• News
  • Views
  • Videos
  • Movies
  • Sports
  • Money
  • Women
  • Crime
  • Auto
  • Tech
  • Career
More
  • Crime News
  • Crime Special
  • Legal
  • Archives

‘ഭീകരമായിരുന്നു, ആ മാനസിക സംഘർഷം’ പോക്സോ കേസിൽ പ്രതിചേർക്കപ്പെട്ട യുവാവ് പറയുന്നു

Dec 12, 2019, 09:14 AM IST
A A A

പ്രായപൂർത്തിയാകാത്ത പെൺകുട്ടിയെ അപമാനിച്ചെന്ന കേസിൽ നിരപരാധിയെന്ന് കണ്ടെത്തിയ രാംലാൽ പറയുന്നു

# ജോളി അടിമത്ര
pocso
X

കോട്ടയം: പതിന്നാലു മാസത്തെ കടുത്ത മാനസികസംഘർഷം. ഒടുവിൽ രാംലാൽ മനസ്സുതുറന്നൊന്നു ചിരിച്ചു. നിരപരാധിത്വം ലോകമറിഞ്ഞതിലുള്ള ആശ്വാസം. പ്രായപൂർത്തിയാകാത്ത പെൺകുട്ടിയെ അപമാനിച്ചെന്ന പരാതിയിൽ അറസ്റ്റിലായ രാംലാലിനെതിരേയുള്ള കേസും കുറ്റപത്രവും ഹൈക്കോടതി റദ്ദാക്കിയത് ചൊവ്വാഴ്ചയാണ്.

28-കാരനായ രാംലാൽ കോട്ടയം അയർകുന്നം സ്വദേശിയാണ്. ‘‘വെറും വാക്‌തർക്കത്തിന്റെ പകയാണ് ഈ കേസിൽ കൊണ്ടുചെന്നെത്തിച്ചത്. ദൈവാധീനംകൊണ്ട് എന്റെ നിരപരാധിത്വം തെളിഞ്ഞു. ഏതുസമയത്തും പൊട്ടിവീഴാവുന്ന മൂർച്ചയുള്ള വാളായി പോക്സോ കേസ് പുരുഷന്മാരുടെ തലയ്ക്കുമീതെയുണ്ടെന്നത് സത്യം’’-രാംലാൽ പറയുമ്പോൾ അച്ഛൻ രവീന്ദ്രനും അമ്മ അജിതയും അനുജൻ ശ്യാംലാലും എല്ലാം കേട്ടിരുന്നു.

അന്നു സംഭവിച്ചത്

20 വയസ്സുമുതലേ രാംലാൽ ബിസിനസുകാരനാണ്. സ്വന്തമായി 10 വാഹനങ്ങൾ. എട്ടു സ്കൂളുകളിലെ 300 കുട്ടികളെയാണ് കൊണ്ടുവിട്ടിരുന്നത്. ആളില്ലെങ്കിൽ ഡ്രൈവറുടെയും ക്ളീനറുടെയും പണിയും രാംലാൽ ചെയ്യും. പരാതിനൽകിയ 13 വയസ്സുള്ള കുട്ടിയും രാംലാലിന്റെ സ്കൂൾവാഹനത്തിൽ യാത്രചെയ്തിരുന്നു. ഇതിന്റെ വാടകക്കുടിശ്ശിക സംബന്ധിച്ച് കുട്ടിയുടെ അമ്മയുമായി രാംലാൽ പരസ്യമായി വാക്‌തർക്കമുണ്ടായി. ‘‘ഈവഴി നീ വണ്ടി ഓടിച്ചുപോകുന്നത് എനിക്കൊന്നു കാണണം’’ -എന്ന് അവർ വെല്ലുവിളിച്ചതായി രാംലാൽ പറയുന്നു. അതിനുശേഷം കുട്ടിയെ വാനിൽ കയറ്റിയില്ല.

അടുത്തൊരുദിവസം പാമ്പാടി പോലീസ് വിളിക്കുമ്പോഴാണ് സംഭവം മാറിമറിഞ്ഞതായി മനസ്സിലായത്. തോളുകൊണ്ട് കൈയിലിടിച്ചെന്നും മാറിയിരിക്കാൻ പറഞ്ഞപ്പോൾ രാംലാൽ മറ്റൊരു സീറ്റിലേക്ക് മാറിയിരുന്നെന്നുമായിരുന്നു പെൺകുട്ടിയുടെ ആദ്യ പരാതി. പോലീസ് കേസെടുത്തു. അന്വേഷണത്തിൽ, ഒപ്പമുണ്ടായിരുന്ന മറ്റുകുട്ടികൾ സത്യസന്ധമായി മൊഴിനൽകി. നിരപരാധിത്വം വ്യക്തമായതോടെ പിന്നീട് നടപടികളുണ്ടായില്ല.

