.jpg?$p=f4a27cc&f=16x10&w=852&q=0.8)
അക്ഷയ് ,അഖിൽ
തൃശ്ശൂര്‍: രാത്രിയില്‍ ഒറ്റയ്ക്ക് യാത്രചെയ്യുന്നവരെ ആക്രമിച്ച് കവര്‍ച്ച ചെയ്യുന്ന രണ്ടുപേര്‍ അറസ്റ്റില്‍. കുറ്റൂര്‍ വിലയപറമ്പ് സ്വദേശി പൊന്നമ്പത്ത് വീട്ടില്‍ അക്ഷയ് (26), അത്താണി സ്വദേശിയായ സില്‍ക്ക് നഗറില്‍ താമസിക്കുന്ന ആലിങ്ങപറമ്പില്‍ വീട്ടില്‍ അഖില്‍ (30) എന്നിവരെയാണ് തൃശ്ശൂര്‍ സിറ്റി പോലീസ് കമ്മിഷണറുടെ കീഴിലുള്ള ഷാഡോ പോലീസും ഈസ്റ്റ് പോലീസും ചേര്‍ന്ന് പിടികൂടിയത്. പാലസ് ഗ്രൗണ്ട് പരിസരം കേന്ദ്രീകരിച്ചായിരുന്നു ഇവര്‍ കവര്‍ച്ച നടത്തിയിരുന്നത്.
പട്ടിക്കാട്, പറവട്ടാനി സ്വദേശികളെയാണ് ഇവര്‍ ആക്രമിച്ച് കവര്‍ച്ച നടത്തിയത്. പട്ടിക്കാട് സ്വദേശി ബൈക്കില്‍ വരുമ്പോള്‍ പ്രതികള്‍ സഞ്ചരിച്ചിരുന്ന വാഹനം ഇടിപ്പിച്ച ശേഷം നഷ്ടപരിഹാരമായി വന്‍തുക ആവശ്യപ്പെട്ട് ക്രൂരമായി മര്‍ദിക്കുകയായിരുന്നു. ഇയാളുടെ കൈയിലുണ്ടായിരുന്ന പണവും തട്ടിയെടുത്തു. ഇതേ ദിവസംതന്നെ പറവട്ടാനി സ്വദേശിയെ തടഞ്ഞുനിര്‍ത്തി ആക്രമിച്ച് പഞ്ചലോഹമോതിരവും സ്വര്‍ണവും കവര്‍ച്ച ചെയ്തിരുന്നു.
ഇവരുടെ പരാതിയിലാണ് ഈസ്റ്റ് പോലീസ് തിരൂര്‍ പുത്തന്‍മഠംകുന്ന് പരിസരത്ത് ഒളിവില്‍ കഴിയുകയായിരുന്ന പ്രതികളെ പിടികൂടിയത്. ഇരുവരും നിരവധി കേസുകളില്‍ ഉള്‍പ്പെട്ട പ്രതികളാണെന്ന് പോലീസ് പറയുന്നു.
Content Highlights: Alone travelers will be hit by vehicles, assaulted and robbed for compensation
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..