നു; തോറ്റതറിയാതെ ഫ്രഞ്ച് ആരാധകര്‍

Dec 1, 2022


03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


praveena poothotta law college ksu

1 min

കോളേജ് യൂണിയന്‍ പിടിക്കാന്‍ കൈവിട്ട കളി? KSU പ്രവര്‍ത്തകയെ SFI-ക്കാര്‍ തട്ടിക്കൊണ്ടുപോയെന്ന് പരാതി

Nov 30, 2022

Most Commented