തുടർന്ന് പെൺകുട്ടിയുടെ അമ്മ കോട്ടയത്ത് മജിസ്ട്രേറ്റിന് നേരിട്ടു പരാതിനൽകി. കേസ് പോലീസ് മനഃപൂർവം ഒതുക്കിയെന്നായിരുന്നു പരാതി. വീണ്ടും രാംലാലിലെ വിളിച്ചുവരുത്തി. എരിവും പുളിയും ചേർത്ത് പോലീസ് പുതിയ കേസ് രജിസ്റ്റർചെയ്തു. അറസ്റ്റു രേഖപ്പെടുത്തി ജാമ്യത്തിൽവിട്ടു. കുറ്റപത്രത്തിന്റെ ഘട്ടമായപ്പോൾ സംഭവം ആകെ മറിഞ്ഞു. രാംലാൽ ശരീരത്തിൽ ചാരിയിരുന്നെന്നും വയറിൽ പിടിച്ചതായി അനുഭവപ്പെട്ടെന്നും കുട്ടി പറഞ്ഞതായി കുറ്റപത്രത്തിലുണ്ടായിരുന്നു. ആദ്യഘട്ടത്തിൽ നൽകിയതിൽനിന്ന് വ്യത്യസ്തമായ മൊഴി.

ഹൈക്കോടതിയിലേക്ക്

പന്തികേടു മണത്ത രാംലാൽ ഹൈക്കോടതിയെ സമീപിച്ചു. ആദ്യത്തെ ഫയൽ എടുപ്പിച്ചു. ജഡ്ജി കുട്ടിയെ വിളിച്ചുസംസാരിച്ചു. സ്വന്തം ഇഷ്ടപ്രകാരമാണോ ഇപ്രകാരം മൊഴി നൽകിയതെന്ന് ചോദിച്ചു. പാമ്പാടി പോലീസ് ഓഫീസറാണ് ഇങ്ങനെ പറയാൻ പഠിപ്പിച്ചതെന്ന് കുട്ടി മറുപടി നൽകി. പോലീസ് പൊലിപ്പിച്ചെടുത്ത കേസായി സംഭവം. ഹർജിക്കാരനെതിരേ കേസ് തുടരുന്നത് നിയമനടപടിയുടെ ദുരുപയോഗമാണെന്ന് കോടതി വിലയിരുത്തി കേസ് റദ്ദാക്കി.

‘‘ഒരുവർഷമായി അനുഭവിച്ച മാനസികസംഘർഷം ഭയങ്കരമായിരുന്നു. ഞാൻ അവിവാഹിതനാണ്, എന്റെ ഭാവി... അനുജൻ അമ്പലത്തിലെ ശാന്തിക്കാരനാണ്, അവനുണ്ടായ അപമാനം. അച്ഛനും അമ്മയും ഈ പ്രായത്തിൽ തീ തിന്നേണ്ടിവരുക. ഭാഗ്യംകൊണ്ടുമാത്രം രക്ഷപ്പെട്ടു’’ -രാംലാൽ പറഞ്ഞു.

content highlights: Pocso case experience 

PRINT
EMAIL
COMMENT
Next Story

വനിതാ പോലീസിന് നേരേ അശ്ലീല ആംഗ്യം, പോലീസിനെ ആക്രമിച്ചു; സൈനികന്‍ അറസ്റ്റില്‍

തിരുവനന്തപുരം: പൂന്തുറയില്‍ പോലീസിനെ ആക്രമിച്ച സൈനികന്‍ അറസ്റ്റില്‍. .. 

Read More
 

Related Articles

ഭര്‍ത്താവ് ഭാര്യയെ ക്ലാസ്സ്മുറിയിലിട്ട് തീ കൊളുത്തി കൊല്ലാന്‍ ശ്രമിച്ചു
Videos |
Crime Beat |
19 കാരിയെ കൊലപ്പെടുത്തി കത്തിച്ചു, മുന്‍ കാമുകന്‍ അറസ്റ്റിൽ
Videos |
ആറ് വർഷത്തിന് ശേഷം സത്യം തെളിഞ്ഞു ; മോഷണകേസിലെ യഥാർത്ഥ പ്രതി പിടിയിൽ
Videos |
റേഷന്‍ കടക്കാര്‍ ഓണ്‍ലൈന്‍ ആയി അടയ്ക്കാന്‍ ഏല്‍പിച്ച 17 ലക്ഷം രൂപ തട്ടിയെടുത്തതായി പരാതി
 
  • Tags :
    • Crime news
    • POCSO Cases
More from this section
poonthura police attack
വനിതാ പോലീസിന് നേരേ അശ്ലീല ആംഗ്യം, പോലീസിനെ ആക്രമിച്ചു; സൈനികന്‍ അറസ്റ്റില്‍
kochi boy
തേപ്പുപെട്ടിവെച്ച് പൊള്ളിച്ചു, മൂന്നാംക്ലാസുകാരന് ക്രൂരപീഡനം; സഹോദരീ ഭര്‍ത്താവ് കസ്റ്റഡിയില്‍
ponnani
ഒന്നിന് 10 രൂപ, ഓക്‌സിജന്‍ സിലിന്‍ഡറുമായി പുഴയിലേക്ക്; കരിമീന്‍ കുഞ്ഞുങ്ങളെ കടത്തുന്ന സംഘം പിടിയില്‍
ബാലരാജ്, രാജ്
തിരുവനന്തപുരത്ത് പ്രായപൂര്‍ത്തിയാകാത്ത പെണ്‍കുട്ടികള്‍ക്ക് പീഡനം; 71-കാരനും മകനും അറസ്റ്റില്‍
fire
പ്രസവം കഴിഞ്ഞ് ഭാര്യ തിരികെവന്നില്ല: ഭാര്യവീടിന് തീയിട്ട് യുവാവ്; ഏഴ് പേര്‍ക്ക് പൊള്ളലേറ്റു
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.