പ്രതീകാത്മക ചിത്രം | Getty Images
ചെന്നൈ: കള്ളക്കുറിച്ചിയില്‍ സ്‌കൂള്‍ ഹോസ്റ്റലില്‍ പീഡിപ്പിച്ചതായി വിദ്യാര്‍ഥികള്‍ പരാതി നല്‍കി. ഇവിടെ സെര്‍പ്പട്ടിലുള്ള സ്വകാര്യ ഹയര്‍സെക്കന്‍ഡറി സ്‌കൂള്‍ ഹോസ്റ്റലിലെ 122 വിദ്യാര്‍ഥികളാണ് പരാതി നല്‍കിയത്. അധ്യാപകരും ഹോസ്റ്റല്‍ വാര്‍ഡന്‍ ഉള്‍പ്പെടെ ജീവനക്കാരും തങ്ങളെ പീഡിപ്പിച്ചുവെന്ന് ആരോപിച്ചാണ് ഒമ്പതിനും പന്ത്രണ്ടിനും ഇടയില്‍ ക്ലാസുകളിലെ വിദ്യാര്‍ഥികള്‍ രംഗത്തെത്തിയത്. ഹോസ്റ്റല്‍ വാര്‍ഡന്‍ ലക്ഷ്മിക്കുപകരം നിയമിച്ച സഹില റാണി വിദ്യാര്‍ഥികളെ ലൈംഗികമായി പീഡിപ്പിച്ചുവെന്നു പരാതിയില്‍ പറയുന്നു.
കഴിഞ്ഞവര്‍ഷം ഒക്ടോബറില്‍ സാഹില റാണി പീഡിപ്പിച്ചുവെന്ന് ഒരു വിദ്യാര്‍ഥിയുടെ പരാതിയിലൂടെയാണ് സംഭവം പുറത്തറിയുന്നത്.
സമാനമായ പരാതി മറ്റു വിദ്യാര്‍ഥികളും നല്‍കി. സംഭവം മാനേജ്‌മെന്റിന്റെ ശ്രദ്ധയില്‍പ്പെടുത്തിയപ്പോള്‍ വിദ്യാര്‍ഥികളെ പുറത്താക്കുമെന്നു ഭീഷണിപ്പെടുത്തുകയായിരുന്നുവെന്നും പറയുന്നു. സ്‌കൂള്‍ ചെയര്‍മാനും നടപടിയെടുത്തില്ലെന്നും ആരോപണമുണ്ട്.
രണ്ടുമാസം മുമ്പ് വിദ്യാഭ്യാസ- സാമൂഹിക ക്ഷേമവകുപ്പുകള്‍ അന്വേഷണം നടത്തിയെന്നും വനിതാ വാര്‍ഡന്‍മാര്‍ തമ്മിലുള്ള വൈരാഗ്യമാണ് ഇതിനു പിന്നിലെന്ന് റിപ്പോര്‍ട്ട് സമര്‍പ്പിച്ചുവെന്നും വിദ്യാഭ്യാസ വകുപ്പ് വൃത്തങ്ങള്‍ അറിയിച്ചു. വിദ്യാര്‍ഥികളെ വൈദ്യപരിശോധനയ്ക്കു വിധേയരാക്കിയതില്‍ പീഡനത്തിനിരയായിട്ടില്ലെന്നു വ്യക്തമായിട്ടുണ്ടെന്നും അവര്‍ പറഞ്ഞു.
Content Highlights: allegation against school hostel officers in tamilnadu
Also Watch
RELATED STORIES
.jpg?$p=24703dc&f=1x1&w=100&q=0.8)
.png?$p=2f38136&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..