അപകടം നടന്ന സ്ഥലത്തുനിന്നുള്ള ദൃശ്യം. ഇൻസെറ്റിൽ മരിച്ച അനുപമ.
കാഞ്ഞിരപ്പള്ളി: വിദ്യാര്‍ഥികള്‍ സഞ്ചരിച്ചിരുന്ന ബൈക്ക് നിയന്ത്രണം വിട്ട് വീടിന്റെ ഗേറ്റ് ഇടിച്ച് തകര്‍ത്ത് മറിഞ്ഞ് പിറകിലിരുന്ന വിദ്യാര്‍ഥിനി മരിച്ചു. രാമങ്കരി തിരുവാതിരയില്‍ മോഹനന്റെയും ശുഭയുടെയും മകള്‍ അനുപമ മോഹന്‍ (21) ആണ് മരിച്ചത്. ബൈക്ക് ഓടിച്ചിരുന്ന സുഹൃത്ത് കൂട്ടിക്കല്‍ ഓലിക്കപാറയില്‍ അമീറി(21)നെ ഗുരുതര പരിക്കുകളോടെ കോട്ടയത്ത് സ്വകാര്യ ആശുപത്രിയില്‍ പ്രവേശിപ്പിച്ചു. ഇരുവരും കുട്ടിക്കാനം മരിയന്‍ കോളേജിലെ മൂന്നാം വര്‍ഷ ബിരുദ വിദ്യാര്‍ഥികളാണ്.
ശനിയാഴ്ച രാത്രി ഏഴരയോടെ എരുമേലി- കാഞ്ഞിരപ്പള്ളി റോഡില്‍ കൊരട്ടി അമ്പലവളവിന് സമീപമായിരുന്നു അപകടം. എരുമേലിക്ക് സമീപമുള്ള സഹപാഠിയുടെ വീട്ടിലെത്തിയ ശേഷം ഇരുവരും കോളേജിലെ മറ്റ് വിദ്യാര്‍ഥികള്‍ക്കൊപ്പം മടങ്ങവേയാണ് അപകടത്തില്‍പ്പെട്ടത്. നിയന്ത്രണം വിട്ട ബൈക്ക് റോഡരികിലെ വീടിന്റെ ഗേറ്റ് ഇടിച്ച് തകര്‍ത്ത് വീട്ട് മുറ്റത്തേക്ക് പാഞ്ഞ് കയറുകയായിരുന്നു.
അപകടത്തില്‍പ്പെട്ട ഇവരെ നാട്ടുകാര്‍ 26-ാം മൈലിലെ സ്വകാര്യ ആശുപത്രിയിലെത്തിച്ചെങ്കിലും അനുപമയുടെ ജീവന്‍ രക്ഷിക്കാനായില്ല. അമീറിന് പ്രാഥമിക ചികിത്സ നല്‍കിയ ശേഷം കോട്ടയത്തെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. അനുപമയുടെ സഹോദരന്‍: ആനന്ദ്.
Content Highlights: college student killed in a bike accident in kanjirappally kottayam
Also Watch
RELATED STORIES
.jpg?$p=01b182c&f=1x1&w=100&q=0.8)
IN CASE YOU MISSED IT
.jpg?$p=2922c1a&q=0.8&f=16x11&w=104)
.jpg?$p=da8f85f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..