.jpg?$p=58db1bc&f=16x10&w=856&q=0.8)
പ്രതീകാത്മക ചിത്രം | മാതൃഭൂമി
ഉദുമ: വര്‍ക്ക് ഷോപ്പിന്റെ പൂട്ട് തകര്‍ത്ത് ഊരിയിട്ടിരുന്ന ചക്രങ്ങള്‍ ഘടിപ്പിച്ച് കാര്‍ മോഷ്ടിച്ചു. കഴിഞ്ഞ രാത്രി പള്ളിക്കര ചേറ്റുകുണ്ടിലെ മാക്‌സ് മോട്ടോഴ്സ് എന്ന വര്‍ക്ക് ഷോപ്പിലാണ് വ്യത്യസ്തമായ കാര്‍ മോഷണം നടന്നത്
പെരളം ചെന്നക്കുഴിയിലെ വി.സുധാകരന്റേതാണ് വര്‍ക്ക്ഷോപ്പ്. കഴിഞ്ഞ വെള്ളിയാഴ്ച അറ്റകുറ്റപ്പണിക്കായി ഇവിടെയെത്തിച്ച ചാരനിറത്തിലുള്ള കാറിന്റെ ചക്രങ്ങള്‍ മൂന്നാംതീയതി ഊരിയിട്ട് വാഹനം സ്ഥാപനത്തിന്റെ ഉള്ളിലാക്കി. ഉടമയും തൊഴിലാളികളും രാത്രി ഏഴോടെ വീട്ടില്‍ പോയി. ഞായറാഴ്ച അവധി കഴിഞ്ഞ് തിങ്കളാഴ്ച രാവിലെ ഒന്‍പതിന് സ്ഥാപനം തുറക്കാനെത്തിയപ്പോഴാണ് പൂട്ട് തകര്‍ത്ത് അകത്ത് കയറിയ മോഷ്ടാക്കള്‍ ചക്രങ്ങള്‍ ഘടിപ്പിച്ച് കാര്‍ കൊണ്ടുപോയത് അറിഞ്ഞത്.
സുധാകരന്റെ പരാതിയില്‍ ബേക്കല്‍ പോലീസ് കേസെടുത്തിട്ടുണ്ട്. മൂന്നുലക്ഷം രൂപ വിലയുള്ള കാറാണ് മോഷ്ടിക്കപ്പെട്ടത്. സംസ്ഥാനപാതയിലെ സി.സി.ടി.വി. ദൃശ്യങ്ങള്‍ കേന്ദ്രീകരിച്ച് അന്വേഷണം നടക്കുന്നതായി കേസിന്റെ ചുമതലയുള്ള ബേക്കല്‍ എസ്.ഐ. കെ.വി.രാജീവന്‍ അറിയിച്ചു.
Content Highlights: car theft in uduma kasargod
Also Watch
RELATED STORIES
IN CASE YOU MISSED IT
Premium
.jpg?$p=fd986a9&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..