തൊഴില്‍ നൈപുണ്യം ഉറപ്പാക്കുകയെന്ന ലക്ഷ്യത്തോടെയാണ് അപ്രന്റീസ്ഷിപ്പുകള്‍ കമ്പനികള്‍ നല്‍കുന്നത്. വിശാഖപട്ടണത്തെ നേവല്‍ ഡോക് യാഡ്, ഗോവയിലെ നേവല്‍ ഷിപ്പ് റിപ്പയര്‍ യാഡ്,് ഉള്‍പ്പെടെ കേന്ദ്ര സര്‍ക്കാരിനു കീഴിലെ സ്ഥാപനങ്ങളില്‍ വിവിധ ട്രേഡുകളില്‍ അപ്രന്റീസ്ഷിപ്പിന് ഇപ്പോള്‍ അപേക്ഷിക്കാം.

നേവല്‍ ഡോക്‌യാഡ് 275

പ്രതിരോധ മന്ത്രാലയത്തിന് കീഴില്‍ വിശാഖപട്ടണത്തുള്ള നേവല്‍ ഡോക്‌യാഡില്‍ 275 അപ്രന്റിസ് ഒഴിവ്. ഒഴിവുകള്‍: ഇലക്ട്രീഷ്യന്‍22, ഇലക്‌ട്രോണിക്‌സ് മെക്കാനിക്36, ഫിറ്റര്‍35, ഇന്‍സ്ട്രുമെന്റ് മെക്കാനിക്15, മെഷീനിസ്റ്റ്12, പെയിന്റര്‍ (ജനറല്‍)10, റെഫ്രിജറേഷന്‍ ആന്‍ഡ് എ.സി. മെക്കാനിക്19, വെല്‍ഡര്‍ (ഗ്യാസ് ആന്‍ഡ് ഇലക്ട്രിക്)16, കാര്‍പെന്റര്‍27, ഫോണ്ട്രിമാന്‍7, മെക്കാനിക് (ഡീസല്‍)20, ഷീറ്റ് മെറ്റല്‍ വര്‍ക്കര്‍34, പൈപ്പ് ഫിറ്റര്‍22.

യോഗ്യത: പത്താം ക്ലാസും ബന്ധപ്പെട്ട ട്രേഡില്‍ ഐ.ടി. ഐ. (എന്‍.സി.വി.ടി./എസ്.സി.വി.ടി.) സര്‍ട്ടിഫിക്കറ്റ്. പ്രായം: 2001 ഏപ്രില്‍ ഒന്നിനും 2008 ഏപ്രില്‍ ഒന്നിനും ഇടയില്‍ ജനിച്ചവരാകണം. എസ്.സി./എസ്.ടി. വിഭാഗത്തിന് അഞ്ചുവര്‍ഷത്തെ വയസ്സിളവ് ലഭിക്കും.

വിവരങ്ങള്‍ക്കായി www.indiannavy.nic.in ലെ PersonalCivilian എന്ന ലിങ്ക് കാണുക. www.apprenticeshipindia.org വഴി അപേക്ഷിക്കണം.

ഓണ്‍ലൈനായി അപേക്ഷിച്ചതിനുശേഷം അപേക്ഷയുടെ പകര്‍പ്പ് തപാലില്‍ അയക്കണം. ഓണ്‍ലൈനായി അപേക്ഷ സ്വീകരിക്കുന്ന അവസാന തീയതി: ഡിസംബര്‍ അഞ്ച്. തപാലില്‍ സ്വീകരിക്കുന്ന അവസാന തീയതി: ഡിസംബര്‍14.

നേവല്‍ ഷിപ്പ് റിപ്പയര്‍യാഡ്/എയര്‍ക്രാഫ്റ്റ് യാഡ്  173

ഗോവയിലുള്ള കര്‍വാറിലെ നേവല്‍ ഷിപ്പ് റിപ്പയര്‍ യാഡിലും ധബോളിമിലെ നേവല്‍ എയര്‍ക്രാഫ്റ്റ് യാഡിലുമായി 173 അപ്രന്റിസ് ഒഴിവ്. സ്ത്രീകള്‍ക്കും പുരുഷന്മാര്‍ക്കും അപേക്ഷിക്കാം.

ഷിപ്പ് റിപ്പയര്‍ യാഡ് കര്‍വാര്‍ 150

ഒഴിവുകള്‍: കാര്‍പെന്റര്‍12, ഇലക്ട്രീഷ്യന്‍16, ഇലക്‌ട്രോണിക് മെക്കാനിക്ക്16, ഫിറ്റര്‍16, ഇന്‍ഫര്‍മേഷന്‍ ആന്‍ഡ് കമ്യൂണിക്കേഷന്‍ ടെക്‌നോളജി സിസ്റ്റം മെയിന്റനന്‍സ്4, ഇന്‍സ്ട്രുമെന്റ് മെക്കാനിക്ക്4, മെഷീനിസ്റ്റ്4, മേസണ്‍ (ബില്‍ഡിങ് കണ്‍സ്ട്രക്ടര്‍)4, മെക്കാനിക്ക് ഡീസല്‍16, മെക്കാനിക്ക് മെഷീന്‍ ടൂള്‍ മെയിന്റനന്‍സ്4, മെക്കാനിക്ക് മോട്ടോര്‍ വെഹിക്കിള്‍6, മെക്കാനിക്ക് റെഫ്രിജറേഷന്‍ ആന്‍ഡ് എയര്‍ കണ്ടീഷന്‍10, പെയിന്റര്‍ (ജനറല്‍)4, പ്ലംബര്‍6, ടെയ്‌ലര്‍4, ഷീറ്റ് മെറ്റല്‍ വര്‍ക്കര്‍12, വെല്‍ഡര്‍ (ഗ്യാസ് ആന്‍ഡ് ഇലക്ട്രിക്)12.

നേവല്‍ എയര്‍ക്രാഫ്റ്റ് യാഡ് 23

ഒഴിവുകള്‍: ഇലക്ട്രീഷ്യന്‍/ഇലക്ട്രീഷ്യന്‍ എയര്‍ക്രാഫ്റ്റ്3, ഇലക്‌ട്രോണിക്‌സ് മെക്കാനിക്ക്/മെക്കാനിക്ക് റഡാര്‍ ആന്‍ഡ് റേഡിയോ എയര്‍ക്രാഫ്റ്റ്3, ഫിറ്റര്‍2, ഇന്‍ഫര്‍മേഷന്‍ ആന്‍ഡ് കമ്യൂണിക്കേഷന്‍ ടെക്‌നോളജി സിസ്റ്റം മെയിന്റനന്‍സ്4, ഇന്‍സ്ട്രുമെന്റ് മെക്കാനിക്ക്/മെക്കാനിക്ക് ഇന്‍സ്ട്രുമെന്റ് എയര്‍ക്രാഫ്റ്റ്2, മെഷീനിസ്റ്റ്3, പൈപ്പ് ഫിറ്റര്‍2, പെയിന്റര്‍ (ജനറല്‍)2, വെല്‍ഡര്‍ (ഗ്യാസ് ആന്‍ഡ് ഇലക്ട്രിക്)2.

യോഗ്യത: 50 ശതമാനം മാര്‍ക്കോടെ മെട്രിക്കുലേഷനും ബന്ധപ്പെട്ട വിഷയത്തില്‍ 65 ശതമാനം മാര്‍ക്കോടെ ഐ.ടി.ഐ. എന്‍.സി.വി.ടി./എസ്.സി.വി.ടി. സര്‍ട്ടിഫിക്കറ്റ്.

ഒരുവര്‍ഷത്തെ കോഴ്‌സ് കഴിഞ്ഞവര്‍ക്ക് 7700 രൂപ, രണ്ടുവര്‍ഷത്തെ കോഴ്‌സ് കഴിഞ്ഞവര്‍ക്ക് 8050 രൂപ എന്നിങ്ങനെയാണ് സ്റ്റൈപെന്റ്.

www.apprenticeshipindia.gov.in വഴി അപേക്ഷിക്കണം. അപേക്ഷയുടെ പകര്‍പ്പും അനുബന്ധരേഖകളും തപാലില്‍ അയക്കണം. അവസാന തീയതി: ഡിസംബര്‍20.

Content Highlights: Opportunities in Central Government Institutions