കൂത്താട്ടുകുളം: യുവതിയെ കുളത്തില്‍ മരിച്ചനിലയില്‍ കണ്ടെത്തി. പാലക്കുഴ കാവുംഭാഗം മുഴയന്‍താനത്ത് പുത്തന്‍പുരയില്‍ വിശ്വംഭരന്റെ മകള്‍ ആര്യയെ (22)യാണ് വീട്ടുപുരയിടത്തിലെ കുളത്തില്‍ മരിച്ചനിലയില്‍ കണ്ടത്. 

ഉപയോഗിക്കാതെ കിടന്ന കുളത്തില്‍ വെള്ളിയാഴ്ച പുലര്‍ച്ചെയാണ് മൃതദേഹം കണ്ടത്. കൂത്താട്ടുകുളം ഫയര്‍ഫോഴ്‌സും പോലീസും ചേര്‍ന്നാണ് കുളത്തില്‍ നിന്ന് മൃതദേഹം പുറത്തെടുത്തത്. മൂവാറ്റുപുഴയില്‍ സ്വകാര്യ സ്ഥാപനത്തിലെ ജീവനക്കാരി ആയിരുന്നു ആര്യ. മാതാവ്: ഗിരിജ. സഹോദരി: ആതിര.