.jpg?$p=ed6fd26&f=16x10&w=852&q=0.8)
Representational Image: Photo: Freepik
രാജ്യത്തെ വിവിധ റീജണല്‍ റൂറല്‍ ബാങ്കുകളിലെ നിയമനത്തിനായി ഇന്ത്യന്‍ ബാങ്കിങ് പേഴ്സണല്‍ സെലക്ഷന്‍ ഐ.ബി.പി.എസ്.) നടത്തുന്ന 2023-ലെ പൊതുപരീക്ഷയ്ക്ക് വിജ്ഞാപനം പ്രസിദ്ധീകരിച്ചു. ഓഫീസ് അസിസ്റ്റന്റ്, ഓഫീസര്‍ (സ്‌കെയില്‍ I, II, III) തസ്തികകളിലായി 8612 ഒഴിവുകളാണുള്ളത്. ബിരുദധാരികള്‍ക്കും സി.എ./ എം.ബി.എ. യോഗ്യതയുള്ളവര്‍ക്കും അപേക്ഷിക്കാം. ഓഗസ്റ്റിലായിരിക്കും പരീക്ഷ നടക്കുക. കേരളത്തിലെ ഏക റീജിയണല്‍ റൂറല്‍ ബാങ്കായ കേരള ഗ്രാമീണ ബാങ്കില്‍ ആകെ 600 ഒഴിവാണുള്ളത്. തസ്തികയിലേക്ക് അപേക്ഷിക്കുന്നവര്‍ക്ക് അപേക്ഷിക്കുന്ന സ്ഥലത്തെ പ്രാദേശികഭാഷ അറിഞ്ഞിരിക്കണം.
പ്രായം: ഓഫീസ് അസിസ്റ്റന്റ് (മള്‍ട്ടി പര്‍പ്പസ്)-18-28, ഓഫീസര്‍ (സ്‌കെയില്‍-1) 18-30, ഓഫീസര്‍ (സ്‌കെയില്‍-II)21-32, ഓഫീസര്‍ (സ്‌കെയില്‍-III)21-40 എന്നിങ്ങനെയാണ് ഓരോ തസ്തികയിലെയും പ്രായപരിധി. 2023 ജൂണ്‍ 1 അടിസ്ഥാനമാക്കിയാണ് പ്രായം കണക്കാക്കുക. ഉയര്‍ന്ന പ്രായപരിധയില്‍ എസ്.സി/, എസ്.ടി. വിഭാഗക്കാര്‍ക്ക് അഞ്ചുവര്‍ഷത്തെയും ഒ.ബി.സി. വിഭാഗക്കാര്‍ക്ക് മൂന്നുവര്‍ഷത്തെയും ഭിന്നശേഷിക്കാര്‍ക്ക് 10 വര്‍ഷത്തെയും ഇളവ് ലഭിക്കും. ഓഫീസ് അസിസ്റ്റന്റ് തസ്തികയിലേക്ക് അപേക്ഷിക്കുന്ന വിധവകള്‍ക്കും പുനര്‍വിവാഹിതരാവാത്ത വിവാഹമോചിതകള്‍ക്കും ജനറല്‍ 35 വയസ്സുവരെ (ഒ.ബി.സി.-38, എസ്.സി., എസ്.ടി.-40) ഇളവ് ലഭിക്കും. വിമുക്തഭടന്മാര്‍ക്കും നിയമാനുസൃത വയസ്സിളവുണ്ട്.
യോഗ്യത
ഓഫീസ് അസിസ്റ്റന്റ്: ഏതെങ്കിലും വിഷയത്തില്‍ ബിരുദം. കംപ്യൂട്ടര്‍പരിജ്ഞാനമുള്ളവര്‍ക്ക് മുന്‍ഗണന ലഭിക്കും.
ഓഫീസര്‍ സ്‌കെയില്‍-I (അസിസ്റ്റന്റ് മാനേജര്‍): ഏതെങ്കിലും വിഷയത്തില്‍ ബിരുദം. അഗ്രികള്‍ച്ചര്‍, ഹോര്‍ട്ടികള്‍ച്ചര്‍, ഫോറസ്ട്രി, ആനിമല്‍ ഹസ്ബെന്‍ഡറി, വെറ്ററിനറി സയന്‍സ്, അഗ്രികള്‍ച്ചറല്‍ എന്‍ജിനീയറിങ്, പിസികള്‍ച്ചര്‍, അഗ്രികള്‍ച്ചറല്‍ മാര്‍ക്കറ്റിങ് ആന്‍ഡ് കോ-ഓപ്പറേഷന്‍, ഇന്‍ഫര്‍മേഷന്‍ ടെക്നോളജി, മാനേജ്മെന്റ്, ലോ, ഇക്കണോമിക്‌സ്, അക്കൗണ്ടന്‍സി എന്നീ വിഷയങ്ങള്‍ക്ക് മുന്‍ഗണന ലഭിക്കും. കംപ്യൂട്ടര്‍പരിജ്ഞാനമുള്ളവര്‍ക്കും മുന്‍ഗണനയുണ്ടായിരിക്കും.
ഓഫീസര്‍ സ്‌കെയില്‍ I,ജനറല്‍ ബാങ്കിങ് ഓഫീസര്‍ (മാനേജര്‍): 50 ശതമാനം മാര്‍ക്കോടെ ഏതെങ്കിലും വിഷയത്തില്‍ ബിരുദവും ബാങ്കുകളിലോ ഫിനാന്‍ഷ്യല്‍ ഇന്‍സ്റ്റിറ്റിയൂഷനുകളിലോ രണ്ടുവര്‍ഷത്തെ പ്രവര്‍ത്തനപരിചയം. ബാങ്കിങ്, ഫിനാന്‍സ്, മാര്‍ക്കറ്റിങ്, അഗ്രികള്‍ച്ചര്‍, ഹോര്‍ട്ടികള്‍ച്ചര്‍, ഫോറസ്ട്രി, ആനിമല്‍ ഹസ്ബെന്‍ഡറി, വെറ്ററിനറി സയന്‍സ്, അഗ്രികള്‍ച്ചറല്‍ എന്‍ജിനീയറിങ്, പിസികള്‍ച്ചര്‍, അഗ്രികള്‍ച്ചറല്‍ മാര്‍ക്കറ്റിങ് ആന്‍ഡ് കോ ഓപ്പറേഷന്‍, ഇന്‍ഫര്‍മേഷന്‍ ടെക്നോളജി, മാനേജ്മെന്റ്, ലോ, ഇക്കണോമിക്‌സ്, അക്കൗണ്ടന്‍സി എന്നീ വിഷയങ്ങളില്‍ ബിരുദം നേടിയര്‍ക്ക് മുന്‍ഗണന ലഭിക്കും.
ഓഫീസര്‍ സ്‌കെയില്‍-II (സ്‌പെഷ്യലിസ്റ്റ് ഓഫീസേഴ്സ് (മാനേജര്‍): ഇലക്ട്രോണിക്‌സ്, കമ്യൂണിക്കേഷന്‍, കംപ്യൂട്ടര്‍ സയന്‍സ്, ഐ.ടി.യില്‍ 50 ശതമാനം മാര്‍ക്കോടെയുള്ള ബിരുദവും ഒരുവര്‍ഷത്തെ പ്രവര്‍ത്തനപരിചയവും. അല്ലെങ്കില്‍ ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യയില്‍നിന്നുള്ള സി.എ.യും ചാര്‍ട്ടേഡ് അക്കൗണ്ടന്റായി ഒരുവര്‍ഷത്തെ പ്രവര്‍ത്തനപരിചയവും. അല്ലെങ്കില്‍ 50 ശതമാനം മാര്‍ക്കോടെയുള്ള നിയമബിരുദവും അഭിഭാഷകനായോ ബാങ്ക്/ ഫിനാന്‍ഷ്യല്‍ ഇന്‍സ്റ്റിറ്റിയൂഷനുകളുടെ ലോ ഓഫീസറായോ രണ്ടുവര്‍ഷത്തെ പ്രവര്‍ത്തനപരിചയവും. അല്ലെങ്കില്‍ സി.എ./ എം.ബി.എ.യും (ഫിനാന്‍സ്) ഒരുവര്‍ഷത്തെ പ്രവര്‍ത്തനപരിചയവും. എം.ബി.എ.യും (മാര്‍ക്കറ്റിങ്) ഒരുവര്‍ഷത്തെ പ്രവര്‍ത്തനപരിചയവും. 50 ശതമാനം മാര്‍ക്കോടെ അല്ലെങ്കില്‍ അഗ്രികള്‍ച്ചര്‍/ ഹോര്‍ട്ടികള്‍ച്ചര്‍/ ഡയറി/ ആനിമല്‍ ഹസ്ബെന്ററി/ ഫോറസ്ട്രി/ വെറ്ററിനറി സയന്‍സ്, അഗ്രികള്‍ച്ചറല്‍ എന്‍ജിനീയറിങ്, പിസികള്‍ച്ചര്‍ എന്നിവയിലൊന്നില്‍ ബിരുദം/ തത്തുല്യവും രണ്ടുവര്‍ഷത്തെ പ്രവര്‍ത്തനപരിചയവും.
ഓഫീസര്‍ സ്‌കെയില്‍-III (സീനിയര്‍ മാനേജര്‍): 50 ശതമാനം മാര്‍ക്കോടെ ഏതെങ്കിലും വിഷയത്തില്‍ നേടിയ ബിരുദം/ തത്തുല്യം, ബാങ്ക്/ ഫിനാന്‍ഷ്യല്‍ ഇന്‍സ്റ്റിറ്റിയൂഷനില്‍ ഓഫീസര്‍ തസ്തികയില്‍ അഞ്ചുവര്‍ഷത്തെ പ്രവര്‍ത്തനപരിചയം. ബാങ്കിങ്, ഫിനാന്‍സ്, മാര്‍ക്കറ്റിങ്, അഗ്രികള്‍ച്ചര്‍, ഹോര്‍ട്ടികള്‍ച്ചര്‍, ഫോറസ്ട്രി, ആനിമല്‍ ഹസ്ബെന്‍ഡറി, വെറ്ററിനറി സയന്‍സ്, അഗ്രികള്‍ച്ചറല്‍ എന്‍ജിനീയറിങ്, പിസികള്‍ച്ചര്‍, അഗ്രികള്‍ച്ചറല്‍ മാര്‍ക്കറ്റിങ് ആന്‍ഡ് കോ-ഓപ്പറേഷന്‍, ഇന്‍ഫര്‍മേഷന്‍ ടെക്നോളജി, മാനേജ്മെന്റ്, ലോ, ഇക്കണോമിക്‌സ്, അക്കൗണ്ടന്‍സി എന്നിവയില്‍ ഡിഗ്രിയോ ഡിപ്ലോമയോ ഉള്ളവര്‍ക്ക് മുന്‍ഗണന ലഭിക്കും.
അപേക്ഷാഫീസ്: എസ്.സി., എസ്.ടി., ഭിന്നശേഷി വിഭാഗക്കാര്‍ക്ക് 175 രൂപ, മറ്റുള്ളവര്‍ക്ക് 850 രൂപ. ഫീസ് ഓണ്‍ലൈനായി അടയ്ക്കണം.
