Photo: twitter.com/TorontoPolice
ടൊറന്റോ: കാനഡയിലെ ടൊറന്റോയില്‍ 59-കാരനെ ആക്രമിച്ചശേഷം കുത്തിക്കൊലപ്പെടുത്തിയ കേസില്‍ കൗമാരക്കാരായ എട്ട് പെണ്‍കുട്ടികള്‍ അറസ്റ്റില്‍. ടൊറന്റോയിലെ വിവിധയിടങ്ങളില്‍ താമസിക്കുന്ന പെണ്‍കുട്ടികളെയാണ് പോലീസ് അറസ്റ്റ് ചെയ്തത്. ഇവര്‍ക്കെതിരേ സെക്കന്റ് ഡിഗ്രി കൊലക്കുറ്റം ചുമത്തി കേസെടുത്തതായി പോലീസ് അറിയിച്ചു.
ഞായറാഴ്ച പുലര്‍ച്ചെയോടെയാണ് ടൊറന്റോ ഡൗണ്‍ടൗണില്‍ 59-കാരന്‍ കുത്തേറ്റ് മരിച്ചത്. പ്രതികളായ എട്ട് പെണ്‍കുട്ടികളെയും സംഭവസ്ഥലത്തുനിന്ന് തന്നെ പോലീസ് പിടികൂടുകയായിരുന്നു. അറസ്റ്റിലായവരില്‍ മൂന്നുപേര്‍ക്ക് 13 വയസ്സാണ് പ്രായം. 14 വയസ്സുള്ള മൂന്നുപേരും 16 വയസ്സുള്ള രണ്ടുപേരും സംഘത്തിലുണ്ടായിരുന്നു.
സാമൂഹികമാധ്യമങ്ങള്‍ വഴി പരസ്പരം പരിചയപ്പെട്ടാണ് എട്ട് പെണ്‍കുട്ടികളും ഡൗണ്‍ടൗണില്‍ ഒത്തുചേര്‍ന്നതെന്നാണ് പോലീസ് നല്‍കുന്നവിവരം. എന്നാല്‍, എന്തിനാണ് ഇവര്‍ പരിചയപ്പെട്ടതെന്നോ എന്തുകൊണ്ടാണ് ഡൗണ്‍ടൗണില്‍ ഒത്തുചേര്‍ന്നതെന്നോ വ്യക്തമല്ല. പെണ്‍കുട്ടികള്‍ കൊലപാതകത്തിന് ഉപയോഗിച്ച ആയുധങ്ങളും പോലീസ് കണ്ടെടുത്തിട്ടുണ്ട്. എന്നാല്‍ ഇതേക്കുറിച്ചുള്ള കൂടുതല്‍വിവരങ്ങള്‍ പോലീസ് പുറത്തുവിട്ടിട്ടില്ല.
അതിനിടെ, അറസ്റ്റിലായ പെണ്‍കുട്ടികള്‍ രാത്രി വൈകി തര്‍ക്കത്തിലേര്‍പ്പെട്ടിരുന്നതായി വിവരങ്ങളുണ്ട്. 59-കാരന്റെ കൈയില്‍നിന്ന് മദ്യക്കുപ്പി തട്ടിയെടുക്കാനുള്ള ശ്രമമാണ് ആക്രമണത്തിലും കത്തിക്കുത്തിലും കലാശിച്ചതെന്നും ചില റിപ്പോര്‍ട്ടുകളില്‍ പറയുന്നു. കൊല്ലപ്പെട്ട 59-കാരന്‍ ഷെല്‍ട്ടര്‍ ഹോമിലാണ് താമസിച്ചിരുന്നത്. എന്നാല്‍ ഇദ്ദേഹത്തിന് കുടുംബമുണ്ടെന്നും ബന്ധുക്കളെ കണ്ടെത്താനുള്ള ശ്രമങ്ങള്‍ തുടരുകയാണെന്നും പോലീസ് അറിയിച്ചു.
Content Highlights: eight teenage girls arrested in canada toronto for stabbing 59 year old man
Also Watch
RELATED STORIES
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..