കടലില്‍ അജ്ഞാത മൃതദേഹം; കഴുത്തില്‍ ആഴത്തില്‍ മുറിവ്, കൊലപാതകമെന്ന് സംശയം


മൃതദേഹം ഇത്രയും ഉള്‍ക്കടലില്‍ എങ്ങനെ എത്തിയെന്നതും പോലീസ് പരിശോധിക്കുന്നു. കന്യാകുമാരി മുതല്‍ നീണ്ടകര വരെ തീരദേശ പോലീസ് വ്യാപകമായ തിരച്ചിലും നടത്തി.

പ്രതീകാത്മക ചിത്രം | മാതൃഭൂമി

പൂവാര്‍: കടലില്‍നിന്നു കണ്ടെത്തിയ പുരുഷന്റെ അജ്ഞാത മൃതദേഹം കൊലപ്പെടുത്തി കടലില്‍ ഉപേക്ഷിച്ച ആരുടെയെങ്കിലുമാണെന്ന് സംശയം. മൃതദേഹത്തില്‍ കണ്ട കഴുത്തിലെ ആഴത്തിലുള്ള മുറിവാണ് മരണകാരണമെന്ന നിഗമനത്തിലാണ് പോലീസ്. അതിനാല്‍ കടലില്‍നിന്നു മൃതദേഹം കണ്ടെത്തിയ പൂവാര്‍ തീരദേശ പോലീസ് കേസെടുത്ത് അന്വേഷണം തുടങ്ങി. മൃതദേഹം തിരുവനന്തപുരം മെഡിക്കല്‍കോളേജ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

കഴിഞ്ഞ അഞ്ചിനാണ് പൂവാര്‍ തീരത്തുനിന്ന് ഇരുപത് കിലോമീറ്റര്‍ അകലെ ഉള്‍ക്കടലില്‍ ഒഴുകിനടന്ന മൃതദേഹം മത്സ്യത്തൊഴിലാളികള്‍ കണ്ടെത്തിയത്. തുടര്‍ന്ന് പൂവാര്‍ തീരദേശ പോലീസ് മൃതദേഹം കരയ്ക്കെത്തിച്ച് മെഡിക്കല്‍ കോളേജ് മോര്‍ച്ചറിയിലേക്കു മാറ്റി. അഞ്ചടി ഉയരവും 40-വയസ്സ് പ്രായവുമുള്ള പുരുഷന്റെ മൃതദേഹത്തില്‍ അടിവസ്ത്രവും ബനിയനുമാണ് ഉണ്ടായിരുന്നത്. രണ്ടാഴ്ചയോളം പഴക്കമുണ്ടായിരുന്ന മൃതദേഹം വികൃതമായതിനാല്‍ തിരിച്ചറിയാന്‍ കഴിയാത്ത നിലയിലാണ് പോലീസ് കണ്ടെത്തിയിരുന്നത്. മൃതദേഹപരിശോധനയില്‍ മരണത്തില്‍ ദുരൂഹതയുണ്ടെന്ന വിവരം കഴിഞ്ഞ ദിവസമാണ് അധികൃതര്‍ പോലീസിനു കൈമാറിയത്. മൃതദേഹം ജീര്‍ണിച്ച അവസ്ഥയില്‍ കിട്ടിയതാണ് ആളെ തിരിച്ചറിയാന്‍ പോലീസിനു ബുദ്ധിമുട്ടായത്.



മൃതദേഹത്തെക്കുറിച്ച് കേരളത്തിലെയും തമിഴ്നാട്ടിലെയും പോലീസ് സ്റ്റേഷനുകളില്‍ വിവരം കൈമാറിയിരുന്നു. എന്നാല്‍, തുമ്പ, പിറവം എന്നിവിടങ്ങളില്‍നിന്ന് രണ്ട് സംഘം അന്വേഷിച്ച് എത്തിയെങ്കിലും തിരിച്ചറിഞ്ഞില്ല. ഇതേത്തുടര്‍ന്ന് അന്യസംസ്ഥാന ക്യാമ്പുകളിലും പോലീസ് അന്വേഷണം ആരംഭിച്ചിട്ടുണ്ട്.

മൃതദേഹത്തിന്റെ ഫിംഗര്‍പ്രിന്റ്, ഡി.എന്‍.എ. പരിശോധനാഫലം എന്നിവ വരുന്നതോടെ ആളെ തിരിച്ചറിയാനാവുമെന്ന് പൂവാര്‍ തീരദേശ സ്റ്റേഷന്‍ സി.ഐ. എന്‍.ബിജു പറഞ്ഞു.

മൃതദേഹം ഇത്രയും ഉള്‍ക്കടലില്‍ എങ്ങനെ എത്തിയെന്നതും പോലീസ് പരിശോധിക്കുന്നു. കന്യാകുമാരി മുതല്‍ നീണ്ടകര വരെ തീരദേശ പോലീസ് വ്യാപകമായ തിരച്ചിലും നടത്തി.

Content Highlights: dead body found in sea in poovar trivandrum


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented