-
ബിരുദം പൂര്‍ത്തിയാക്കുന്നവരില്‍ പലരും തിരഞ്ഞെടുക്കുന്ന ഗ്ലാമര്‍ കോഴ്‌സാണ് എം.ബി.എ (മാസ്റ്റര്‍ ഇന്‍ ബിസിനസ് അഡ്മിനിസ്‌ട്രേഷന്‍). രാജ്യത്തെ മിക്ക മുന്‍നിര കമ്പനികളുടെയും തലപ്പത്തുള്ളവര്‍ എം.ബി.എക്കാരാണെന്നത് തന്നെ ഇതിന് കാരണം. എന്നാല്‍ രണ്ടുവര്‍ഷത്തെ എം.ബി.എ പഠനം പൂര്‍ത്തിയാക്കി ഇറങ്ങുന്നവരെ കാത്തിരിക്കുന്ന അവസരങ്ങള്‍ എന്തൊക്കെയാണെന്നു പലര്‍ക്കും അറിയില്ലെന്നതാണ് വാസ്തവം.
ലോകം മുഴുവന്‍ ഒരു ചെറു ഗ്രാമമായി ചുരുങ്ങിയിരിക്കുന്ന കാലത്ത്, തിരഞ്ഞെടുക്കാന്‍ അവസരങ്ങളുടെ വലിയൊരാകാശമാണുള്ളത്. ഏത് കോഴ്‌സ് പഠിച്ചിറങ്ങിയാലും അവനവന് ഇഷ്ടമുള്ള തൊഴില്‍ തിരഞ്ഞെടുക്കുന്നതിലാണ് കാര്യം. ടെക്‌നോളജി യുഗമായ 2020-ല്‍ എം.ബി.എക്കാരെ കാത്തിരിക്കുന്ന അഞ്ച് കരിയര്‍ സാധ്യതകളെക്കുറിച്ചറിയാം.
ബിസിനസ് ഡാറ്റാ അനലിറ്റിക്‌സ്
നമ്മള്‍ ജീവിക്കുന്നത് ഡാറ്റാ യുഗത്തിലാണ്. അതുകൊണ്ട് തന്നെ ഡാറ്റയെ/വിവരങ്ങളെ കൈകാര്യം ചെയ്യാന്‍ സാധിക്കുന്നവരെ കാത്തിരിക്കുന്നത് മികച്ച അവസരങ്ങളാണ്. ബിസിനസ് മേഖലയിലെ തീരുമാനങ്ങളും പ്ലാനുകളുമെല്ലാം നടപ്പാക്കാന്‍ നന്നായി ഡാറ്റാ അനാലിസിസ് അറിയുന്നവര്‍ക്ക് കഴിയും. ബിസിനസ് ഡാറ്റാ അനലിസ്റ്റ് എന്ന കരിയര്‍ തിരഞ്ഞെടുക്കുന്നതോടെ 'ടണ്‍' കണക്കിന് വിവരങ്ങള്‍ കൈയിലെത്തും. ഇതിന്റെ അടിസ്ഥാനത്തില്‍ ഉല്‍പ്പന്നങ്ങളിലും സേവനങ്ങളിലും മാറ്റം വരുത്താം. ജോലിക്കാരുടെ യഥാര്‍ത്ഥ ആവശ്യങ്ങള്‍ തിരിച്ചറിയാം. അങ്ങനെ വിജയകരമായ ബിസിനസ് കെട്ടിപ്പടുക്കാന്‍ കഴിയും. എം.ബി.എയ്‌ക്കൊപ്പം ഒരല്‍പ്പം സാങ്കേതിക വിദ്യാ പരിജ്ഞാനവും കൂടിയുണ്ടെങ്കില്‍ സംഗതി ഗംഭീരം!
