ഭക്ഷണം കഴിക്കാൻ പോയ നേരംനോക്കി മോഷണം; ബസിലെ CCTVയിൽ കുടുങ്ങി, വൈറലായി വീഡിയോ, Cash stolen from parked bus, mangalore, video, theft

15 June 2022, 07:41 AM IST

ബസിൽ കയറി യുവാവ് കണ്ടക്ടറുടെ ബാഗ് കവരുന്ന നിരീക്ഷണ ക്യാമറാ ദൃശ്യങ്ങൾ

മംഗളൂരു: നിർത്തിയിട്ട ബസിൽനിന്ന് കണ്ടക്ടറുടെ ബാഗിലെ പണം കവർന്നയാൾ സി.സി.ടി.വി. ക്യാമറയിൽ കുടുങ്ങി. മംഗളൂരു നഗരത്തിൽ തിങ്കളാഴ്ചയാണ് സംഭവം. സ്റ്റേറ്റ് ബാങ്ക് പരിസരത്ത് നിർത്തിയിട്ട ബസിലാണ് കവർച്ച നടന്നത്.

ബസ് ഡ്രൈവറും കണ്ടക്ടറും ഭക്ഷണം കഴിക്കാൻ പോയതായിരുന്നു. ബസിൽ യാത്രക്കാരുണ്ടായിരുന്നില്ല. കണ്ടക്ടർ തിരിച്ചെത്തി ബസിലെ പെട്ടിയിൽനിന്ന് ബാഗെടുക്കാൻ നോക്കിയപ്പോഴാണ് മോഷണമറിഞ്ഞത്. തുടർന്ന് ബസിലെ നിരീക്ഷണ ക്യാമറാ ദൃശ്യങ്ങൾ പരിശോധിച്ചു. വെള്ള മുണ്ടുടുത്ത ഒരാൾ ബസിൽ കയറി ബാഗ് മോഷ്ടിക്കുന്ന ദൃശ്യങ്ങൾ അതിലുണ്ടായിരുന്നു.

എത്ര തുകയാണ് ബാഗിൽ ഉണ്ടായിരുന്നതെന്ന് വ്യക്തമല്ല. ബസ് ജീവനക്കാർതന്നെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിപ്പിച്ചതോടെയാണ് മോഷണവിവരം ലോകമറിയുന്നത്. പോലീസിൽ പരാതി നൽകാത്തതിനാൽ കേസെടുത്തിട്ടില്ല. മോഷണ വീഡിയോ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുകയാണ്.