കോമണ്‍ ലോ അഡ്മിഷന്‍ ടെസ്റ്റ് വഴി ലഭിക്കാവുന്ന മികച്ച തൊഴില്‍ അവസരങ്ങള്‍


Representative Image: Mathrubhumi. com

കോമണ്‍ ലോ അഡ്മിഷന്‍ ടെസ്റ്റ് വഴി ജോലി അവസരങ്ങള്‍ ഉണ്ടോ ?

വീണ, കൊല്ലം



ദേശീയ നിയമ സര്‍വകലാശാലകളുടെ കണ്‍സോര്‍ഷ്യം നടത്തുന്ന പോസ്റ്റ് ഗ്രാജ്വേറ്റ് കോഴ്‌സിലെ (എല്‍എല്‍.എം.) പ്രവേശനത്തിനുള്ള കോമണ്‍ ലോ അഡ്മിഷന്‍ ടെസ്റ്റ് (ക്ലാറ്റ്) ഫലം അടിസ്ഥാനമാക്കി ചില പൊതുമേഖലാസ്ഥാപനങ്ങള്‍ റിക്രൂട്ട്‌മെന്റ് നടത്താറുണ്ട്.

• ക്ലാറ്റ് 2021ല്‍ യോഗ്യത നേടിയവരെ നാഷണല്‍ തെര്‍മല്‍ പവര്‍ കോര്‍പ്പറേഷന്‍ (എന്‍.ടി.പി.സി.), അസിസ്റ്റന്റ് ലോ ഓഫീസറായി തിരഞ്ഞെടുക്കാനുള്ള വിജ്ഞാപനം ഇപ്പോള്‍ പുറപ്പെടുവിച്ചിട്ടുണ്ട്. 60 ശതമാനം മാര്‍ക്കോടെ (പട്ടിക/ഭിന്നശേഷിക്കാര്‍ക്ക് 55 ശതമാനം) എല്‍എല്‍.ബി./തത്തുല്യ ബിരുദം വേണം. ബാര്‍ കൗണ്‍സില്‍ രജിസ്‌ട്രേഷനും ഉണ്ടായിരിക്കണം. വിവരങ്ങള്‍ക്ക്: careers.ntpc.co.in

• പവര്‍ ഗ്രിഡ് കോര്‍പ്പറേഷന്‍ ഓഫ് ഇന്ത്യ ലിമിറ്റഡ് 2018ലും 2021ലും ക്ലാറ്റ് സ്‌കോര്‍ അടിസ്ഥാനമാക്കി എക്‌സിക്യുട്ടീവ് ട്രെയിനി (ലോ) തസ്തികയിലേക്ക് റിക്രൂട്ട്‌മെന്റ് നടത്തിയിരുന്നു.

• 2018 ല്‍ ഭാരത് ഹെവി ഇലക്ട്രിക്കല്‍സ് ലിമിറ്റഡ് (ബി.എച്ച്.ഇ.എല്‍.) ക്ലാറ്റ് അടിസ്ഥാനമാക്കി ലോ ഓഫീസര്‍ തസ്തികയിലേക്ക് നിയമിച്ചിരുന്നു.

• ഓയില്‍ ആന്‍ഡ് നാച്വറല്‍ ഗ്യാസ് കോര്‍പ്പറേഷന്‍ (ഒ.എന്‍.ജി.സി.) ലിമിറ്റഡ്, അസിസ്റ്റന്റ് ലീഗല്‍ അഡ്വൈസര്‍ തസ്തികയിലേക്ക് ക്ലാറ്റ് 2019 യോഗ്യത നേടിയവരെ റിക്രൂട്ട് ചെയ്തിരുന്നു.

• ഇന്ത്യന്‍ ഓയില്‍ കോര്‍പ്പറേഷന്‍ ലിമിറ്റഡ് (ഐ.ഒ.സി.എല്‍.) ക്ലാറ്റ് 2019 റാങ്ക് പരിഗണിച്ച് ലോ ഓഫീസര്‍ ഗ്രേഡ് ബി (അസിസ്റ്റന്റ് ലോ മാനേജര്‍), ലോ ഓഫീസര്‍ ഗ്രേഡ് എ (ലോ ഓഫീസര്‍) എന്നീ സ്ഥാനങ്ങളിലേക്ക് റിക്രൂട്ട് ചെയ്തിരുന്നു.

റിക്രൂട്ട്‌മെന്റിനനുസരിച്ച് മറ്റ് യോഗ്യതാവ്യവസ്ഥകള്‍ ഉണ്ടാകും. പൊതുവേ മൂന്നുവര്‍ഷ എല്‍എല്‍.ബി./അഞ്ചു വര്‍ഷ ഇന്റഗ്രേറ്റഡ് നിയമബിരുദം വേണം. യോഗ്യതാ പ്രോഗ്രാം മാര്‍ക്ക്, പ്രായം, ബാര്‍ കൗണ്‍സില്‍ രജിസ്‌ട്രേഷന്‍ തുടങ്ങിയ വ്യവസ്ഥകളും ഉണ്ടാകാം. ചില തിരഞ്ഞെടുപ്പുകളില്‍ പ്രവൃത്തിപരിചയം ആവശ്യപ്പെട്ടിട്ടുണ്ട്.

കരസേനയില്‍ പുരുഷന്മാര്‍ക്കും വനിതകള്‍ക്കും അപേക്ഷിക്കാവുന്ന ജഡ്ജ് അഡ്വക്കേറ്റ് ജനറല്‍ (ജെ. എ.ജി.) ബ്രാഞ്ച് ഷോര്‍ട്ട് സര്‍വീസ് കമ്മിഷന്‍ എന്‍ട്രിക്ക് ക്ലാറ്റ് സ്‌കോര്‍ ബാധകമാക്കാന്‍ തീരുമാനിച്ചിട്ടുണ്ട്. ജാഗ് 30 കോഴ്‌സ് പ്രവേശനം മുതലാണ് ക്ലാറ്റ് പി.ജി. യോഗ്യത നിര്‍ബന്ധമാക്കിയത്.

Content Highlights: The best job opportunities available through the Common Law Admission Test


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented