.jpg?$p=f1b1304&f=16x10&w=852&q=0.8)
അറസ്റ്റിലായ പ്രതികൾ
കൊല്ലം: യുവാവിനെയും സുഹൃത്തിനെയും ആക്രമിച്ച് കൊലപ്പെടുത്താന്‍ ശ്രമിച്ചെന്ന കേസില്‍ നാലുപേരെ പോലീസ് പിടികൂടി. ശക്തികുളങ്ങര കന്നിമേല്‍ച്ചേരിയില്‍ മണ്ണാശ്ശേരി പടിഞ്ഞാറ്റതില്‍ യദുകൃഷ്ണന്‍ (23), ഇയാളുടെ സഹോദരന്‍ ഹരികൃഷ്ണന്‍ (26), ശക്തികുളങ്ങര മീനത്തുചേരിയില്‍ കാവനാട് പറയോട്ടില്‍ പടിഞ്ഞാറ്റതില്‍ രാജീവ് (27), മീനത്തുചേരിയില്‍ മണ്ണത്താഴത്തുവീട്ടില്‍ രാജീവ് രാജേന്ദ്രന്‍ (28) എന്നിവരാണ് പിടിയിലായത്.
വെള്ളിയാഴ്ച രാത്രി ശക്തികുളങ്ങര കാട്ടയ്യത്തുമുക്കിലൂടെ ബൈക്കില്‍ യാത്രചെയ്തുവന്ന പ്രജിത്തിനെയും സുഹൃത്ത് സോമുവിനെയുമാണ് ഇവര്‍ ആക്രമിച്ചത്. ബൈക്ക് തടഞ്ഞുനിര്‍ത്തി സോമുവിനെ പിടിച്ചിറക്കി ആക്രമിക്കുന്നതുകണ്ട് തടയാന്‍ ശ്രമിച്ച പ്രജിത്തിനെ കോണ്‍ക്രീറ്റ് കഷണം കൊണ്ട് തലയ്ക്കടിക്കുകയായിരുന്നു. അടിയില്‍ ഇയാളുടെ തലയ്ക്ക് പരിക്കേറ്റു. ഇടതുകൈയുടെ അസ്ഥിക്കും പൊട്ടലുണ്ട്. പരിക്കേറ്റ ഇരുവരെയും ജില്ലാ ആശുപത്രിയില്‍ പ്രവേശിപ്പിച്ചു.
മൂന്നുവര്‍ഷംമുമ്പ് ശക്തികുളങ്ങര ക്ഷേത്രോത്സവവുമായി ബന്ധപ്പെട്ട് ഇരുകൂട്ടരും തമ്മിലുണ്ടായ തര്‍ക്കമാണ് ആക്രമണത്തില്‍ കലാശിച്ചതെന്ന് പോലീസ് പറഞ്ഞു. പ്രതികളെ ശനിയാഴ്ച പുലര്‍ച്ചെയോടെ ശക്തികുളങ്ങര ഹാര്‍ബറിന്റെ പരിസരത്തുനിന്നാണ് പിടികൂടിയത്. ശക്തികുളങ്ങര ഇന്‍സ്‌പെക്ടര്‍ യു.ബിജുവിന്റെ നേതൃത്വത്തില്‍ സബ് ഇന്‍സ്‌പെക്ടര്‍മാരായ ഐ.വി.ആശ, പ്രകാശ്, എ.എസ്.ഐ.മാരായ അനില്‍കുമാര്‍, ക്രിസ്റ്റി, സി.പി.ഒ. നൗഫല്‍, ഹോംഗാര്‍ഡ് ഗുഹാനന്ദന്‍ എന്നിവരടങ്ങിയ സംഘമാണ് ഇവരെ പിടികൂടിയത്.
Content Highlights: four arrested in murder attempt case kollam
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=31e08d7&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=8312ca4&q=0.8&f=16x11&w=104)
.jpg?$p=b4643a5&q=0.8&f=16x11&w=104)
.jpg?$p=8a6554b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..