.jpg?$p=212e2d6&f=16x10&w=852&q=0.8)
പ്രദീപ്
തിരുവനന്തപുരം: ബി.എസ്.എന്‍.എല്‍. എന്‍ജിനിയേഴ്സ് സഹകരണസംഘത്തില്‍ 1255 പേരുടെ 44.15 കോടി രൂപയുടെ നിക്ഷേപം തിരിമറി നടത്തിയെന്ന കേസില്‍, സംഘം സെക്രട്ടറി അറസ്റ്റില്‍. ബി.എസ്.എന്‍.എല്‍. മുന്‍ പോസ്റ്റ് ഡിവിഷണല്‍ എന്‍ജിനിയര്‍, വെള്ളായണി ഊക്കോട് വിവേകാനന്ദ നഗര്‍ ഗുരുപ്രഭയില്‍ കെ.വി.പ്രദീപിനെയാണ് വഞ്ചിയൂര്‍ പോലീസ് അറസ്റ്റു ചെയ്തത്. പ്രദീപിനെ പിന്നീട് ക്രൈംബ്രാഞ്ചിന്റെ കസ്റ്റഡിയില്‍ വിട്ടു.
2012 മുതല്‍ 2017 വരെ സംഘത്തിന്റെ ഡയറക്ടര്‍ ബോര്‍ഡ് അംഗവും 2017 മുതല്‍ 2022 വരെ സെക്രട്ടറിയുമായിരുന്നു പ്രദീപ്.
ക്രൈംബ്രാഞ്ചിലെ സാമ്പത്തിക കുറ്റാന്വേഷണവിഭാഗമാണ് ഇപ്പോള്‍ കേസ് അന്വേഷിക്കുന്നത്. നേരത്തെ കേസ് അന്വേഷിച്ചിരുന്ന വഞ്ചിയൂര്‍ പോലീസില്‍നിന്ന് ക്രൈംബ്രാഞ്ച് വിവരങ്ങള്‍ ശേഖരിച്ചിരുന്നു. സാമ്പത്തിക കുറ്റാന്വേഷണ വിഭാഗം ഡിവൈ.എസ്.പി.യുടെ നേതൃത്വത്തിലാണ് അന്വേഷണം.
വഞ്ചിയൂര്‍ പോലീസ് രജിസ്റ്റര്‍ ചെയ്ത കേസില്‍ മുന്‍ സംഘം പ്രസിഡന്റ് ഗോപിനാഥന്‍, ക്ലാര്‍ക്ക് രാജീവ് മറ്റു ഭരണസമിതിയംഗങ്ങള്‍ എന്നിവരാണ് പ്രതികള്‍. എന്നാല്‍ ഗോപിനാഥിനെയും രാജീവിനെയും ഇതുവരെയും അറസ്റ്റു ചെയ്യാനായിട്ടില്ല.
ഗോപിനാഥന്റെയും രാജീവിന്റെയും പേരിലും ബന്ധുക്കളുടെ പേരിലുമുള്ള 14 വസ്തുവകകള്‍ ആദ്യഘട്ടത്തില്‍ കണ്ടുകെട്ടിയിരുന്നു. ആറു വസ്തുക്കള്‍ ഉടന്‍ സഹകരണവകുപ്പ് കണ്ടുകെട്ടും.
നിക്ഷേപകര്‍ ധര്‍ണ നടത്തും
നിക്ഷേപകര്‍ ബി.എസ്.എന്‍.എല്‍. എന്‍ജിനിയേഴ്സ് സൊസൈറ്റി സേവ് ഫോറത്തിന്റെ ആഭിമുഖ്യത്തില്‍ എട്ടാം തീയതി സെക്രട്ടേറിയറ്റിനു മുന്നില്‍ ധര്‍ണ നടത്തും. വൈകുന്നേരം രക്തസാക്ഷിമണ്ഡപത്തിലേക്ക് മാര്‍ച്ചും നടത്തും.
Content Highlights: bsnl engineers co operative money fraud case
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..