പ്രോഗ്രാം മാനേജര്‍
ഇന്ന് പല കമ്പനികളിലുമുള്ള പോസ്റ്റാണിത്. എങ്ങനെ ബിസിനസ്് നേട്ടങ്ങളുണ്ടാക്കാം എന്ന പ്ലാന്‍ ചെയ്യുകയാണ് ഇവരുടെ ജോലി. കമ്പനിയുടെ തുടക്കം മുതല്‍ വളര്‍ച്ചയുടെ എല്ലാ ഘട്ടങ്ങളിലും വ്യക്തമായ ബ്ലൂപ്രിന്റ് കൈവശമുണ്ടായിരിക്കണം. ഒരല്‍പം ദീര്‍ഘവീക്ഷണവും പ്ലാനിങ്ങില്‍ മികവുമുള്ളവര്‍ക്ക് ഈ മേഖലയിലേക്ക് വരാം.
പ്രൊഡക്ട് മാനേജര്‍
എങ്ങനെയൊരു കമ്പനിയുടെ ഉല്‍പ്പന്നങ്ങളെ ഉപഭോക്തൃ സൗഹൃദമാക്കുമെന്ന് ചിന്തിക്കുകയാണ് പ്രൊഡക്ട് മാനേജറുടെ ജോലി. ഒരുപക്ഷേ എം.ബി.എ ബിരുദധാരികള്‍ക്ക് ഏറ്റവുമധികം യോജിക്കുന്ന ജോലികൂടിയാണിത്. സാങ്കേതിക വിദ്യയുടെ എല്ലാ മേഖലകളേയും ബിസിനസ്സ് കണ്ണോടെ കാണുകയാണ് ഇതില്‍ പ്രധാനം. എങ്ങനെ ഉപഭോക്താക്കളുടെ ആവശ്യങ്ങള്‍ തിരിച്ചറിയാമെന്നതാണ് ഒരു പ്രൊഡക്റ്റ് മാനേജറുടെ മനസ്സില്‍ വരേണ്ട ചിന്ത.
മാര്‍ക്കറ്റിങ് മാനേജര്‍
ഒരു ഉല്‍പ്പന്നത്തെയോ സേവനത്തെയോ മികച്ച രീതിയില്‍ മാര്‍ക്കറ്റ് ചെയ്യുകയാണ് ഈ ജോലിയുടെ ഉദ്ദേശം. മാര്‍ക്കറ്റിലെ മാറ്റങ്ങള്‍ മനസ്സിലാക്കുക, അവസരങ്ങള്‍ കണ്ടെത്തുക, ഉപഭോക്താക്കളുടെ ആവശ്യങ്ങളറിയുക, മാര്‍ക്കറ്റിങ് ക്യാംപെയിനുകള്‍ നടത്തുക തുടങ്ങിയ ചുമതലകളാണ് ഇതില്‍ പ്രധാനം. ഒരല്‍പ്പം കഠിനാധ്വാനം ഇഷ്ടപ്പെടുന്ന ആര്‍ക്കും തിരഞ്ഞെടുക്കാവുന്ന മേഖലയാണിത്.
എച്ച്.ആര്‍ മാനേജര്‍
എം.ബി.എ പൂര്‍ത്തിയാക്കി ഇറങ്ങുന്ന പലരുടേയും മുന്നിലുള്ള കരിയര്‍ ലക്ഷ്യമാണിത്. ഏതൊരു സ്ഥാപനത്തിന്റേയും വളര്‍ച്ചയില്‍ വലിയ പങ്കുവഹിക്കുന്ന ജോലിയാണ് ഹ്യൂമന്‍ റിസോഴ്‌സ് മാനേജറുടേത്. ജോലിക്കാര്‍ക്കും കമ്പനിക്കുമിടയിലുള്ള ഒരു പാലമായാണ് എച്ച.ആര്‍ പ്രവര്‍ത്തിക്കുന്നത്. അതുകൊണ്ട് തന്നെ സ്വന്തം വ്യക്തിത്വത്തില്‍ പൂര്‍ണ വിശ്വാസമുള്ളവര്‍ക്ക് ഈ ജോലിയിലേക്ക് കടന്നു വരാം.
Content Highlighlights: Career Options For MBA Graduates
Also Watch
RELATED STORIES
IN CASE YOU MISSED IT
.jpg?$p=aa62323&f=1x1&w=100&q=0.8)
.png?$p=dd2b73e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..