ആലപ്പുഴയിലും ബുള്‍ഡോസര്‍ പ്രയോഗം; കഞ്ചാവ് വില്‍പ്പന നടത്തിയ തട്ടുകട പൊളിച്ചുനീക്കി


തട്ടുകട പൊളിച്ചുനീക്കുന്നു

ആലപ്പുഴ: ആലപ്പുഴയിലും ബുള്‍ഡോസര്‍ പ്രയോഗം. ചാരുംമൂട്ടില്‍ കഞ്ചാവ് വില്‍പ്പന നടത്തിവന്നിരുന്ന തട്ടുകട പൊളിച്ചുനീക്കി. നൂറനാട് സ്വദേശി ഷൈജു ഖാന്റെ തട്ടുകടയാണ് ബുള്‍ഡോസര്‍ ഉപയോഗിച്ച് പൊളിച്ചുനീക്കിയത്. എക്‌സൈസ്, പോലീസ്, പഞ്ചായത്ത് അധികൃതര്‍ എന്നിവരുടെ നേതൃത്വത്തിലായിരുന്നു നടപടി.

അടുത്തിടെ നൂറനാട് എക്‌സൈസിന്റെ രാത്രി പട്രോളിങ്ങിനിടെ വള്ളിക്കുന്നം സ്വദേശി സന്തോഷിനെ കഞ്ചാവുമായി പിടികൂടിയിരുന്നു. ഇയാളെ ചോദ്യംചെയ്തപ്പോള്‍ ഒരു പൊതിക്ക് 500 രൂപ നിരക്കിലാണ് കഞ്ചാവ് വില്‍ക്കുന്നതെന്നും ഷൈജു ഖാനാണ് കഞ്ചാവ് നല്‍കുന്നതെന്നും വ്യക്തമായി. തുടര്‍ന്ന് നടത്തിയ അന്വേഷണത്തിലാണ് ഷൈജു ഖാന്റെ കടയും വീട് കേന്ദ്രീകരിച്ച് കഞ്ചാവ് വില്‍പ്പന നടക്കുന്നതായി കണ്ടെത്തിയത്. ഇതോടെ കടയുടെ പ്രവര്‍ത്തനം നിര്‍ത്തിവെക്കാനായി എക്‌സൈസ് പഞ്ചായത്ത് ഭരണസമിതിക്ക് റിപ്പോര്‍ട്ട് നല്‍കി. ഈ റിപ്പോര്‍ട്ടിന്റെ അടിസ്ഥാനത്തിലാണ് കഴിഞ്ഞദിവസം തട്ടുകട പൊളിച്ചുനീക്കിയത്. കടയിലുണ്ടായിരുന്ന സാധനങ്ങള്‍ എടുത്തു മാറ്റാന്‍ അനുവദിച്ച ശേഷമായിരുന്നു പൊളിക്കല്‍ നടന്നത്.



കുട്ടികള്‍ക്കടക്കം കഞ്ചാവും മറ്റ് ലഹരി വസ്തുക്കളും വില്‍പ്പന നടത്തിവരുന്നതായുള്ള നൂറനാട് പോലീസിന്റെയും എക്‌സൈസിന്റെയും റിപ്പോര്‍ട്ടിന്റെ അടിസ്ഥാനത്തിലാണ് തട്ടുകട പൊളിച്ചുമാറ്റിയതെന്നും ലഹരിക്കെതിരെ വലിയ പ്രചാരണ പ്രവര്‍ത്തനങ്ങള്‍ നടക്കുന്നതിനിടെ ഇവയുടെ വില്‍പ്പന തടയേണ്ടതിന്റെ ആവശ്യകത മുന്‍നിര്‍ത്തിയാണ് അടിയന്തര നടപടി സ്വീകരിച്ചതെന്നും പഞ്ചായത്ത് പ്രസിഡന്റ് സ്വപ്ന സുരേഷ് പറഞ്ഞു. കഞ്ചാവ് വില്‍പ്പന നടത്തിയതിന് ഷൈജുഖാനെതിരെ മുന്‍പും കേസെടുത്തിട്ടുണ്ടെന്ന് എക്‌സൈസും അറിയിച്ചു.

പഞ്ചായത്ത് സെക്രട്ടറി കെ.ജി. ഹരികുമാര്‍, നൂറനാട് പോലീസ് സബ് ഇന്‍സ്‌പെക്ടര്‍മാരായ എസ്.നിധീഷ്, ദീപു ആര്‍ പിള്ള, എക്‌സൈസ് റേഞ്ച് ഓഫീസര്‍ എ. അതുല്‍ എന്നിവരുടെ നേതൃത്വത്തിലായിരുന്നു നടപടികള്‍ നടന്നത്.

Content Highlights: gana sale street food stall demolished by bulldozer in charummoodu alappuzha

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


04:32

'കാന്താര' സിനിമയില്‍ നിറഞ്ഞാടുന്ന ഭൂതക്കോലം, 'പഞ്ചുരുളി തെയ്യം' | Nadukani

Oct 27, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022

Most Commented