• News
  • Views
  • Videos
  • Movies
  • Sports
  • Money
  • Women
  • Crime
More
Hero Hero
  • Crime News
  • Crime Special
  • Legal
  • Archives

കള്ളപ്പണം, സ്വര്‍ണക്കടത്ത്, ഡോളര്‍കടത്ത്, അഴിക്കുള്ളില്‍ 98 ദിവസം; ഹാജരായത് ജയദീപ് ഗുപ്ത വരെ

Feb 3, 2021, 02:57 PM IST
A A A
sivasankar
X

ശിവശങ്കര്‍ കാക്കനാട് ജില്ലാ ജയിലില്‍ നിന്ന് പുറത്തേക്ക് വരുന്നു |  ഫോട്ടോ: ബി. മുരളീകൃഷ്ണന്‍/മാതൃഭൂമി

കൊച്ചി: വിവിധ കേസുകളിലായി മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കര്‍ ജയിലില്‍ കിടന്നത് 98 ദിവസം. തിരുവനന്തപുരം വിമാനത്താവളത്തില്‍ സ്വര്‍ണക്കടത്ത് പിടികൂടിയതിന് പിന്നാലെ തന്നെ ശിവശങ്കറിനെതിരായ ആരോപണങ്ങളും പുറത്തുവന്നിരുന്നു. മുഖ്യപ്രതികളിലൊരാളായ സ്വപ്‌ന സുരേഷുമായി ശിവശങ്കറിനുള്ള ബന്ധം വെളിപ്പെട്ടതോടെയാണ് കൂടുതല്‍ വിവരങ്ങള്‍ പുറത്തുവന്നത്. ഇതോടെ കേന്ദ്ര അന്വേഷണ ഏജന്‍സികളുടെ കുരുക്കും മുറുകി. പലദിവസങ്ങളിലായി ശിവശങ്കറിനെ അന്വേഷണ ഏജന്‍സികള്‍ മണിക്കൂറുകളോളം ചോദ്യംചെയ്തു. 

ഹൈക്കോടതി മുന്‍കൂര്‍ ജാമ്യം നിഷേധിച്ചതിന് പിന്നാലെ 2020 ഒക്ടോബര്‍ 28-നാണ് തിരുവനന്തപുരത്തെ ആയുര്‍വേദ ആശുപത്രിയില്‍നിന്ന് ശിവശങ്കറിനെ ഇ.ഡി. കസ്റ്റഡിയിലെടുത്തത്. തുടര്‍ന്ന് കൊച്ചിയിലെത്തിച്ച് അറസ്റ്റ് രേഖപ്പെടുത്തി. ഇ.ഡി.യുടെ ചെന്നൈയില്‍നിന്നുള്ള ഉന്നത ഉദ്യോഗസ്ഥരടക്കം കൊച്ചിയിലെത്തി ചോദ്യംചെയ്തതിന് ശേഷമാണ് അറസ്റ്റിലേക്ക് നീങ്ങിയത്. 

സ്വപ്‌നയുടെ ലോക്കറില്‍നിന്ന് എന്‍.ഐ.എ. പിടിച്ചെടുത്ത 1.5 കോടി രൂപ വടക്കാഞ്ചേരി ഫ്‌ളാറ്റ് പദ്ധതിയില്‍ ശിവശങ്കറിനുള്ള കമ്മീഷനാണെന്നായിരുന്നു ഇ.ഡി.യുടെ കണ്ടെത്തല്‍. എന്നാല്‍ കള്ളപ്പണ കേസില്‍ 60 ദിവസത്തിനകം കുറ്റപത്രം നല്‍കിയെങ്കിലും ഹൈക്കോടതിയില്‍നിന്ന് ജാമ്യം ലഭിച്ചു. സ്വപ്‌നയുടെ എസ്.ബി.ഐ. ലോക്കറില്‍നിന്ന് പിടിച്ചെടുത്ത 65 ലക്ഷം രൂപയുടെ കാര്യത്തില്‍ മാത്രമാണ് ശിവശങ്കറിന്റെ പങ്കാളിത്തം ഇ.ഡി. ആരോപിക്കുന്നൂള്ളൂ എന്നായിരുന്നു ഹൈക്കോടതിയുടെ നിരീക്ഷണം. മറ്റൊരു ബാങ്ക് ലോക്കറിലെ പണത്തില്‍ ശിവശങ്കറിന് പങ്കാളിത്തമുണ്ടെന്നതിന് തെളിവില്ലെന്നും ഒരുകോടി രൂപയ്ക്ക് താഴെയുള്ള കള്ളപ്പണ കേസാണിതെന്നും ചൂണ്ടിക്കാട്ടിയാണ് ഹൈക്കോടതി ജാമ്യം അനുവദിച്ചത്. 

ഇ.ഡിയ്ക്ക് പിന്നാലെ കസ്റ്റംസിനായിരുന്നു അടുത്ത ഊഴം. സ്വര്‍ണക്കടത്ത് കേസിലും ശിവശങ്കറിന് പങ്കുണ്ടെന്നായിരുന്നു കസ്റ്റംസിന്റെ കണ്ടെത്തല്‍. രഹസ്യ സിം കാര്‍ഡ് അടക്കമുള്ള ആരോപണങ്ങളാണ് കസ്റ്റംസ് ഉന്നയിച്ചത്. ഈ കേസില്‍ 60 ദിവസത്തിനകം കുറ്റപത്രം നല്‍കാത്തതിനാല്‍ ശിവശങ്കറിന് ജാമ്യം ലഭിച്ചു. ഇതിനുശേഷമാണ് ഡോളര്‍ കടത്ത് കേസില്‍ കസ്റ്റംസ് ശിവശങ്കറിനെ അറസ്റ്റ് ചെയ്യുന്നത്. ജയില്‍മോചനം തടയുക എന്ന ഉദ്ദേശ്യത്തോടെയാണ് കസ്റ്റംസ് ഈ കേസിലെ അറസ്റ്റ് വൈകിപ്പിച്ചത്. എന്നാല്‍ ഡോളര്‍ക്കടത്ത് കേസില്‍ കസ്റ്റഡിയില്‍ ചോദ്യംചെയ്യേണ്ടതില്ലെന്ന നിലപാട് കസ്റ്റംസ് സ്വീകരിച്ചതോടെ ജാമ്യത്തിനുള്ള വഴിത്തുറക്കുകയായിരുന്നു. ആരോഗ്യപ്രശ്‌നങ്ങളും കോടതി പരിഗണിച്ചു. ഇക്കാലയളവില്‍ സുപ്രീംകോടതിയിലെ മുതിര്‍ന്ന അഭിഭാഷകനായ ജയദീപ് ഗുപ്ത വരെ ശിവശങ്കറിന് വേണ്ടി കോടതിയില്‍ ഹാജരായിരുന്നു. 

Content Highlights: m sivasankar accused in three cases finally got bail in all cases 

 

 

 

PRINT
EMAIL
COMMENT
Next Story

പ്രാങ്ക് വീഡിയോയുടെ പേരില്‍ അശ്ലീലവും പെണ്‍കുട്ടികളെ കയറിപിടിക്കലും;മൂന്ന് യൂട്യൂബര്‍മാര്‍ പിടിയില്‍

മുംബൈ: അശ്ലീലം കലര്‍ന്ന വീഡിയോ ചിത്രീകരിച്ച് പ്രചരിപ്പിച്ച മൂന്ന് യൂട്യൂബര്‍മാര്‍ .. 

Read More
 

Related Articles

സ്വര്‍ണക്കടത്ത് കേസ് വന്‍ പ്രതിസന്ധിയില്‍; ഫൈസല്‍ ഫരീദ് വിദേശത്ത് ഒളിവിലെന്ന് എന്‍.ഐ.എ
Crime Beat |
News |
ഡോളര്‍ കടത്ത് കേസില്‍ സന്തോഷ് ഈപ്പന്‍ അറസ്റ്റില്‍
Videos |
കസ്റ്റംസ് കമ്മീഷണറെ അപായപ്പെടുത്താന്‍ ശ്രമം ഉണ്ടായിട്ടില്ലെന്ന് പോലീസിന്റെ പ്രാഥമിക നിഗമനം
Videos |
കസ്റ്റംസ് കമ്മിഷണര്‍ സുമിത് കുമാറിനെ അപായപ്പെടുത്താന്‍ ശ്രമം
 
  • Tags :
    • M Sivasankar
    • Gold Smuggling Case
    • Swapna
    • Dollar Smuggling Case
More from this section
el chapo wife emma coronel aispuro
18-ാം വയസില്‍ കുപ്രസിദ്ധ ലഹരിമാഫിയ തലവനുമായി വിവാഹം, അധോലോക ജീവിതം; ഒടുവില്‍ പിടിയില്‍
attappadi madhu
അട്ടപ്പാടിയിലെ മധുവിന്റെ ദാരുണമരണത്തിന് ഇന്ന് മൂന്നാണ്ട്; കേസില്‍ വിചാരണ ഇനിയും തുടങ്ങിയില്ല
mukkam murder
ഉമ്മാ രക്ഷിക്കണേ... കുത്തേറ്റ മുഹ്‌സില നിലവിളിച്ചു; ചോരക്കളമായി കിടപ്പുമുറി
kochi maradu student death
'എന്നെ ശല്യപ്പെടുത്തരുത്'; ആരെയും ഞെട്ടിക്കുന്ന വിചിത്രമായ ആത്മഹത്യാരീതി, അമ്പരന്ന് പോലീസും
sajni murder case valentines day murder
പ്രണയദിനത്തില്‍ അരുംകൊല, 15 വര്‍ഷം പിടികൊടുക്കാതെ ഭര്‍ത്താവിന്റെ ആള്‍മാറാട്ടം; നീറുന്ന ഓര്‍മ്മയായി സജിനി കൊലക്കേസ്
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.