മോഡല്‍ റസിഡന്‍ഷ്യല്‍ സ്‌കൂളുകളില്‍ അധ്യാപകര്‍: താത്കാലിക നിയമനം

സ്‌കൂളില്‍ താമസിച്ച് പഠിപ്പിക്കേണ്ടി വരും. ഇംഗ്ലീഷില്‍ അധ്യയനം നടത്തുന്നതിന് കഴിവുള്ളവരും കംപ്യൂട്ടര്‍ പരിജ്ഞാനമുള്ളവരുമായിരിക്കണം.
പ്രായം: 2023 ജനുവരി ഒന്നിന് 39 വയസ്സ് കവിയാന്‍ പാടില്ല. നിയമാനുസൃത വയസ്സിളവുണ്ടാകും.

തിരുവനന്തപുരം മലയിന്‍കീഴ് മണലിയിലെ ജി. കാര്‍ത്തികേയന്‍ മെമ്മോറിയല്‍ മോഡല്‍ റസിഡന്‍ഷ്യല്‍ സി.ബി.എസ്.ഇ. സ്‌കൂളില്‍ 21 ഒഴിവുകളുണ്ട്. ടി.ജി.ടി. ഇംഗ്ലീഷ്, മലയാളം, ഹിന്ദി, മാത്തമാറ്റിക്‌സ്, നാച്വറല്‍ സയന്‍സ്, ഫിസിക്കല്‍ സയന്‍സ്, സോഷ്യല്‍ സയന്‍സ്, ഫിസിക്കല്‍ എജുക്കേഷന്‍, മ്യൂസിക്/ഡ്രോയിങ്, ലൈബ്രേറിയന്‍, ഐ.ടി.ഇന്‍സ്ട്രക്ടര്‍, ലാബ് അസിസ്റ്റന്റ്, മാനേജര്‍ കം റസിഡന്റ് ട്യൂട്ടര്‍, പ്രൈമറി ടീച്ചര്‍ എന്നീ തസ്തികകളിലാണ് ഒഴിവ്. സര്‍ട്ടിഫിക്കറ്റുകളുടെ പകര്‍പ്പ് സഹിതം അപേക്ഷ നെടുമങ്ങാട് ഐ.ടി.ഡി.പി. പ്രോജക്ട് ഓഫീസില്‍ നല്‍കണം. ഫോണ്‍: 0472 2812557. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 5 വൈകീട്ട് 4.

തിരുവനന്തപുരം ഞാറനീലിയിലെ ഡോ. അംബേദ്കര്‍ വിദ്യാനികേതന്‍ സി.ബി.എസ്.ഇ. സ്‌കൂളില്‍ 31 ഒഴിവാണുള്ളത്. പി.ജി.ടി. ഇംഗ്ലീഷ്, മലയാളം, ഹിന്ദി, ഫിസിക്‌സ്, കെമിസ്ട്രി, ബയോളജി, ഗണിതം, ടി.ജി.ടി. ഇംഗ്ലീഷ്, മലയാളം, ഹിന്ദി, സോഷ്യല്‍ സയന്‍സ്, നാച്വറല്‍ സയന്‍സ്, ഫിസിക്കല്‍ സയന്‍സ്, ഗണിതം, ഫിസിക്കല്‍ എജുക്കേഷന്‍, മ്യൂസിക്, ലൈബ്രേറിയന്‍, ലാബ് അസിസ്റ്റന്റ്, മാനേജര്‍ കം റസിഡന്‍ഷ്യല്‍ ട്യൂട്ടര്‍, ഐ.ടി. ഇന്‍സ്ട്രക്ടര്‍, പ്രൈമറി ടീച്ചര്‍, ടൂറിസം ടി.ജി.ടി. എന്നീ തസ്തികകളിലാണ് ഒഴിവ്. സര്‍ട്ടിഫിക്കറ്റുകളുടെ പകര്‍പ്പ് സഹിതം അപേക്ഷ നെടുമങ്ങാട് ഐ.ടി.ഡി.പി പ്രോജക്ട് ഓഫീസില്‍ നല്‍കണം. ഫോണ്‍: 0472 2812557. അപേക്ഷ സ്വീകരിക്കുന്ന അവസാന തീയതി: മാര്‍ച്ച് 31 വൈകീട്ട് 4.