പരീക്ഷ: ഓഫീസ് അസിസ്റ്റന്റ്, ഓഫീസര്‍ സ്‌കെയില്‍-ക തസ്തികകളിലേക്ക് പ്രിലിമിനറി പരീക്ഷയും മെയിന്‍ പരീക്ഷയും ഉണ്ടാവും. ഓണ്‍ലൈനായി നടത്തുന്ന പരീക്ഷ ഒബ്ജക്ടീവ് മാതൃകയിലായിരിക്കും. ഓഫീസ് അസിസ്റ്റന്റിന് റീസണിങ്, ന്യൂമറിക്കല്‍ എബിലിറ്റി എന്നിവയും ഓഫീസര്‍ സ്‌കെയില്‍ കന് റീസണിങ്, ക്വാണ്ടിറ്റേറ്റീവ് ആപ്റ്റിറ്റിയൂഡ് എന്നിവയുമായിരിക്കും വിഷയങ്ങള്‍. 80 മാര്‍ക്കിനായിരിക്കും പരീക്ഷ. 45 മിനിറ്റാണ് സമയം. ഇംഗ്ലീഷ്, ഹിന്ദി എന്നിവയ്ക്കുപുറമേ മലയാളത്തിലും ചോദ്യങ്ങള്‍ ലഭിക്കും. തെറ്റുത്തരത്തിന് നാലിലൊന്ന് നെഗറ്റീവ് മാര്‍ക്കുണ്ടാവും. ഓഫീസര്‍ സ്‌കെയില്‍-2, ഓഫീസര്‍ സ്‌കെയില്‍-3 തസ്തികകളിലേക്ക് ഒറ്റഘട്ട പരീക്ഷയേ ഉണ്ടാവൂ. 200 മാര്‍ക്കിനായിരിക്കും ഈ തസ്തികകളിലെ പരീക്ഷ. ഹിന്ദി, ഇംഗ്ലീഷ് എന്നിവയായിരിക്കും ഈ പരീക്ഷയുടെ മാധ്യമങ്ങള്‍. സിലബസ് സംബന്ധിച്ച കൂടുതല്‍ വിവരങ്ങള്‍ വെബ്സൈറ്റിലെ വിജ്ഞാപനത്തില്‍ ലഭിക്കും.
കേരളത്തിലെ പരീക്ഷാകേന്ദ്രങ്ങള്‍: പ്രിലിമിനറി പരീക്ഷയ്ക്ക് കേരളത്തില്‍ ആലപ്പുഴ, കണ്ണൂര്‍, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശ്ശൂര്‍ എന്നിവിടങ്ങളില്‍ കേന്ദ്രങ്ങളുണ്ടാവും. സിംഗിള്‍/ മെയിന്‍ പരീക്ഷയ്ക്ക് കൊച്ചിയും കോഴിക്കോടും തിരുവനന്തപുരവും പരീക്ഷാകേന്ദ്രങ്ങളായിരിക്കും.
അപേക്ഷ: ഒരാള്‍ക്ക് രണ്ട് തസ്തികയ്ക്കുവരെ അപേക്ഷിക്കാം. ഓഫീസര്‍ (മള്‍ട്ടി പര്‍പ്പസ്) തസ്തികയ്ക്കും ഓഫീസര്‍തസ്തികയിലെ സ്‌കെയില്‍ 1, 2, 3 എന്നിവയില്‍ ഏതെങ്കിലും ഒന്നിനുമാണ് അപേക്ഷിക്കാനാവുക. ഇവര്‍ വെവ്വേറെ ഫീസ് അടയ്ക്കണം. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. അപേക്ഷയോടൊപ്പം ഒപ്പ്, ഫോട്ടോ, കൈകൊണ്ട് എഴുതിയ സത്യപ്രസ്താവന എന്നിവ വിജ്ഞാപനത്തില്‍ നിര്‍ദേശിച്ചിരിക്കുന്ന മാതൃകയില്‍ അപ്ലോഡ്‌ചെയ്യണം. വിശദവിവരങ്ങളടങ്ങിയ വിജ്ഞാപനത്തിനും അപേക്ഷ സമര്‍പ്പിക്കുന്നതിനും www.ibps.in എന്ന വെബ്സൈറ്റ് സന്ദര്‍ശിക്കുക. അപേക്ഷ സ്വീകരിക്കുന്ന അവസാന തീയതി: ജൂണ്‍ 21.
(മാതൃഭൂമി തൊഴില്‍വാര്‍ത്തയില്‍ പ്രസിദ്ധീകരിച്ചത്‌)
Content Highlights: Kerala Gramin Bank Recruitment 2023 for the post of officers
കരിയര്‍ സംബന്ധമായ വാര്‍ത്തകള്‍ക്കും വിവരങ്ങള്‍ക്കും JOIN Whatsapp Group https://mbi.page.link/mb-career
Also Watch
RELATED STORIES
.jpg?$p=a3c1fa2&f=1x1&w=100&q=0.8)
.jpg?$p=ed6fd26&f=1x1&w=100&q=0.8)
IN CASE YOU MISSED IT
.jpg?$p=a3c1fa2&q=0.8&f=16x11&w=104)
.jpg?$p=ed6fd26&q=0.8&f=16x11&w=104)
.jpg?$p=1dd8c95&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..