കെ.എ.എസ്. സംവരണം; ഇരട്ടസംവരണത്തിനെതിരായ ഹര്‍ജികള്‍ തള്ളണമെന്ന് സര്‍ക്കാര്‍


ഷൈന്‍ മോഹന്‍

കെ.എ.എസ്. തസ്തികകള്‍ തീര്‍ത്തും പുതിയതാണെന്നും അവയിലേക്കുള്ള നിയമനം യോഗ്യതയുടെ അടിസ്ഥാനത്തിലാണെന്നും സര്‍ക്കാര്‍ ചൂണ്ടിക്കാട്ടി

സുപ്രീംകോടതി | Photo: Mathrubhumi Archives

ന്യൂഡൽഹി: സംവരണാടിസ്ഥാനത്തിൽ സർക്കാർ ജോലിയിൽ പ്രവേശിച്ചവർക്ക് കേരള അഡ്മിനിസ്ട്രേറ്റീവ് സർവീസസ് (കെ.എ.എസ്.) നിയമനത്തിൽ വീണ്ടും സംവരണം നൽകുന്നതിനെ ന്യായീകരിച്ച് സംസ്ഥാനസർക്കാർ സുപ്രീംകോടതിയിൽ സത്യവാങ്മൂലം നൽകി. കെ.എ.എസിലേക്ക് സംവരണം നൽകുന്നത് സർക്കാരിന്റെ നയമാണെന്നും ഇതിനെതിരായ ഹർജികൾ തള്ളണമെന്നും സംസ്ഥാനസർക്കാർ ആവശ്യപ്പെട്ടു.

കെ.എ.എസ്. തസ്തികകൾ തീർത്തും പുതിയതാണെന്നും അവയിലേക്കുള്ള നിയമനം യോഗ്യതയുടെ അടിസ്ഥാനത്തിലാണെന്നും സർക്കാർ ചൂണ്ടിക്കാട്ടി. നേരത്തേ പി.എസ്.സി.യും (പബ്ലിക് സർവീസ് കമ്മിഷൻ) സുപ്രീംകോടതിയിൽ ഇക്കാര്യം വ്യക്തമാക്കിയിരുന്നു.

സംവരണാടിസ്ഥാനത്തിൽ സർക്കാർ ജോലിയിൽ പ്രവേശിച്ചവർക്ക് കെ.എ.എസ്. നിയമനത്തിൽ വീണ്ടും സംവരണം നൽകുന്നത് ഇരട്ട സംവരണമാണെന്നുകാട്ടി സമസ്ത നായർ സമാജം ഉൾപ്പെടെയുള്ളവരാണ് സുപ്രീംകോടതിയെ സമീപിച്ചത്.

സർക്കാർ ഉദ്യോഗസ്ഥരാണ് എന്ന ഒറ്റക്കാരണത്താൽ അവർക്ക് ഒ.ബി.സി. ഉൾപ്പെടെയുള്ള സമുദായങ്ങൾക്കുള്ള സംവരണം നിഷേധിക്കാനാവില്ലെന്ന് സർക്കാർ പറഞ്ഞു. കെ.എ.എസ്. നിയമനങ്ങൾ സ്ഥാനക്കയറ്റമോ സ്ഥലംമാറ്റമോ അല്ല, മറിച്ച് പുതിയ തിരഞ്ഞെടുക്കലാണ്. നയതീരുമാനത്തിന്റെ അടിസ്ഥാനത്തിലുണ്ടാക്കിയ പുതിയ സർവീസാണ് കെ.എ.എസ്. അതിലേക്ക് സംവരണം നിഷേധിക്കുന്നത് ഭരണഘടനാപരമായ അവകാശങ്ങൾ ലംഘിക്കലാകും.

സർക്കാർ ഉദ്യോഗസ്ഥരും അല്ലാത്തവരും എഴുത്തുപരീക്ഷയും അഭിമുഖവും നേരിട്ട് യോഗ്യത തെളിയിക്കേണ്ടതുണ്ട്. നേരിട്ടുള്ള റിക്രൂട്ട്മെന്റായതിനാൽ കെ.എ.എസ്. സംവരണം ഭരണഘടനാപരമാണെന്ന് ഹൈക്കോടതി ഡിവിഷൻബെഞ്ചും വ്യക്തമാക്കിയിട്ടുണ്ട്.

ഇ.എം.എസ്. മുഖ്യമന്ത്രിയായിരുന്ന കാലത്തെ ആദ്യ ഭരണപരിഷ്കാര കമ്മിഷനാണ് സംസ്ഥാന സിവിൽ സർവീസ് എന്ന ആശയം കൊണ്ടുവന്നത്. മൂന്നാം ഭരണപരിഷ്കാര കമ്മിഷൻ ഇക്കാര്യത്തിൽ വ്യക്തമായ നിർദേശം മുന്നോട്ടുവെച്ചു.

കെ.എ.എസ്. സംവരണകാര്യത്തിൽ അഡ്വക്കേറ്റ് ജനറലിന്റെ നിയമോപദേശം തേടിയതായും സർക്കാർ വ്യക്തമാക്കി.

Content Highlights: KAS Kerala government supports double reservation, Supreme Court


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


07:22

നിക്ഷേപകരെ വലയിലാക്കാൻ പ്രവീൺ റാണ പറഞ്ഞ കണക്കുകൾ...| Praveen Rana Investment Fraud Part 02

Jan 26, 2023

Most Commented