.jpg?$p=4ca9a6f&f=16x10&w=852&q=0.8)
പ്രതീകാത്മക ചിത്രം | Photo: ANI
സെൻട്രൽ റിസർവ് പോലീസ് ഫോഴ്സിൽ കോൺസ്റ്റബിൾ (ടെക്നിക്കൽ ആൻഡ് ട്രേഡ്സ്മാൻ) തസ്തികയിലേക്കുള്ള തിരഞ്ഞെടുപ്പിന് അപേക്ഷിക്കാം. പുരുഷന്മാർക്ക് 9116 ഒഴിവും വനിതകൾക്ക് 107 ഒഴിവുമാണുള്ളത്. കേരളത്തിൽ ആകെ 259 ഒഴിവാണുള്ളത് (പുരുഷൻ-254, വനിത-5). വിവിധ ട്രേഡുകളിൽ/ തസ്തികകളിൽ അവസരമുണ്ട്. ഏത് സംസ്ഥാനത്തിലെ/ കേന്ദ്രഭരണപ്രദേശത്തിലെ ഒഴിവിലേക്കാണോ അപേക്ഷിക്കുന്നത് അവിടെ താമസിക്കുന്നയാളായിരിക്കണം. 2023 ജൂലായ് ഒന്നുമുതൽ 13 വരെയുള്ള തീയതികളിലാണ് പരീക്ഷ.
ഒഴിവുകൾ
പുരുഷൻ: ഡ്രൈവർ-2372, മോട്ടോർ മെക്കാനിക് വെഹിക്കിൾ-544, കോബ്ലർ-151, കാർപെന്റർ-139, ടെയ്‌ലർ-242, ബ്രാസ് ബാൻഡ്-172, പൈപ്പ് ബാൻഡ്-51, ബ്യൂഗ്ളർ-1340, ഗാർഡനർ-92, പെയിന്റർ-56, കുക്ക്/വാട്ടർ കാരിയർ-2429, വാഷർമാൻ-403, ബാർബർ-303, സഫായ് കർമചാരി-811. ഇവ കൂടാതെ കോൺസ്റ്റബിൾ (പയനിയർ) തസ്തികയിലെ 11 ഒഴിവിലേക്കും (മേസൺ-6, പ്ലംബർ-1, ഇലക്‌ട്രീഷ്യൻ-4) അപേക്ഷ ക്ഷണിച്ചിട്ടുണ്ട്.
വനിതകൾ: ബ്യൂഗ്ളർ-20, കുക്ക്/വാട്ടർ കാരിയർ-46, വാഷർ വുമൺ-3, ഹെയർ ഡ്രെസ്സർ-2, സഫായ് കർമചാരി-13, ബ്രാസ് ബാൻഡ്-24.
കേരളത്തിലെ ഒഴിവുകൾ
പുരുഷൻ: ഡ്രൈവർ-54, മോട്ടോർ മെക്കാനിക് വെഹിക്കിൾ-13, കോബ്ലർ-5, കാർപെന്റർ-5, ടെയ്‌ലർ-10, ബ്രാസ് ബാൻഡ്-4, പൈപ്പ് ബാൻഡ്-1, ബ്യൂഗ്ളർ-41, ഗാർഡനർ-3, പെയിന്റർ-3, കുക്ക്/ വാട്ടർ കാരിയർ-70, വാഷർമാൻ-12, ബാർബർ-10, സഫായ് കർമചാരി-23.
വനിത: കുക്ക്/വാട്ടർ കാരിയർ-3, സഫായ് കർമചാരി-1, ബ്രാസ്സ് ബാൻഡ്-1.
പ്രായം: ഡ്രൈവർ തസ്തികയിലേക്ക് 21-27 വയസ്സും മറ്റ് തസ്തികകളിലേക്ക്/ട്രേഡുകളിലേക്ക് 18-23 വയസ്സുമാണ് പ്രായപരിധി. 01.08.2023 അടിസ്ഥാനമാക്കിയാണ് പ്രായം കണക്കാക്കുക. എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഇളവ് ലഭിക്കും. വിമുക്തഭടന്മാർക്ക് നിയമാനുസൃത വയസ്സിളവുണ്ട്.
യോഗ്യത
ഡ്രൈവർ: മെട്രിക്കുലേഷൻ/തത്തുല്യം, ഹെവി മോട്ടോർ ഡ്രൈവിങ് ലൈസൻസ്.
മെക്കാനിക് മോട്ടോർവെഹിക്കിൾ: പ്ലസ്ടു സമ്പ്രദായത്തിലുള്ള പത്താംക്ലാസ് വിജയം, മെക്കാനിക് മോട്ടോർവെഹിക്കിളിൽ നാഷണൽ/സ്റ്റേറ്റ് കൗൺസിൽ അംഗീകൃത ദ്വിവത്സര ഐ.ടി.ഐ., ഒരുവർഷത്തെ പ്രായോഗികപരിചയം. അല്ലെങ്കിൽ മെക്കാനിക് മോട്ടോർവെഹിക്കിൾ ട്രേഡിൽ മൂന്നുവർഷത്തെ നാഷണൽ/സ്റ്റേറ്റ് അപ്രന്റിസ്ഷിപ്പ് സർട്ടിഫിക്കറ്റും ഒരുവർഷത്തെ പ്രായോഗിക പരിചയവും.
മറ്റ് ട്രേഡുകൾ: മെട്രിക്കുലേഷൻ/തത്തുല്യം (വിമുക്തഭടന്മാർക്ക് ആർമിയിലെ തത്തുല്യസർട്ടിഫിക്കറ്റ്). ബന്ധപ്പെട്ട ജോലിയിൽ പരിചയം ഉണ്ടായിരിക്കണം.
പയനിയർ വിങ് (മേസൺ/പ്ലംബർ/ ഇലക്‌ട്രീഷ്യൻ): മെട്രിക്കുലേഷൻ/തത്തുല്യം, ബന്ധപ്പെട്ട ജോലിയിൽ ഒരുവർഷത്തെ പരിചയം. ഐ.ടി.ഐ. സർട്ടിഫിക്കറ്റുള്ളവർക്ക് മുൻഗണന ലഭിക്കും.
ശാരീരികയോഗ്യത: ഉയരം: പുരുഷൻ-170 സെ.മീ. (എസ്.ടി.-162.5), വനിത-157 സെ.മീ. (എസ്.ടി.-150 സെ.മീ.). നെഞ്ചളവ്: പുരുഷൻന്മാർക്ക് 80 സെ.മീ. (എസ്.ടി.-76 സെ.മീ.) നെഞ്ചളവ് ഉണ്ടായിരിക്കണം (വികാസം-5 സെ.മീ).
അപേക്ഷ
വിശദവിവരങ്ങൾക്കും അപേക്ഷിക്കുന്നതിനും crpf.gov.in സന്ദർശിക്കുക. മാർച്ച് 27 മുതൽ ഏപ്രിൽ 25 വരെ അപേക്ഷിക്കാം.
Content Highlights: applications are invited for constable posts in crpf
കരിയര്‍ സംബന്ധമായ വാര്‍ത്തകള്‍ക്കും വിവരങ്ങള്‍ക്കും JOIN Whatsapp Group https://mbi.page.link/mb-career
Also Watch
RELATED STORIES
.jpg?$p=4ca9a6f&q=0.8&f=16x11&w=104)
.jpg?$p=f86fb38&q=0.8&f=16x11&w=104)
.jpg?$p=5c1df00&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..