ട്രഷറിയില്‍ വീണ്ടും തട്ടിപ്പ്, പെന്‍ഷന്‍ അക്കൗണ്ടില്‍നിന്ന് പണം തട്ടിയ ജീവനക്കാരന്‍ പിടിയില്‍


അറസ്റ്റിലായ അരുൺ

തിരുവനന്തപുരം: ട്രഷറിയില്‍ അക്കൗണ്ട് ഉടമ അറിയാതെ വീണ്ടും പണം തട്ടിപ്പ്. കുടുംബപെന്‍ഷന്‍ അക്കൗണ്ടില്‍നിന്ന് 18,000 രൂപ തട്ടിയെടുത്ത ട്രഷറി ജീവനക്കാരന്‍ അറസ്റ്റില്‍. പണംമാറാന്‍ സഹായിച്ചെന്ന കുറ്റത്തിന് മൂന്ന് ഉദ്യോഗസ്ഥരെക്കൂടി സസ്പെന്‍ഡ് ചെയ്തു.

കോട്ടയം കറുകച്ചാല്‍ സബ്ട്രഷറിയിലെ ജൂനിയര്‍ സൂപ്രണ്ടായ തിരുവനന്തപുരം ജില്ലയിലെ ചെങ്കല്‍ കോടങ്കര ഉഷസ്സില്‍ യു.ആര്‍. അരുണിനെ(38)യാണ് നെയ്യാറ്റിന്‍കര പോലീസ് അറസ്റ്റുചെയ്തത്.

നെയ്യാറ്റിന്‍കര സബ്ട്രഷറിയിലെ സബ് ട്രഷറി ഓഫീസര്‍ സി. മണി, ട്രഷററായ എ. അബ്ദുള്‍ റസാഖ്, ജൂനിയര്‍ അക്കൗണ്ടന്റ് ടി.എ. സജ്ന എന്നിവരെയാണ് ട്രഷറി ഡയറക്ടര്‍ വി. സാജന്‍ സസ്പെന്‍ഡ് ചെയ്തത്. അരുണിനെ ദിവസങ്ങള്‍ക്കുമുമ്പ് സസ്പെന്‍ഡ് ചെയ്തിരുന്നു. പിരിച്ചുവിടാനുള്ള നടപടികള്‍ തുടങ്ങി.

തട്ടിപ്പ് ഇങ്ങനെ

അരുണ്‍ ജോലിചെയ്തിരുന്ന കറുകച്ചാല്‍ സബ് ട്രഷറിയില്‍ കമലമ്മ എന്ന സ്ത്രീയുടെ കുടുംബപെന്‍ഷന്‍ അക്കൗണ്ടില്‍നിന്നാണ് പണം മാറ്റിയത്.

ഒരുവര്‍ഷംമുമ്പ് 18,000 രൂപ പിന്‍വലിക്കാന്‍ കമലമ്മ കറുകച്ചാല്‍ ട്രഷറിയില്‍ അരുണ്‍കുമാറിനെ സമീപിച്ച് ചെക്കുനല്‍കി. ചെക്കില്‍ പിശകുള്ളതിനാല്‍ മറ്റൊരു ചെക്ക് നല്‍കാന്‍ അരുണ്‍ ആവശ്യപ്പെട്ടു. മറ്റൊരു ചെക്ക് നല്‍കി 18,000 രൂപ പിന്‍വലിച്ചു.

ഒരുവര്‍ഷത്തിനുശേഷം ഈ മാസം 19-ന് അരുണ്‍ നെയ്യാറ്റിന്‍കര ട്രഷറിയിലെത്തി ആ ചെക്ക് നല്‍കി 18,000 രൂപ മാറിയെടുത്തു.

കമലമ്മ 20,000 രൂപ പിന്‍വലിക്കാന്‍ വീണ്ടും കറുകച്ചാല്‍ ട്രഷറിയിലെത്തിയപ്പോളാണ് 18,000 രൂപ കുറവുള്ളതായി കണ്ടത്. അവര്‍ പരാതിനല്‍കി. ട്രഷറി ജോയന്റ് ഡയറക്ടര്‍ കെ.ആര്‍. ജിജു പ്രജിത് നടത്തിയ പരിശോധനയിലാണ് തട്ടിപ്പ് വെളിപ്പെട്ടത്. അരുണിനെതിരേ പോലീസില്‍ പരാതിയും നല്‍കി. അറസ്റ്റുചെയ്ത് കോടതിയില്‍ ഹാജരാക്കിയ പ്രതിയെ ജുഡീഷ്യല്‍ കസ്റ്റഡിയില്‍ വിട്ടു.

Content Highlights: fraud in treasury employee arrested by police

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


pinarayi vijayan

3 min

ജീവിതത്തില്‍ ശുദ്ധി പുലര്‍ത്തിയാല്‍ തലകുനിക്കേണ്ടി വരില്ല, ഒരു ഉള്‍ക്കിടിലവുമില്ല- മുഖ്യമന്ത്രി 

Jul 4, 2022

Most Commented