.jpg?$p=ed6fd26&f=16x10&w=852&q=0.8)
Representational Image: Photo: Freepik
എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷനില്‍ (ഇ.പി.എഫ്.ഒ) സോഷ്യല്‍ സെക്യൂരിറ്റി അസിസ്റ്റന്റ്, സ്റ്റെനോഗ്രാഫര്‍ തസ്തികകളിലേക്ക് അപേക്ഷ ക്ഷണിച്ചു. രണ്ട് തസ്തികകളിലുമായി 2859 ഒഴിവുണ്ട്. അപേക്ഷ ഓണ്‍ലൈനായി സമര്‍പ്പിക്കണം.
സോഷ്യല്‍ സെക്യൂരിറ്റി അസിസ്റ്റന്റ് (എസ്.എസ്.എ): ആകെ ഒഴിവ്-2674. കേരളവും ലക്ഷദ്വീപും ഉള്‍പ്പെടുന്ന കേരള റീജണില്‍ 115 ഒഴിവാണുള്ളത് (ജനറല്‍-71, എസ്.സി.-12, എസ്.ടി.-2, ഒ.ബി.സി.-എന്‍.സി.ല്‍-19, ഇ.ഡബ്ല്യു.എസ്.-11) (നാല് ഒഴിവ് ഭിന്നശേഷിക്കാര്‍ക്കും 15 ഒഴിവ് വിമുക്തഭടന്മാര്‍ക്കും നീക്കിവെച്ചതാണ്).
യോഗ്യത: അംഗീകൃത സര്‍വകലാശാലയില്‍നിന്ന് നേടിയ ബിരുദവും മിനിട്ടില്‍ 35 ഇംഗ്ലീഷ് വാക്ക്/ 30 ഹിന്ദി വാക്ക് കംപ്യൂട്ടര്‍ ടൈപ്പിങ് സ്പീഡും. പ്രായം 18-27 വയസ്സ്. ശമ്പളം 29,200-92,300 രൂപ.
സ്റ്റെനോഗ്രാഫര്‍: ഒഴിവ്-185. യോഗ്യത- പന്ത്രണ്ടാം ക്ലാസ്സ് വിജയം. മിനിട്ടില്‍ 80 വാക്ക് ഡിക്ടേഷന്‍ (10 മിനിട്ട് സമയം) സ്പീഡും മിനിട്ടില്‍ 50 ഇംഗ്ലീഷ് വാക്ക്/ 65 ഹിന്ദി വാക്ക് ട്രാന്‍സ്‌ക്രിപ്ഷന്‍ സ്പീഡും ഉണ്ടായിരിക്കണം. പ്രായം 18-27 വയസ്സ്. ശമ്പളം 25, 500-81,100 രൂപ.
ഉയര്‍ന്ന പ്രായപരിധിയില്‍ എസ്.സി, എസ്.ടി. വിഭാഗക്കാര്‍ക്ക് അഞ്ച് വര്‍ഷത്തെയും ഒ.ബി.സി.-എന്‍.സി.എല്‍. വിഭാഗക്കാര്‍ക്ക് മൂന്ന് വര്‍ഷത്തെയും ഇളവ് ലഭിക്കും. ഭിന്നശേഷിക്കാരിലെ ജനറല്‍ വിഭാഗത്തിന് 10 വര്‍ഷത്തെയും എസ്.സി., എസ്.ടി. വിഭാഗക്കാര്‍ക്ക് 15 വര്‍ഷത്തെയും ഒ.ബി.സി.-എന്‍.സി.എല്‍. വിഭാഗത്തിന് 13 വര്‍ഷത്തെയും ഇളവ് ലഭിക്കും. വിമുക്തഭടന്മാര്‍ക്കും നിയമാനുസൃത വയസ്സിളവുണ്ട്.
അപേക്ഷാഫീസ്: 700 രൂപ. (വനിതകള്‍ക്കും എസ്.സി, എസ്.ടി., ഭിന്നശേഷി വിഭാഗക്കാര്‍ക്കും വിമുക്തഭടന്മാര്‍ക്കും ബാധകമല്ല). ഓണ്‍ലൈനായാണ് ഫീസ് അടയ്‌ക്കേണ്ടത്.
പരീക്ഷ: രണ്ട് ഘട്ടങ്ങളിലായിരിക്കും പരീക്ഷ നടക്കുക. സോഷ്യല്‍ സെക്യൂരിറ്റി അസിസ്റ്റന്റ് തസ്തികയിലേക്ക് ഒന്നാം ഘട്ടത്തില്‍ നടക്കുന്ന പരീക്ഷയ്ക്ക് രണ്ടര മണിക്കൂറായിരിക്കും ദൈര്‍ഘ്യം. 150 ചോദ്യങ്ങള്‍ക്കായി ആകെ 600 മാര്‍ക്ക്. സ്റ്റെനോഗ്രാഫര്‍ തസ്തികയിലേക്കുള്ള ആദ്യഘട്ടം പരീക്ഷയ്ക്ക് 2 മണിക്കൂറും 10 മിനിട്ടുമാണ് സമയം. ആകെ 800 മാര്‍ക്ക്, 200 ചോദ്യങ്ങള്‍. തെറ്റുത്തരത്തിന് നാലിലൊന്ന് മാര്‍ക്ക് നഷ്ടമാവും. രാജ്യത്താകെ 57 കേന്ദ്രങ്ങളിലായിരിക്കും പരീക്ഷ നടക്കുക. കേരളത്തില്‍ തിരുവനന്തപുരം, എറണാകുളം/ മൂവാറ്റുപുഴ എന്നിവിടങ്ങളിലായിരിക്കും പരീക്ഷാകേന്ദ്രം. ഓരോ ചോദ്യത്തിന് നാല് മാര്‍ക്ക് വീതം. രണ്ട് തസ്തികയിലേക്കും രണ്ടാം ഘട്ടത്തില്‍ സ്‌കില്‍ ടെസ്റ്റാണ് നടത്തുക.
സോഷ്യല്‍ സെക്യൂരിറ്റി അസിസ്റ്റന്റ് (എസ്.എസ്.എ) തസ്തികയിലേക്ക് മേഖല തിരിച്ച് മെറിറ്റ് ലിസ്റ്റ് തയ്യാറാക്കിയായിരിക്കും നിയമനംനടത്തുക.
അപേക്ഷ: വിശദവിവരങ്ങള്‍ക്കും അപേക്ഷ സമര്‍പ്പിക്കുന്നതിനും www.epfindia.gov.in, http://recruimtent.nta.nic.in എന്നീ വെബ്സൈറ്റുകളില്‍ ലഭിക്കും. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 26.
(മാതൃഭൂമി തൊഴില്‍വാര്‍ത്തയില്‍ പ്രസിദ്ധീകരിച്ചത്)
Content Highlights: EPFO SSA Recruitment 2023 Notification, Stenographer, social security assistant
കരിയര്‍ സംബന്ധമായ വാര്‍ത്തകള്‍ക്കും വിവരങ്ങള്‍ക്കും JOIN Whatsapp Group https://mbi.page.link/mb-career
Also Watch
RELATED STORIES
.jpg?$p=fc20cf2&f=1x1&w=100&q=0.8)
%20(1).jpg?$p=a8c8b00&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=ada105f&f=1x1&w=100&q=0.8)
IN CASE YOU MISSED IT
.jpg?$p=a80322e&f=1x1&w=100&q=0.8)
.jpg?$p=fc20cf2&q=0.8&f=16x11&w=104)
.jpg?$p=061e77d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..