യുവ എഴുത്തുകാര്‍ക്ക് 50,000 രൂപ സ്‌കോളര്‍ഷിപ്പോടെ മെന്ററിങ് പദ്ധതി


ഡോ. എസ്. രാജൂകൃഷ്ണന്‍

മെന്ററിങ് പദ്ധതി പൂര്‍ത്തീകരിക്കുമ്പോള്‍ മാസം 50,000 രൂപ നിരക്കില്‍ ആറ് മാസത്തേക്ക് മൂന്നുലക്ഷം രൂപ സ്‌കോളര്‍ഷിപ്പായി ഗ്രന്ഥകാരന്മാര്‍ക്ക് അനുവദിക്കും. ജൂലായ് 31 വരെ അപേക്ഷ നല്‍കാം

പ്രതീകാത്മക ചിത്രം | Photo: gettyimages.in 

യുവ മനസ്സുകളെ ശാക്തീകരിക്കുവാനും പുതിയ പഠന വ്യവസ്ഥ രൂപപ്പെടുത്താനും അതുവഴി ഭാവി നേതാക്കൻമാരെ വാർത്തെടുക്കാനും ലക്ഷ്യമിടുന്ന 'യുവ: പ്രൈം മിനിസ്റ്റേഴ്സ് സ്കീം ഫോർ മെന്ററിങ് യങ് ഓതേഴ്സ്' പദ്ധതിയിലേക്ക് അപേക്ഷിക്കാം.

മികവ് വേണം

അഭിപ്രായപ്രകടനം നടത്താൻ പ്രാപ്തിയുള്ള, അന്താരാഷ്ട്ര വേദികളിൽ രാജ്യത്തെയും സംസ്കാരത്തെയും സാഹിത്യത്തെയും അവതരിപ്പിക്കാൻ കഴിവുള്ള 30 വയസ്സിൽ താഴെ പ്രായമുള്ള ഒരു കൂട്ടം എഴുത്തുകാരെ സൃഷ്ടിക്കുക എന്നതാണ് പദ്ധതിയുടെ ലക്ഷ്യം. ഇപ്രകാരം സൃഷ്ടിക്കപ്പെടുന്ന യുവഎഴുത്തുകാർ നോവൽ, ലേഖനം, സഞ്ചാരസാഹിത്യം, നാടകം, കവിത തുടങ്ങിയ മേഖലകളിൽ മികവു പ്രകടിപ്പിക്കുമെന്ന് പ്രതീക്ഷിക്കുന്നു.

പുസ്തകം പ്രസിദ്ധീകരിക്കും

മൊത്തം 75 എഴുത്തുകാരെ തിരഞ്ഞെടുക്കും. നാഷണൽ ബുക്ക് ട്രസ്റ്റ് (എൻ.ബി.ടി.) രൂപവത്‌കരിക്കുന്ന സമിതിയാകും തിരഞ്ഞെടുപ്പു നടത്തുക. ജൂലായ് 31 വരെ എൻട്രികൾ നൽകാം. മെന്റർഷിപ്പ് പദ്ധതിയിലൂടെ പുസ്തകമാക്കി രൂപപ്പെടുത്താവുന്ന 5000 വാക്കുകളിൽ തയ്യാറാക്കിയ ഒരു ൈകയെഴുത്തുപ്രതി മത്സരാർഥി സമർപ്പിക്കണം. ഓഗസ്റ്റ് 15-ന് വിജയികളെ പ്രഖ്യാപിക്കും. നാമനിർദേശം ചെയ്യപ്പെടുന്ന മെന്റർമാരുടെ മേൽനോട്ടത്തിൽ, തിരഞ്ഞെടുക്കപ്പെടുന്നവർ അന്തിമ തിരഞ്ഞെടുപ്പിനായി അവരുടെ ൈകയെഴുത്തുപ്രതികൾ പരിഷ്കരിക്കണം. ഡിസംബർ 15-ഓടെ പ്രസിദ്ധീകരണത്തിനായി അന്തിമമായി തിരഞ്ഞെടുക്കപ്പെടുന്ന രചനകൾ പ്രഖ്യാപിക്കും.

പരിശീലനം

2022 ജനുവരി 12-ന് തിരഞ്ഞെടുത്ത പുസ്തകങ്ങൾ പ്രകാശനം ചെയ്യും. തിരഞ്ഞെടുക്കപ്പെടുന്നവർക്ക് നാഷണൽ ബുക്ക് ട്രസ്റ്റ്, രണ്ടാഴ്ച നീളുന്ന റൈറ്റേഴ്സ് ഓൺലൈൻ പ്രോഗ്രാം നടത്തും. പ്രഗല്ഭരായ എഴുത്തുകാരുടെയും മെന്റർമാരുടെയും നേതൃത്വത്തിലായിരിക്കും പരിശീലനം. ഇതേത്തുടന്ന് വിവിധ ഓൺലൈൻ/ഓൺസൈറ്റ് ദേശീയ ക്യാമ്പുകൾ എൻ.ബി.ടി. സംഘടിപ്പിക്കും. മൂന്നു മാസമാണ് പരിശീലനത്തിനുള്ള ആദ്യഘട്ടം.

രണ്ടാംഘട്ടം ഘട്ടത്തിൽ സാഹിത്യ സമ്മേളനങ്ങൾ, പുസ്തക മേളകൾ, െവർച്വൽ ബുക്ക് ഫെയറുകൾ, സാംസ്കാരിക വിനിമയ പരിപാടികൾ തുടങ്ങിയ അന്താരാഷ്ട്ര പ്രോഗ്രാമുകളിൽ പങ്കെടുക്കാനും ആശയവിനിമയം നടത്താനും അവസരം ലഭിക്കും.

സ്കോളർഷിപ്പ്

മെന്ററിങ് പ്രോഗ്രാമിന്റെ ഔട്ട്പുട്ട് എന്ന രീതിയിൽ ഇവരുടെ ഗ്രന്ഥങ്ങൾ എൻ.ബി.ടി. പ്രസിദ്ധപ്പെടുത്തും. മെന്ററിങ് പദ്ധതി പൂർത്തീകരിക്കുമ്പോൾ മാസം 50,000 രൂപ നിരക്കിൽ ആറ് മാസത്തേക്ക് മൂന്നുലക്ഷം രൂപ സ്കോളർഷിപ്പായി ഗ്രന്ഥകാരന്മാർക്ക് അനുവദിക്കും. അവരുടെ പുസ്തകത്തിന്റെ വിൽപ്പനയുടെ വരവിൽ പത്തുശതമാനം റോയൽറ്റിയായി ഗ്രന്ഥകാരന് നൽകും. പുസ്തകങ്ങൾ മറ്റു ഭാഷകളിലേക്കും തർജമ ചെയ്യപ്പെടാം. അപേക്ഷ https://innovateindia.mygov.in/yuva വഴി ജൂലായ് 31 വരെ നൽകാം.

Content Highlights: Mentoring program for young authors


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

07:19

വീട്ടിലേക്കും വൈദ്യുതി എടുക്കാം, ആയാസരഹിതമായ ഡ്രൈവിങ്, മലയാളിയുടെ സ്റ്റാര്‍ട്ടപ് വിപ്ലവം | E-Auto

Dec 7, 2022


ജിനേഷ്‌

2 min

പീഡനക്കേസില്‍ പിടിയിലായ DYFI നേതാവിന്റെ ഫോണില്‍ 30 ഓളം സ്ത്രീകളുമായുള്ള വീഡിയോകള്‍,ലഹരിക്കൈമാറ്റം

Dec 7, 2022


35:54

പാട്ടുകള്‍ ഹിറ്റാണ് പാട്ടുകാരിയോ?; മാറ്റിനിര്‍ത്തിയാല്‍ ഒരു 'ചുക്കുമില്ലെ'ന്ന് പുഷ്പവതി

Dec 6, 2022

Most Commented