ബോംബെ ഐഐടിയിലും വിദ്യാര്‍ഥിനിയുടെ കുളിമുറിദൃശ്യങ്ങള്‍ പകര്‍ത്തി; കാന്റീന്‍ ജീവനക്കാരന്‍ അറസ്റ്റില്‍


പ്രതീകാത്മക ചിത്രം | Photo: PTI

മുംബൈ: കുളിമുറിദൃശ്യങ്ങള്‍ പകര്‍ത്തിയതുമായി ബന്ധപ്പെട്ട് ചണ്ഡീഗഢ് സര്‍വകലാശാലയില്‍ പ്രതിഷേധം ശക്തമാവുന്നതിനിടെ ബോംബെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി(ഐ.ഐ.ടി. ബോംബെ)യിലും സമാനസംഭവം. ഞായറാഴ്ച രാത്രി ഹോസ്റ്റലിലെ കുളിമുറിയില്‍ ഐ.ഐ.ടി.യിലെ കാന്റീന്‍ ജീവനക്കാരന്‍ രഹസ്യമായി ദൃശ്യങ്ങള്‍ പകര്‍ത്തിയെന്നാണ് വിദ്യാര്‍ഥിനിയുടെ പരാതി. ഇയാളെ ചൊവ്വാഴ്ച അറസ്റ്റുചെയ്തു.

ഫോണില്‍നിന്ന് ദൃശ്യങ്ങളൊന്നും കണ്ടെടുത്തിട്ടില്ലെന്ന് പോലീസ് പറഞ്ഞു. വിദ്യാര്‍ഥിനി നല്‍കിയ പരാതിയിലാണ് കാന്റീന്‍ തൊഴിലാളിയുടെ കേസെടുത്തതെന്ന് പവായ് സ്റ്റേഷനിലെ സീനിയര്‍ പോലീസ് ഇന്‍സ്‌പെക്ടര്‍ ബുഥന്‍ സാവന്ത് പറഞ്ഞു.

പരാതിയില്‍ അടിയന്തരനടപടി സ്വീകരിച്ചിട്ടുണ്ടെന്ന് ബോംബെ ഐ.ഐ.ടി. ഡീന്‍ പ്രൊഫസര്‍ തപനേന്ദു കുണ്ടു പറഞ്ഞു. പുറത്തുനിന്ന് കുളിമുറിയിലേക്കുള്ള പ്രവേശനം അടച്ചിട്ടുണ്ട്. ഹോസ്റ്റലിലെ കുട്ടികളുടെ സുരക്ഷയുറപ്പാക്കാനുള്ള നടപടികള്‍ സ്വീകരിച്ചുവരുകയാണ്.

ഹോസ്റ്റല്‍ നമ്പര്‍ 10-ല്‍ പരിശോധന നടത്തിയശേഷം സി.സി.ടി.വി. ക്യാമറകളും ആവശ്യമായ സ്ഥലങ്ങളില്‍ കൂടുതല്‍ ലൈറ്റുകളും സ്ഥാപിച്ചു. കാന്റീനില്‍ വനിതാജീവനക്കാരെ മാത്രം നിയമിക്കാന്‍ തീരുമാനിച്ചിട്ടുണ്ട്. പരാതിയെത്തുടര്‍ന്ന് കാന്റീന്‍ അടച്ചിരിക്കുകയാണ്.

Content Highlights: camera inside IIT-Bombay hostel bathroom, canteen worker arrested


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented