ഇരിങ്ങാലക്കുട: കഞ്ചാവും വലിക്കാൻ ഉപയോഗിക്കുന്ന ബോങ്‌ എന്ന ഉപകരണവും സഹിതം യുവാവിനെ ഇരിങ്ങാലക്കുട എക്‌സൈസ് സംഘം പിടികൂടി. പൊറിത്തിശ്ശേരി കോരഞ്ചേരി നഗറിലെ മേപ്പുറത്ത് വീട്ടിൽ വിഷ്ണു പ്രസാദിനെയാണ് (19 ) ഉപകരണവും 30 ഗ്രാം കഞ്ചാവും സഹിതം എക്‌സൈസ് ഇൻസ്‌പെക്ടർ എം.ഒ. വിനോദും സംഘവും പിടികൂടിയത്.
ഇയാളുടെ സഹോദരൻ മുൻ കഞ്ചാവ് കേസിലെ പ്രതിയാണ്. ഇയാളുടെ പേരിൽ മറ്റു ക്രിമിനൽ കേസുകളും കഞ്ചാവ് കേസും നിലവിലുണ്ടെന്ന് എക്‌സൈസ് ഉദ്യോഗസ്ഥർ പറഞ്ഞു. പ്രിവന്റീവ് ഓഫീസർമാരായ പി.ആർ. അനുകുമാർ, ടി.എ. ഷഫീക്, സിവിൽ എക്‌സൈസ് ഓഫീസർമാരായ വി.എം. സ്മിബിൻ, കെ.എ. ബാബു, വനിതാ സിവിൽ എക്‌സൈസ് ഓഫീസർ പിങ്കി മോഹൻദാസ് എന്നിവരും സംഘത്തിൽ ഉണ്ടായിരുന്നു.