കണ്ണൂര്‍ തളിപ്പറമ്പ് പട്ടുവത്ത് പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ ഹയര്‍ സെക്കന്‍ഡറി സ്‌കൂളിലും അധ്യാപക ഒഴിവുണ്ട്. മലയാളം, ഇംഗ്ലീഷ്, ഹിന്ദി, സോഷ്യല്‍ സയന്‍സ്, ഫിസിക്കല്‍ സയന്‍സ്, നാച്വറല്‍ സയന്‍സ്, കണക്ക്, ഫിസിക്കല്‍ എജുക്കേഷന്‍, മ്യൂസിക്, എം.സി.ആര്‍.ടി. എന്നീ വിഷയങ്ങളില്‍ ഹൈസ്‌കൂള്‍ വിഭാഗത്തിലും മലയാളം, ഇംഗ്ലീഷ്, ഹിന്ദി, ഫിസിക്‌സ്, കെമിസ്ട്രി, ബോട്ടണി, സുവോളജി, കണക്ക്, ഹിസ്റ്ററി, ഇക്കണോമിക്‌സ്, പൊളിറ്റിക്കല്‍ സയന്‍സ്, സോഷ്യോളജി, കൊമേഴ്സ് എന്നീ വിഷയങ്ങളില്‍ ഹയര്‍ സെക്കന്‍ഡറി വിഭാഗത്തിലുമാണ് ഒഴിവ്. വെള്ളക്കടലാസില്‍ തയ്യാറാക്കിയ അപേക്ഷ കണ്ണൂര്‍ ഐ.ടി.ഡി.പി. ഓഫീസില്‍ നല്‍കണം. ഫോണ്‍: 0497 2700357, 0460 2203020. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 15.

പത്തനംതിട്ട വടശേരിക്കര മോഡല്‍ റസിഡന്‍ഷ്യല്‍ സ്‌കൂളില്‍ ഹൈസ്‌കൂള്‍ ടീച്ചര്‍ (കണക്ക്), എം.സി.ആര്‍.ടി. എന്നീ തസ്തികകളിലാണ് ഒഴിവ്. അപേക്ഷ ട്രൈബല്‍ ഡെവലപ്‌മെന്റ് ഓഫീസര്‍, ട്രൈബല്‍ ഡെവലപ്‌മെന്റ് ഓഫീസ്, തോട്ടമണ്‍, റാന്നി 689672 എന്ന വിലാസത്തില്‍ അയക്കണം. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 15. ഫോണ്‍: 04735227703.

മലപ്പുറം ജില്ലയിലെ നിലമ്പൂര്‍ ഇന്ദിരാഗാന്ധി മോഡല്‍ സ്‌കൂളില്‍ എച്ച്.എസ്.എസ്.ടി. മലയാളം, ഇംഗ്ലീഷ്, കംപ്യൂട്ടര്‍ സയന്‍സ്, ഇക്കണോമിക്‌സ്, കൊമേഴ്‌സ്, എച്ച്.എസ്.ടി. ഗണിതം, മലയാളം, സോഷ്യല്‍, നാച്വറല്‍ സയന്‍സ്, എം.സി.ആര്‍.ടി., യു.പി.എസ്.ടി. മ്യൂസിക് എന്നീ തസ്തികകളില്‍ ഒഴിവുണ്ട്. പ്രോജക്ട് ഓഫീസര്‍, ഐ.ടി.ഡി.പി., നിലമ്പൂര്‍, മലപ്പുറം - 679329 എന്ന വിലാസത്തില്‍ അപേക്ഷ അയക്കണം. ഫോണ്‍: 04931-220315. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 15.

(തൊഴില്‍വാര്‍ത്തയില്‍ പ്രസിദ്ധീകരിച്ചത്)