അറസ്റ്റിലായ പ്രതികൾ
കോട്ടയം: കോട്ടയം നഗരമധ്യത്തില്‍നിന്ന് അര്‍ധരാത്രി ഓട്ടുവിളക്ക് മോഷ്ടിച്ചസംഭവത്തില്‍ നാല് പ്രതികള്‍ അറസ്റ്റില്‍. പുതുപ്പള്ളി മാമ്മൂട്ടില്‍ വീട്ടില്‍ ദിപിന്‍ വിശ്വം (33), കാഞ്ഞിരപ്പള്ളി കാളകെട്ടി ഭാഗം കൊട്ടാരമറ്റം വീട്ടില്‍ നസീര്‍ (39), ഇടുക്കി കരുണാപുരം ബാലഗ്രാംഭാഗം ആറ്റുപുറമ്പോക്ക് വീട്ടില്‍ ബാബു (48), ഉടുമ്പന്‍ചോല അമ്പലമേട് ഭാഗത്ത് മറ്റപ്പള്ളില്‍ വീട്ടില്‍ സോബിന്‍ (30) എന്നിവരെയാണ് കോട്ടയം വെസ്റ്റ് പോലീസ് ഇന്‍സ്‌പെക്ടര്‍ പ്രശാന്ത്കുമാര്‍ അറസ്റ്റ് ചെയ്തത്.
തിരുനക്കര മൈതാനത്ത് നടത്തുന്ന ചടങ്ങിനെത്തിച്ചതായിരുന്നു വിളക്ക്. മൈതാനത്തിന്റെ പിന്‍ഭാഗത്തുള്ള ഗ്രീന്‍ റൂമില്‍ സൂക്ഷിച്ചിരുന്ന ഇത് ബുധനാഴ്ച പുലര്‍ച്ചെ രണ്ട് മണിയോടെ പ്രതികള്‍ മോഷ്ടിക്കുകയായിരുന്നു. തുടര്‍ന്ന് ജില്ലാ പോലീസ് മേധാവി കെ.കാര്‍ത്തിക്കിന്റെ നേതൃത്വത്തില്‍ സി.സി.ടി.വി.കള്‍ കേന്ദ്രീകരിച്ച് നടത്തിയ ശാസ്ത്രീയ അന്വേഷണത്തിലാണ് പ്രതികളെക്കുറിച്ച് സൂചന ലഭിച്ചത്.
എസ്.ഐ. ടി.ശ്രീജിത്ത്, സി.പി.ഒ. ബിജു എന്നിവരും അന്വേഷണ സംഘത്തിലുണ്ടായിരുന്നു. കോട്ടയം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്‍ഡുചെയ്തു.
Content Highlights: four arrested in theft case kottayam
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=50d4e95&q=0.8&f=16x11&w=104)
.jpg?$p=a2127d5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..