വിവേക് ആര്‍. ചന്ദ്രന്‍

06 August 2022, 03:46 PM IST

1 min read

Read later

പ്രതീകാത്മകചിത്രം | Photo: Canva

തിരുവനന്തപുരം: നഗരസഭകളിലും കോര്‍പ്പറേഷനുകളിലും പി.എസ്.സി. നിയമനങ്ങള്‍ അട്ടിമറിച്ച് കൂട്ട ആശ്രിതനിയമനം.എല്ലാ നിയമങ്ങളും കാറ്റില്‍പ്പറത്തി സര്‍വീസ് സംഘടനകളുടെയും ഉന്നത ഉദ്യോഗസ്ഥരുടെയും ഒത്താശയോടെയാണിത്. പി.എസ്.സി. പരീക്ഷകളില്‍ റാങ്കുനേടി കാത്തിരിക്കുന്നവരുടെ അവസരമാണ് നഷ്ടമാകുന്നത്.

സര്‍ക്കാര്‍നിയമനങ്ങളില്‍ അഞ്ചുശതമാനംമാത്രമാണ് ആശ്രിതനിയമനം. ആശ്രിതനിയമനം ലഭിച്ചവരുടെ എണ്ണം ഏതെങ്കിലും കാരണത്താല്‍ കൂടിയാല്‍ അവരെ സൂപ്പര്‍ന്യൂമററിയായി നിലനിര്‍ത്തി ഊഴമനുസരിച്ചുമാത്രം സര്‍വീസില്‍ ഉള്‍പ്പെടുത്തണമെന്നാണ് വ്യവസ്ഥ.

ഒരുതസ്തികയില്‍ പകുതിലേറെ ആശ്രിതനിയമനമാകരുതെന്നും വ്യവസ്ഥയുണ്ട്. എന്നാല്‍, പല കോര്‍പ്പറേഷനുകളിലും ആശ്രിത നിയമനം 70 ശതമാനം വരെയെത്തി. അതേസമയം, ത്രിതല പഞ്ചായത്തുകളില്‍ ഇത്തരം നിയമനം കുറവാണ്.

നിയമനം പ്രധാനമായും കണ്ടിന്‍ജന്‍സിയില്‍

കോര്‍പ്പറേഷനുകളിലെ കണ്ടിന്‍ജന്‍സി ജീവനക്കാരുടെ ആശ്രിതര്‍ക്കാണ് കൂടുതല്‍ നിയമനങ്ങളും കിട്ടയത്. എംപ്ലോയ്മെന്റ് എക്‌സ്ചേഞ്ചുകള്‍ വഴിയാണ് ഇവരെ നിയമിക്കുന്നത്. 60 വയസ്സുവരെയാണ് സര്‍വീസ്. ഇവര്‍ സര്‍വീസിലിരിക്കെ മരിച്ചാല്‍, ആശ്രിതരെ പി.എസ്.സി. വഴി നിയമിക്കുന്ന മുനിസിപ്പല്‍ കോമണ്‍ സര്‍വീസിലേക്കാണ് പരിഗണിക്കുക.

ഇതാണ് വന്‍തോതില്‍ ആശ്രിതനിയമനം വരാന്‍കാരണം. സാധാരണ സര്‍ക്കാര്‍ വകുപ്പുകളിലെ ആശ്രിതനിയമനങ്ങള്‍ പൊതുഭരണവകുപ്പിലെ ആശ്രിതനിയമനവിഭാഗം വഴിയാണ് നടത്തുന്നത്.

എന്നാല്‍, മുനിസിപ്പല്‍ കോമണ്‍ സര്‍വീസിലെ നിയമനങ്ങള്‍ തദ്ദേശസ്വയംഭരണ വകുപ്പ് നേരിട്ടാണ് നടത്തുന്നത്. ഇതിന്റെ മറവിലാണ് സംവരണം അട്ടിമറിച്ച് യൂണിയന്‍നേതാക്കളുടെ സഹായത്തോടെയുള്ള നിയമനങ്ങള്‍.