സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യൂക്കേഷനില്‍ ഗ്രൂപ്പ് എ, ബി, സി, തസ്തികകളിലായി 357 ഒഴിവുകളിലേക്ക് അപേക്ഷ ക്ഷണിച്ചു. നേരിട്ടുള്ള നിയമനമാണ്.
ഒഴിവുകള്‍
- അസിസ്റ്റന്റ് സെക്രട്ടറി (ഗ്രൂപ്പ് എ)- 14
- അസിസ്റ്റന്റ് സെക്രട്ടറി (ഐടി) (ഗ്രൂപ്പ് എ)- 07
- അനലിസ്റ്റ് (ഐടി) (ഗ്രൂപ്പ് എ)- 14
- ജൂനിയര്‍ ഹിന്ദി ട്രാന്‍സ്‌ലേറ്റര്‍ (ഗ്രൂപ്പ് ബി) - 08
- സീനിയര്‍ അസിസ്റ്റന്റ് (ഗ്രൂപ്പ് സി) - 60
- സ്റ്റെനോഗ്രാഫര്‍ (ഗ്രൂപ്പ് സി) - 25
- അക്കൗണ്ടന്റ് (ഗ്രൂപ്പ് സി) - 06
- ജൂനിയര്‍ അസിസ്റ്റന്റ് (ഗ്രൂപ്പ് സി) - 204
- ജൂനിയര്‍ അക്കൗണ്ടന്റ് (ഗ്രൂപ്പ് സി) - 19
അപേക്ഷ: cbse.nic.in എന്ന വെബ്‌സൈറ്റ്‌ വഴി ഓണ്‍ലൈനായി അപേക്ഷിക്കാം. വിശദമായ വിജ്ഞാപനം ഇതേ വെബ്‌സൈറ്റില്‍ ലഭ്യമാണ്. അപേക്ഷാര്‍ഥിയുടെ ഫോട്ടോ, ഒപ്പ്, യോഗ്യത തെളിയിക്കുന്നതിനുള്ള സര്‍ട്ടിഫിക്കറ്റുകളുടെ പകര്‍പ്പ് എന്നിവ അപേക്ഷയോടൊപ്പം അപ്‌ലോഡ് ചെയ്യണം. ഓണ്‍ലൈന്‍ അപേക്ഷയിലേക്ക് നേരിട്ടു കടക്കാന്‍ ഇവിടെ ക്ലിക്ക് ചെയ്യുക.
ഫീസ്: വനിതകള്‍ക്കും എസ്.സി, എസ്.ടി, ഭിന്നശേഷി, വിമുക്തഭടര്‍ എന്നീ വിഭാഗങ്ങളില്‍പ്പെടുന്നവര്‍ക്കും ഫീസില്ല. മറ്റുള്ളവര്‍ക്ക് ഗ്രൂപ്പ് എ തസ്തികകളിലേക്ക് 1500 രൂപയും ഗ്രൂപ്പ് ബി, സി തസ്തികകളിലേക്ക് 800 രൂപയുമാണ് ഫീസ്.
വിവിധ തസ്തികകളിലേക്ക് അപേക്ഷിക്കാനാവശ്യമായ യോഗ്യത, പ്രായപരിധി, ശമ്പളം എന്നിവയുള്‍പ്പെടെ വിശദവിവരങ്ങള്‍ വിജ്ഞാപനത്തില്‍ നല്‍കിയിട്ടുണ്ട്.
അപേക്ഷകള്‍ സ്വീകരിക്കുന്ന അവസാന തീയതി - ഡിസംബര്‍ 16.
Content Highlights: CBSE Recruitment 2019; Apply now for 357 vacancies
