ബൈക്ക് നിര്‍ത്തിയതില്‍ തര്‍ക്കം; യുവാക്കള്‍ വീട് തല്ലിത്തകര്‍ത്തു, അമ്മയെയും മകനെയും ആക്രമിച്ചു


അക്രമികൾ തല്ലിത്തകർത്ത വീട്ടുപകരണങ്ങൾ

ഹരിപ്പാട്: ബൈക്ക് റോഡില്‍വെച്ചതുമായി ബന്ധപ്പെട്ടുണ്ടായ തര്‍ക്കത്തെത്തുടര്‍ന്ന് മൂന്നുയുവാക്കള്‍ചേര്‍ന്ന് വീടു തല്ലിത്തകര്‍ത്തു. വീട്ടിലുണ്ടായിരുന്ന അമ്മയെയും മകനെയും ആക്രമിച്ചു പരിക്കേല്‍പ്പിച്ചു. ചേപ്പാട് വലിയകുഴി കൃഷ്ണനിവാസില്‍ സുരേന്ദ്രന്റെ വീടിനുനേരേ ഞായറാഴ്ച രാത്രി ഏഴേകാലോടെയാണ് ആക്രമണമുണ്ടായത്. സുരേന്ദ്രന്റെ ഭാര്യ പ്രസന്ന (56), മകന്‍ ഉണ്ണിക്കൃഷ്ണന്‍ (32) എന്നിവര്‍ക്കാണു പരിക്കേറ്റത്.

ഉണ്ണിക്കൃഷ്ണന്‍ ബൈക്ക് വീടിനുസമീപം റോഡരികില്‍ നിര്‍ത്തി സുഹൃത്തുമായി സംസാരിക്കുകയായിരുന്നു. ഈ സമയം ബൈക്കില്‍പ്പോയ മൂന്നംഗസംഘം ഇവരോട് ബൈക്ക് മാറ്റാനാവശ്യപ്പെട്ട് അസഭ്യം പറയുകയായിരുന്നു. ഉണ്ണിക്കൃഷ്ണന്റെ അമ്മ പ്രസന്ന ഇതു ചോദ്യംചെയ്തതോടെ ബൈക്കില്‍ വന്നവര്‍ അക്രമാസക്തരായി. പ്രസന്നയെയും ഉണ്ണിക്കൃഷ്ണനെയും അടിച്ചുവീഴ്ത്തിയശേഷം വീട്ടുമുറ്റത്ത് ഇറക്കിവെച്ചിരുന്ന ഇഷ്ടികകള്‍ വീട്ടിലേക്കെറിഞ്ഞു. പിന്നാലെ വീട്ടിനുള്ളില്‍ കയറിയും അക്രമംനടത്തി. ജനാലച്ചില്ലുകള്‍ തല്ലിത്തകര്‍ത്തു. മുന്‍ഭാഗത്തെ കതക്, കസേര തുടങ്ങിയവയും നശിപ്പിച്ചു.

ഇഷ്ടികയെറിഞ്ഞു തൊഴുത്തിലുണ്ടായിരുന്ന പശുവിനെയും പരിക്കേല്‍പ്പിച്ചു. 15 മിനിറ്റോളം മൂന്നുപേരും ആക്രമണം നടത്തിയതായി പ്രസന്ന കരീലക്കുളങ്ങര പോലീസിനു മൊഴിനല്‍കി. സമീപവാസികളെത്തിയതോടെയാണ് അക്രമികള്‍ സ്ഥലംവിട്ടത്. മുട്ടം മുറിയാംമൂട് സ്വദേശികളായ ഗോകുല്‍ (23), അച്ചു (20), സിദ്ധാര്‍ഥ് (20) എന്നിവരാണ് ആക്രമണം നടത്തിയതെന്നു പ്രസന്ന കരീലക്കുളങ്ങര പോലീസില്‍ നല്‍കിയ പരാതിയില്‍ പറയുന്നു. പ്രതികളിലൊരാളെ തിങ്കളാഴ്ച രാവിലെ പോലീസ് കസ്റ്റഡിയിലെടുത്തു.

പ്രസന്നയും ഉണ്ണിക്കൃഷ്ണനും ഹരിപ്പാട് ഗവ. ആശുപത്രിയില്‍ ചികിത്സതേടി. പരിക്കേറ്റ പശുവിന് ചേപ്പാട് മൃഗാശുപത്രിയിലെ വെറ്ററിനറി സര്‍ജനെത്തി ചികിത്സ നല്‍കി.

Content Highlights: attack against mother and son in harippad

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022

Most Commented