15കാരനെ ലൈംഗികമായി പീഡിപ്പിച്ചു; മൂന്നു വൈദികരുടെപേരില്‍ പോക്സോ കേസ്


മറ്റൊരു ലൈംഗികാരോപണക്കേസില്‍ ജാമ്യത്തിലിറങ്ങിയ സമയത്താണ് ഫാദര്‍ പെരേര കുട്ടിയെ ഉപദ്രവിച്ചത്.

പ്രതീകാത്മകചിത്രം| Photo: AFP

മുംബൈ: പതിനഞ്ചുവയസ്സുകാരനെ ലൈംഗികമായി പീഡിപ്പിച്ച സംഭവത്തില്‍ മൂന്നു വൈദികരുടെപേരില്‍ കേസെടുത്തു. പുണെയിലാണ് സംഭവം. പോക്‌സോ പ്രകാരമാണ് കേസെടുത്തത്.

ഫാദര്‍ വിന്‍സെന്റ് പെരേര (56), പുണെ രൂപത ബിഷപ്പ് തോമസ് ദാബ്രെ (77), ബോംബെ ആര്‍ച്ച് ബിഷപ്പ് കര്‍ദിനാള്‍ ഓസ്വാള്‍ഡ് ഗ്രേഷ്യസ് (70) എന്നിവര്‍ക്കെതിരേയാണ് കേസ്. സംഭവത്തിനുശേഷം കുട്ടിയെ ശാരീരികമായി ഉപദ്രവിച്ച ഫാദര്‍ വിന്‍സെന്റ് പെരേര ഒളിവിലാണെന്ന് പുണെ പോലീസ് പറഞ്ഞു.

മറ്റൊരു ലൈംഗികാരോപണക്കേസില്‍ ജാമ്യത്തിലിറങ്ങിയ സമയത്താണ് ഫാദര്‍ പെരേര കുട്ടിയെ ഉപദ്രവിച്ചത്. കഴിഞ്ഞ വര്‍ഷം ഡിസംബറിലാണ് കേസിനാസ്പദമായ സംഭവം നടക്കുന്നത്. കുട്ടിയുടെ വീട് സന്ദര്‍ശിച്ച് ഫാദര്‍ 15-കാരനെ ലൈംഗികമായി പീഡിപ്പിക്കുകയായിരുന്നു. സംഭവം മറച്ചുവെക്കാന്‍ ശ്രമിച്ചതിനാണ് മറ്റു രണ്ടുപേര്‍ക്കുമെതിരെ പോലീസ് കേസെടുത്തിരിക്കുന്നത്.

പുണെ രൂപത ബിഷപ്പ് തോമസ് ദാബ്രെയില്‍നിന്ന് സഹായം തേടിയതായും ബോംബെ ആര്‍ച്ച് ബിഷപ്പ് കര്‍ദിനാള്‍ ഓസ്വാള്‍ഡ് ഗ്രേഷ്യസുമായി ബന്ധപ്പെട്ടെങ്കിലും ആരും സഹായിച്ചില്ലെന്നും കുട്ടിയുടെ കുടുംബം ആരോപിച്ചു. ഞങ്ങളുടെ കുട്ടിക്ക് നീതി ലഭിക്കാന്‍ പള്ളിമേധാവികള്‍ ഞങ്ങളെ രക്ഷിക്കാന്‍ വന്നില്ല. കേസിലെ മുഖ്യപ്രതിയെ സംരക്ഷിക്കാനാണ് ബിഷപ്പും ആര്‍ച്ച് ബിഷപ്പും ശ്രമിച്ചതെന്ന് കുടുംബം ആരോപിക്കുന്നു.

ഒന്നാംപ്രതിയായ ഫാദര്‍ വിന്‍സെന്റ് മറ്റൊരു ലൈംഗികാരോപണക്കേസില്‍ പോക്‌സോ നിയമപ്രകാരം 18 മാസം ജയില്‍ശിക്ഷ അനുഭവിച്ചിട്ടുണ്ട്. ഇയാള്‍ സെയ്ന്റ് പാട്രിക്‌സ് ഹൈസ്‌കൂള്‍ പ്രിന്‍സിപ്പലായിരിക്കെ എട്ടാംക്ലാസില്‍ പഠിക്കുന്ന വിദ്യാര്‍ഥിയെ പീഡിപ്പിച്ചതാണ് കേസ്. കുട്ടിയെ അശ്ലീലവീഡിയോകള്‍ കാണിക്കുകയും മര്‍ദിച്ചുവെന്നുമായിരുന്നു ആരോപണം.

Content Highlights: 15 year old boy raped, POCSO case against three priests


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Bala Against unnimukundan, shefeekkinte santhosham controversy

1 min

ഉണ്ണിമുകുന്ദന്‍ പ്രതിഫലം നല്‍കാതെ പറ്റിച്ചു; ആരോപണവുമായി ബാല

Dec 8, 2022


10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022


image

2 min

ആ കനല്‍ത്തരി അണഞ്ഞു; ഹിമാചലില്‍ സിറ്റിങ് സീറ്റില്‍ സിപിഎം നാലാമത്‌

Dec 8, 2022

Most Commented