Screengrab: Youtube.com/News18 MP Chhattisgarh
ഭോപാല്‍: മധ്യപ്രദേശിലെ ഭോപാലില്‍ അമിതവേഗത്തിലെത്തിയ കാറിടിച്ച് നാല് വനിതാ പോലീസുകാര്‍ക്ക് പരിക്ക്. വെള്ളിയാഴ്ച രാത്രി ടി.ടി. നഗര്‍ പോലീസ് സ്‌റ്റേഷന്‍ പരിധിയിലെ ജവഹര്‍ ചൗക്കിലായിരുന്നു അപകടം. പരിക്കേറ്റവരില്‍ രണ്ടുപേരുടെ നില ഗുരുതരമാണ്.
ട്രാഫിക് വിഭാഗത്തില്‍ ജോലിചെയ്യുന്ന നാലുപേരും വെള്ളിയാഴ്ച രാത്രി സിനിമ കണ്ട് മടങ്ങുന്നതിനിടെയാണ് അപകടമുണ്ടായത്. തിയേറ്ററില്‍നിന്ന് വീട്ടിലേക്ക് നടന്നുപോകുന്നതിനിടെ അമിതവേഗത്തിലെത്തിയ കാര്‍ ഇവര്‍ക്ക് നേരേ പാഞ്ഞുകയറുകയായിരുന്നു. അപകടത്തിന് പിന്നാലെ കൂട്ടത്തിലുണ്ടായിരുന്ന പോലീസുകാരിയാണ് ടി.ടി. നഗര്‍ പോലീസ് സ്‌റ്റേഷനില്‍ വിവരമറിയിച്ചത്. തുടര്‍ന്ന് പോലീസ് സംഘം സ്ഥലത്തെത്തിയ ശേഷമാണ് നാലുപേരെയും ആശുപത്രിയില്‍ എത്തിച്ചത്.
പരിക്കേറ്റവരില്‍ രണ്ട് പോലീസുകാരുടെ ആരോഗ്യനില അതീവഗുരുതരമായി തുടരുകയാണെന്നാണ് പോലീസ് നല്‍കുന്നവിവരം. കാര്‍ ഓടിച്ചിരുന്ന ശ്യാമള ഹില്‍സ് സ്വദേശി സഹര്‍ഷ് ത്രിപാഠിയെ പോലീസ് അറസ്റ്റ് ചെയ്തിട്ടുണ്ട്. സംഭവസമയത്ത് ഇയാള്‍ മദ്യലഹരിയിലായിരുന്നുവെന്ന് പോലീസ് പറഞ്ഞു.
അപകടത്തില്‍പ്പെട്ട നാല് വനിതാ പോലീസുകാരും നേരത്തെ വിവിധ ജില്ലകളിലാണ് ജോലിചെയ്തിരുന്നത്. അടുത്തിടെയാണ് ഇവര്‍ ട്രാഫിക് പോലീസ് സ്‌റ്റേഷനിലേക്ക് സ്ഥലംമാറിയെത്തിയത്.
Content Highlights: four women constables injured as speeding car rams into them in bhopal madhya pradesh
Also Watch
RELATED STORIES
.jpg?$p=f45ebce&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..