കഞ്ചാവ് | File Photo: Mathrubhumi Library
വെഞ്ഞാറമൂട്: കഞ്ചാവ് വില്പനയെക്കുറിച്ച് പോലീസിന് വിവരം നല്‍കിയ പ്ലസ് ടു വിദ്യാര്‍ഥിനിക്കും അമ്മയ്ക്കും മര്‍ദനമേറ്റ സംഭവത്തില്‍ ഒളിവിലായിരുന്ന പ്രതികള്‍ അറസ്റ്റില്‍. മുക്കോല കല്ലയം മാഞ്ഞാകോണം കോളനിയില്‍ നിന്നും കൊപ്പം കരിഞ്ഞാകോണം മഞ്ചുഭവനില്‍ താമസിക്കുന്ന മുരുകന്‍ (38), ഇയാളുടെ ഭാര്യയുടെ സഹോദരി മായ (28) എന്നിവരാണ് വെഞ്ഞാറമൂട് പോലീസിന്റെ പിടിയിലായത്. പിരപ്പന്‍കോട്ട് താമസിക്കുന്ന പ്ലസ് ടു വിദ്യാര്‍ഥിനിയാണ് സ്‌കൂളില്‍ ലഹരിക്കെതിരേ നടന്ന ക്ലാസില്‍ പറഞ്ഞതിനനുസരിച്ചു അയല്‍വാസിയായ കഞ്ചാവ് വില്പനക്കാരന്റെ വിവരം പോലീസിന് രഹസ്യമായി കൈമാറിയത്.
പോലീസ് മുരുകനെ സ്റ്റേഷനില്‍ എത്തിച്ചശേഷം വിട്ടയക്കുകയും പോലീസ് സ്റ്റേഷനില്‍നിന്ന് ഈ പെണ്‍കുട്ടിയാണ് വിവരം കൈമാറിയതെന്ന് അറിഞ്ഞു വീട്ടിലെത്തിയ പ്രതി ഇവരെ ആക്രമിക്കുകയുമായിരുന്നു. ഗുരുതരമായി പരിക്കേറ്റ ഇവര്‍ വെഞ്ഞാറമൂട് പോലീസില്‍ പരാതി നല്‍കിയെങ്കിലും കേസെടുത്തതല്ലാതെ മറ്റു നടപടികളെടുത്തില്ല. സംഭവം 'മാതൃഭൂമി'യാണ് പുറത്തറിയിച്ചത്.
തുടര്‍ന്ന് വിദ്യാഭ്യാസമന്ത്രി വി.ശിവന്‍കുട്ടി അന്വേഷണത്തിന് ഉത്തരവിടുകയും വനിതാ കമ്മിഷന്‍ സ്വമേധയാ കേസെടുക്കുകയും ചെയ്തിരുന്നു.
സംഭവത്തിനു ശേഷം ഫോണ്‍ ഓഫ് ചെയ്ത് കിളിമാനൂര്‍ നഗരൂരിലെ സുഹൃത്തിന്റെ വീട്ടില്‍ ഒളിച്ചു താമസിക്കുകയായിരുന്ന മുരുകനെ വെള്ളിയാഴ്ച ഉച്ചയോടെയാണ് വെഞ്ഞാറമൂട് എസ്.എച്ച്.ഒ. അനൂപ് കൃഷ്ണയുടെ നേതൃത്വത്തിലുള്ള പോലീസ് സംഘം പിടികൂടിയത്.
Content Highlights: after reporting the sale of ganja to the police, the house was attacked, accused in custody
Also Watch
RELATED STORIES
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5ab4c51&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..