വിമാനത്താവളത്തില്‍ ജോലിയെന്ന് വാട്‌സാപ്പ് സന്ദേശം, രാവിലെ കൊച്ചിയിലെത്തിയത് 500-ലേറെ പേര്‍; ബഹളം


പ്രതീകാത്മ ചിത്രം | Photo: REUTERS

കൊച്ചി: വിമാനത്താവളത്തില്‍ ജോലി ലഭിക്കുമെന്ന് വാട്സാപ്പ് സന്ദേശം പ്രചരിച്ചതിനെ തുടര്‍ന്ന് തിങ്കളാഴ്ച രാവിലെ കൊച്ചിയിലെത്തിയത് അഞ്ഞൂറിലേറെപ്പേര്‍. വിസ തട്ടിപ്പാണെന്ന് വ്യക്തമായതിനെ തുടര്‍ന്ന് എറണാകുളം സൗത്ത് പോലീസ് രണ്ടുപേരേ അറസ്റ്റ് ചെയ്തു. പനമ്പിള്ളി നഗറില്‍ ട്രാവല്‍ ഏജന്‍സി നടത്തുന്ന അനു സാദത്ത്, സബ് ഏജന്റ് ഷംസുദ്ദീന്‍ എന്നിവരെയാണ് അറസ്റ്റ് ചെയ്തത്. ഷംസുദ്ദീനാണ് വാട്സാപ്പ് സന്ദേശം പ്രചരിപ്പിച്ചത്.

ഹജ്ജ്-ഉംറ തീര്‍ത്ഥാടനത്തിന്റെ ഭാഗമായി മദീന, ജിദ്ദ വിമാനത്താവളങ്ങളില്‍ ബാഗേജുകള്‍ കൈകാര്യം ചെയ്യുന്ന ജോലിയില്‍ ഒഴിവുണ്ടെന്നും അതിനായി വിസ ലഭിക്കുമെന്നുമായിരുന്നു സന്ദേശം.

ഇതേത്തുടര്‍ന്ന് പനമ്പിള്ളി നഗര്‍ ജങ്ഷനില്‍ രാവിലെ ഏഴുമണിയോടെ സംസ്ഥാനത്തിന്റെ വിവിധ ഭാഗങ്ങളില്‍നിന്നും അഞ്ഞൂറിലേറെപ്പേര്‍ എത്തി. ജങ്ഷനില്‍ വലിയ ആള്‍ക്കൂട്ടവും ബഹളവുമായി മാറി. വാട്സാപ്പ് സന്ദേശത്തില്‍ ഏത് ഓഫീസില്‍ എത്തണം എന്നുണ്ടായിരുന്നില്ല. പനമ്പിള്ളി നഗര്‍ ജങ്ഷനില്‍ എന്നുമാത്രമാണ് ഉണ്ടായിരുന്നത്.പരാതിയെ തുടര്‍ന്ന് സൗത്ത് പോലീസ് സ്ഥലത്തെത്തുകയും വാട്സാപ്പ് സന്ദേശം പരിശോധിക്കുകയും ചെയ്തു. ഇതേത്തുടര്‍ന്നാണ് അനു സാദത്തിനേയും ഷംസുദ്ദീനെയും ചോദ്യം ചെയ്തത്. ഇവരുടെ കൈവശം വിസ ഇല്ലെന്ന് വ്യക്തമായി.

വിസ ഉടന്‍ വരുമെന്നാണ് ഇവര്‍ പോലീസിനോടു പറഞ്ഞത്. എന്നാല്‍, വിസയില്ലാതെ ആളുകളെ അഭിമുഖത്തിന് വിളിച്ചുവരുത്തിയത് തട്ടിപ്പിനാണെന്ന് ചൂണ്ടിക്കാട്ടിയാണ് അറസ്റ്റ് ചെയ്തത്.

Content Highlights: fake job offer whatsapp message over 500 people arrived in kochi for job interview


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023

Most Commented