• News
  • Views
  • Videos
  • Movies
  • Sports
  • Money
  • Women
  • Crime
More
Hero Hero
  • Crime News
  • Crime Special
  • Legal
  • Archives

മക്കളുടെ മുന്നിലിട്ട് ഭാര്യയെ വെട്ടികൊന്നശേഷം ഭര്‍ത്താവ് തൂങ്ങിമരിച്ചു

Jan 3, 2019, 09:30 AM IST
A A A

സജിയെ കണ്ടെത്താന്‍ പോലീസ് പ്രത്യേക സംഘം രൂപവത്കരിച്ച് അന്വേഷണം ഊര്‍ജിതമാക്കുന്നതിന് ഇടയിലാണ് ആത്മഹത്യാ വിവരം പുറത്തുവരുന്നത്

priya
X

Priya

കോതമംഗലം: ഊന്നുകല്ലിനു സമീപം നമ്പൂരിക്കൂപ്പിൽ മക്കളുടെ മുന്നിലിട്ട് ഭാര്യയെ കൊലപ്പെടുത്തിയ ഭർത്താവിനെ തൂങ്ങിമരിച്ച നിലയിൽ കണ്ടെത്തി. ഊന്നുകൽ തടിക്കുളം സ്വദേശിയും നമ്പൂരിക്കൂപ്പ് കാപ്പിച്ചാൽ ഭാഗത്ത് വാടകയ്ക്ക് താമസിക്കുന്ന ആമക്കാട്ട് സജി ആന്റണി (42) ആണ് ഭാര്യ പ്രിയയെ (38) വെട്ടിക്കൊലപ്പെടുത്തിയ ശേഷം തൂങ്ങിമരിച്ചത്. മാതാപിതാക്കളുടെ മരണത്തിന്റെ ഞെട്ടലും ഭീതിയും വിട്ടുമാറാതെയാണ് മക്കളായ എബിനും (12) ഗോഡ്‌വിനും.

ചൊവ്വാഴ്ച വൈകീട്ട് ഭാര്യയെ കൊലപ്പെടുത്തിയ ശേഷം സജി വീടിന് 100 മീറ്റർ മാറിയുള്ള റബ്ബർത്തോട്ടത്തിലെ ആഞ്ഞിലിമരത്തിലാണ് തൂങ്ങിമരിച്ചത്. സംഭവ ശേഷം കാണാതായ സജിക്കായി പോലീസും നാട്ടുകാരും പരിസരമാകെ രാത്രി തിരച്ചിൽ നടത്തിയിരുന്നു. ബുധനാഴ്ച രാവിലെ 9.30-ഓടെയാണ് സജിയെ തൂങ്ങിമരിച്ച നിലയിൽ കണ്ടെത്തിയത്. സജി ഒളിവിൽ പോയതാണെന്നു കരുതി പോലീസ് അന്വേഷണത്തിന് ഡോഗ് സ്‌ക്വാഡിന്റെയും ഫൊറൻസിക് വിദഗ്ദ്ധരുടെയും സഹായം തേടിയിരുന്നു.

മക്കള്‍ കരഞ്ഞുപറഞ്ഞിട്ടും കേട്ടില്ല; കണ്‍മുന്നിലിട്ട് അച്ഛന്‍  അമ്മയെ വെട്ടിക്കൊന്നു
മക്കള്‍ കരഞ്ഞുപറഞ്ഞിട്ടും കേട്ടില്ല; കണ്‍മുന്നിലിട്ട് അച്ഛന്‍ അമ്മയെ വെട്ടിക്കൊന്നു

പ്രിയയുടെ മൃതദേഹത്തിൽ ഇൻക്വസ്റ്റ് തുടങ്ങിയ ഘട്ടത്തിലാണ് സജിയുടെ മരണവിവരം പോലീസ് അറിയുന്നത്. നടപടികൾക്കു ശേഷം ഇരുവരുടെയും മൃതദേഹങ്ങൾ മൂവാറ്റുപുഴ ജനറൽ ആശുപത്രിയിൽ പോലീസ് സർജൻ ഡോ. മനോജ് പോസ്റ്റ്‌മോർട്ടം നടത്തി. പ്രിയയുടെ ശരീരത്തിൽ പത്തിലധികം മുറിവുകളുണ്ടായിരുന്നതായി പോലീസ് പറഞ്ഞു. കഴുത്തിനു പിന്നിലും തലയ്ക്കും നെഞ്ചത്തുമേറ്റ ആഴത്തിലുള്ള മുറിവാണ് രക്തംവാർന്ന് മരണ കാരണമായതെന്നാണ് പോസ്റ്റ്‌മോർട്ടം റിപ്പോർട്ടിലെ സൂചനയെന്ന് പോലീസ് അറിയിച്ചു. കൃത്യം നടത്താൻ ഉപയോഗിച്ച വാക്കത്തി അടുക്കളയിൽ  നിന്ന് പോലീസ്  കണ്ടെടുത്തു. ഇരുവരും തമ്മിലുള്ള വഴക്കാണ് പ്രിയയുടെ കൊലപാതകത്തിലും സജിയുടെ തൂങ്ങിമരണത്തിലും എത്തിച്ചത്. സംഭവ ദിവസം രാവിലെ പ്രിയ പിതാവിനൊപ്പം ഊന്നുകൽ പോലീസിൽ ഭർത്താവുമായുള്ള വഴക്കുമായി ബന്ധപ്പെട്ട് പരാതി നൽകാൻ എത്തിയിരുന്നു. പോലീസ് വ്യാഴാഴ്ച രാവിലെ സജിയോട് സ്റ്റേഷനിൽ എത്തണമെന്ന് ആവശ്യപ്പെട്ടിരുന്നു.

തയ്യൽജോലി ചെയ്യുന്ന സ്ഥാപനത്തിൽനിന്ന് പ്രിയ ചൊവ്വാഴ്ച വൈകീട്ട് 4-നു മുമ്പ് വീട്ടിലെത്തിയിരുന്നു. ഇതിനിടെ ഇരുവരും തമ്മിൽ വഴക്കുണ്ടായതായാണ് സൂചന. പ്രിയ സ്വന്തം വീട്ടിലേക്ക് പോകാനിറങ്ങിയപ്പോഴാണ് പ്രകോപിതനായ സജി പ്രിയയെ മക്കളുടെ മുന്നിലിട്ട് തലങ്ങും വിലങ്ങും വെട്ടി കൊലപ്പെടുത്തിയതെന്നാണ് പോലീസ് നൽകുന്ന വിവരം. കുട്ടികളുടെയും ബന്ധുക്കളുടെയും മൊഴി പിന്നീട് രേഖപ്പെടുത്തുമെന്ന് പോലീസ് അറിയിച്ചു.

തടിക്കുളം വയലിൽ കുടുംബാംഗമാണ് പ്രിയ. ബന്ധുക്കൾ ഏറ്റുവാങ്ങിയ പ്രിയയുടെ മൃതദേഹം വൈകീട്ടും സജിയുടെ മൃതദേഹം രാത്രിയിലും ഊന്നുകൽ ലിറ്റിൽഫ്ളവർ ഫൊറോന പള്ളി സെമിത്തേരിയിൽ സംസ്കരിച്ചു. സ്ഥലത്ത് വൻ ജനാവലിയും എത്തിയിരുന്നു.

Content Highlight: husband committed suicide after killing wife

PRINT
EMAIL
COMMENT
Read in English

Man hangs self after hacking wife to death in front of kids

Kothamangalam: A man who hacked his wife to death in front of their children was .. 

Read More
 

Related Articles

മലപ്പുറത്ത് 14 കാരിയെ ലഹരിക്ക് അടിമയാക്കി പീഡിപ്പിച്ചു; പരിചയപ്പെട്ടത് ഇന്‍സ്റ്റഗ്രാമിലൂടെ
News |
Videos |
ആലപ്പുഴയിൽ രണ്ടിടത്ത് പോലീസുകാർക്ക് നേരെ ആക്രമണം; വെട്ടും കുത്തുമേറ്റ് രണ്ടു പേർ ചികിത്സയിൽ
Crime Beat |
കുഞ്ഞിനെ ഉപേക്ഷിച്ച് കാമുകനോടൊപ്പം പോയി; യുവതി റിമാന്‍ഡില്‍
Videos |
തിരുവനന്തപുരത്ത് യുവതിയെ കൊന്ന് കുഴിച്ചിട്ടു; അച്ഛന്‍ കുഴി മൂടുന്നത് കണ്ടെന്ന് മക്കള്‍
 
  • Tags :
    • husband killed wife
    • crime news in kerala
    • Kothamangalam murder
    • saji and priya
More from this section
youtube
പ്രാങ്ക് വീഡിയോയുടെ പേരില്‍ അശ്ലീലവും പെണ്‍കുട്ടികളെ കയറിപിടിക്കലും;മൂന്ന് യൂട്യൂബര്‍മാര്‍ പിടിയില്‍
ahammedabad woman video
'ഒരാള്‍ മാത്രം സ്‌നേഹിച്ചാല്‍ ഒന്നും നേടാനാവില്ല', വീഡിയോ;യുവതിയുടെ മരണത്തില്‍ ഭര്‍ത്താവിനെതിരേ കേസ്
crime
കുടുംബത്തില്‍നിന്ന് ഒളിച്ചോടിയത് രണ്ടുപേര്‍, പക, വഴക്ക്; അയല്‍ക്കാരനെ തലയറുത്ത് കൊന്ന് ഗൃഹനാഥന്‍
ganja case
സംസ്ഥാന അവാര്‍ഡ് നേടിയ സിനിമ സീരിയല്‍ താരവും ക്രിമിനല്‍ കേസ് പ്രതിയും കഞ്ചാവുമായി പിടിയില്‍
delhi woman stabbed to death
മാല പൊട്ടിക്കാന്‍ ശ്രമം; ചെറുത്ത യുവതിയെ അമ്മയുടെയും മകന്റെയും മുന്നിലിട്ട് കുത്തിക്കൊന്നു
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.