ITI/ ഡിപ്ലോമ/ സയന്‍സ് ബിരുദക്കാർക്ക് DRDO-യില്‍ ടെക്നീഷ്യന്‍ ആകാം | ശമ്പളം: 35,400 -1,12,400


യോഗ്യത: ഐ.ടി.ഐ./ഡിപ്ലോമ/സയന്‍സ് ബിരുദം.   അവസാന തീയതി: സെപ്റ്റംബര്‍ 23

Representative image: Freepik

ഡിഫന്‍സ് റിസര്‍ച്ച് ആന്‍ഡ് ഡെവലപ്മെന്റ് ഓര്‍ഗനൈസേഷന്റെ (ഡി.ആര്‍.ഡി.ഒ.) സെന്റര്‍ ഫോര്‍ പേഴ്സണല്‍ ടാലന്റ് മാനേജ്മെന്റ് (സെപ്റ്റാം) പ്രവേശനപരീക്ഷയ്ക്ക് വിജ്ഞാപനമായി. സീനിയര്‍ ടെക്നിക്കല്‍ അസിസ്റ്റന്റ്-ബി തസ്തികയില്‍ 1,075 ഒഴിവുകളും ടെക്നീഷ്യന്‍-എ തസ്തികയില്‍ 826 ഒഴിവുകളുമാണുള്ളത്. ഐ.ടി.ഐ.ക്കാര്‍ക്കും ഡിപ്ലോമക്കാര്‍ക്കും സയന്‍സ് ബിരുദധാരികള്‍ക്കുമാണ് അപേക്ഷിക്കാനാവുക.

സീനിയര്‍ ടെക്നീഷ്യന്‍ അസിസ്റ്റന്റ്-ബി: യോഗ്യത: സയന്‍സ് ബിരുദം അല്ലെങ്കില്‍ എന്‍ജിനീയറിങ്/ടെക്നോളജി/കംപ്യൂട്ടര്‍ സയന്‍സ്/അനുബന്ധവിഷയങ്ങളില്‍ എ.ഐ.സി.ടി.ഇ. അംഗീകൃത ഡിപ്ലോമയാണ് യോഗ്യത. വിഷയങ്ങള്‍: ഓട്ടോമൊബൈല്‍, കെമിക്കല്‍, സിവില്‍, കംപ്യൂട്ടര്‍ സയന്‍സ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ്, ഇലക്ട്രിക്കല്‍, ഇലക്ട്രോണിക്‌സ് ആന്‍ഡ് ഇന്‍സ്ട്രുമെന്റേഷന്‍, ഇലക്ട്രോണിക്‌സ്/ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍/ഇലക്ട്രോണിക്‌സ് ടെലികമ്യൂണിക്കേഷന്‍, ഇന്‍സ്ട്രുമെന്റേഷന്‍, മെക്കാനിക്കല്‍, മെറ്റലര്‍ജി എന്‍ജിനീയറിങ്, അഗ്രിക്കള്‍ച്ചര്‍, ബോട്ടണി, കെമിസ്ട്രി, ലൈബ്രറി സയന്‍സ്, മാത്തമാറ്റിക്‌സ്, എം.എല്‍.ടി., ഫോട്ടോഗ്രഫി, ഫിസിക്‌സ്, പ്രിന്റിങ് ടെക്നോളജി, സൈക്കോളജി, ടെക്‌സ്‌റ്റൈല്‍, സുവോളജി. ശമ്പളം: 35,400-1,12,400 രൂപ.

ടെക്നീഷ്യന്‍-എ: യോഗ്യത: പത്താംക്ലാസ്/തത്തുല്യം അല്ലെങ്കില്‍ അംഗീകൃത ഐ.ടി.ഐ./തത്തുല്യം. വിഷയങ്ങള്‍: ഓട്ടോമൊബൈല്‍, ബുക്ക് ബൈന്‍ഡര്‍, കാര്‍പ്പെന്റര്‍, സി.എന്‍.സി. ഓപ്പറേറ്റര്‍, കോപ്പാ, ഡ്രോട്ട്സ്മാന്‍ (മെക്കാനിക്കല്‍), ഡി.ടി.പി. ഓപ്പറേറ്റര്‍, ഇലക്ട്രീഷ്യന്‍, ഇലക്ട്രോണിക്‌സ്, ഫിറ്റര്‍, ഗ്രൈന്‍ഡര്‍, മെഷീനിസ്റ്റ്, മെക്കാനിക് (ഡീസല്‍), മില്‍ റൈറ്റ് മെക്കാനിക്, മോട്ടോര്‍ മെക്കാനിക് പെയിന്റര്‍, ഫോട്ടോഗ്രാഫര്‍, റഫ്രിജറേഷന്‍ ആന്‍ഡ് എ.സി., ഷീറ്റ് മെറ്റല്‍ വര്‍ക്കര്‍, ടര്‍ണര്‍, വെല്‍ഡര്‍. ശമ്പളം: 19,900-63,200 രൂപ.

കരിയര്‍ സംബന്ധമായ വാര്‍ത്തകള്‍ അറിയാന്‍ join whatsapp group

പ്രായം: രണ്ട് തസ്തികകളിലും 18-28 വയസ്സാണ് പ്രായം. എസ്.സി., എസ്.ടി., ഒ.ബി.സി., ഭിന്നശേഷിവിഭാഗക്കാര്‍ക്കും വിമുക്തഭടന്മാര്‍ക്കും ഗവ. ചട്ടപ്രകാരമുള്ള വയസ്സിളവ് ലഭിക്കും.

തിരഞ്ഞെടുപ്പ്: സീനിയര്‍ ടെക്നീഷ്യന്‍ അസിസ്റ്റന്റ്-ബി തസ്തികയിലേക്ക് രണ്ട് ഘട്ടമായി നടത്തുന്ന കംപ്യൂട്ടര്‍ അധിഷ്ഠിത പരീക്ഷ(സി.ബി.ടി.)കളിലൂടെയാണ് തിരഞ്ഞെടുപ്പ്. ടെക്നീഷ്യന്‍-എ തസ്തികയിലേക്കുള്ള തിരഞ്ഞെടുപ്പിന് കംപ്യൂട്ടര്‍ അധിഷ്ഠിത പരീക്ഷയും ട്രേഡ്/സ്‌കില്‍ ടെസ്റ്റും ഉണ്ടാവും. പരീക്ഷകളുടെ തീയതി പിന്നീട് പ്രഖ്യാപിക്കും.

അപേക്ഷ: വിശദവിവരങ്ങളടങ്ങിയ വിജ്ഞാപനം,www.drdo.gov.in എന്ന വെബ്സൈറ്റില്‍ പ്രസിദ്ധീകരിക്കും. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. സെപ്റ്റംബര്‍ മൂന്നുമുതല്‍ അപേക്ഷ സമര്‍പ്പിക്കാം. അപേക്ഷ സ്വീകരിക്കുന്ന അവസാന തീയതി: സെപ്റ്റംബര്‍ 23.

Content Highlights: DRDO Technician recruitment 2022


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

എന്റെ റൂംമേറ്റാണ് ഐഎഎസും ഐപിഎസും എന്താണെന്നെന്നെ പഠിപ്പിച്ചത് - കളക്ടർ കൃഷ്ണ തേജ | Interview Part 1

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented