• News
  • Views
  • Videos
  • Movies
  • Sports
  • Money
  • Women
  • Crime
  • Auto
  • Tech
  • Career
More
  • Updates
  • Jobs
  • Features
  • Education
  • Current Affairs
  • GK
  • Exam Special
  • Career Guidance
  • Videos
  • GK & CA
  • YearBook
  • Education-English

​എല്‍.ഡി.ക്ലാര്‍ക്ക്: സ്വപ്നപദവികളിലേക്കുള്ള ആദ്യ ചുവട്

Nov 10, 2019, 02:05 PM IST
A A A

ഉദ്യോഗാര്‍ഥികള്‍ കാത്തിരുന്ന എല്‍.ഡി.ക്ലാര്‍ക്ക് വിജ്ഞാപനം എത്തുകയായി. നവംബര്‍ 15-ഓടെ വിജ്ഞാപനം ഗസറ്റില്‍ വരും. അപേക്ഷ സമര്‍പ്പിക്കാന്‍ ഒരുമാസത്തോളം സമയം ലഭിക്കും. 2020 ജൂണോടെ പരീക്ഷ പ്രതീക്ഷിക്കാം. എല്‍.ഡി.ക്ലാര്‍ക്കായി നിയമനം ലഭിച്ചാലുള്ള നേട്ടങ്ങളെന്തെല്ലാം? തുടക്കത്തില്‍ എത്ര രൂപയാണ് ശമ്പളം? പ്രമോഷന്‍ സാധ്യതകള്‍ എങ്ങനെയാണ്? അപേക്ഷിക്കാനൊരുങ്ങും മുന്‍പ് അറിഞ്ഞിരിക്കേണ്ട വിവരങ്ങളിതാ

# ഹര്‍ഷന്‍
LD Clerk: First Step Towards the Dream Career
X

ലക്ഷണമൊത്ത സര്‍ക്കാര്‍ജോലിയായാണ് എല്‍.ഡി.ക്ലാര്‍ക്കിനെ പൊതുവേ പരിഗണിക്കുന്നത്. നിര്‍വഹണച്ചുമതല, വിവിധ ചട്ടങ്ങളിലെ അറിവ്, സര്‍ക്കാര്‍ വ്യവഹാരങ്ങള്‍ നടത്തിക്കൊണ്ടുപോകാനുള്ള കഴിവുകള്‍, ക്രമാനുഗതമായുള്ള ഉദ്യോഗക്കയറ്റങ്ങള്‍ എന്നിവയെല്ലാം ക്ലാര്‍ക്ക്‌ജോലിയെ വേറിട്ടതാക്കുന്നു. സര്‍ക്കാരിന്റെ ഭരണനിയന്ത്രണം സെക്രട്ടേറിയറ്റിലാണെങ്കിലും, ഭരണനിര്‍വഹണം വിവിധ വകുപ്പുകളിലെ ക്ലാര്‍ക്കുമാരുടെ കൈകളിലാണ്. 

യഥാര്‍ഥ ഭരണക്കാര്‍

സംസ്ഥാനത്തെ നൂറിലേറെവരുന്ന സര്‍ക്കാര്‍വകുപ്പുകളുടെ പ്രവര്‍ത്തനഘടനയില്‍ നിര്‍ണായക സ്ഥാനമാണ് ക്ലാര്‍ക്കുമാര്‍ക്കുള്ളത്. സര്‍ക്കാര്‍ജീവനക്കാരില്‍ 45 മുതല്‍ 50 വരെ ശതമാനം പേര്‍ എല്‍.ഡി.ക്ലാര്‍ക്ക് തസ്തികയിലും അനുബന്ധ കേഡറുകളിലും ഉള്ളവരാണ്. സംസ്ഥാനത്തിന്റെ ഔദ്യോഗികസംവിധാനത്തെ ചലിപ്പിക്കുന്നത് ഈ കേഡറിലുള്ളവരാണ്. പൊതുജനങ്ങളുടെ നൂറുകണക്കിനായ ആവശ്യങ്ങള്‍ നിറവേറ്റാന്‍ നിയുക്തരായ ഉദ്യോഗസ്ഥരില്‍ വലിയ ശതമാനവും ക്ലാര്‍ക്കുമാരാണ്. ഔദ്യോഗികതലത്തില്‍ ഇവര്‍ കൈക്കൊള്ളുന്ന തീരുമാനങ്ങളും, മാനദണ്ഡങ്ങളുമാണ് സര്‍ക്കാര്‍സംവിധാനത്തെ നടത്തിക്കൊണ്ടുപോകുന്നത്. 

ഉയരങ്ങള്‍ കീഴടക്കാം

സര്‍ക്കാരിന്റെ വലിയൊരു ശതമാനം വകുപ്പുകളിലും ക്ലാര്‍ക്കുമാര്‍ക്ക് വലിയ ഉയരങ്ങളില്‍ എത്താനാവും. റവന്യൂ വകുപ്പിലെ എല്‍.ഡി. ക്ലാര്‍ക്കുമാരാണ് വില്ലേജ് ഓഫീസറും തഹസില്‍ദാരുമൊക്കെയായി ഉയരുന്നത്. ഡെപ്യൂട്ടി കളക്ടറായി ഐ.എ.എസ്. പദവിവരെ നേടിയെടുത്ത ഒട്ടേറെ ക്ലാര്‍ക്കുമാരുടെ കഥ റവന്യൂ വകുപ്പിനുണ്ട്. 

പഞ്ചായത്ത് വകുപ്പിലെ ക്ലാര്‍ക്കുമാര്‍ക്ക് അസിസ്റ്റന്റ് പഞ്ചായത്ത് സെക്രട്ടറി, പഞ്ചായത്ത് സെക്രട്ടറി, പഞ്ചായത്തു വകുപ്പിലെ അസിസ്റ്റന്റ് ഡയറക്ടര്‍, ഡെപ്യൂട്ടി ഡയറക്ടര്‍ എന്നീ പദവികള്‍വരെ ഉയരാന്‍ കഴിയും. രജിസ്ട്രേഷന്‍ വകുപ്പിലെ ക്ലാര്‍ക്കിന് അസിസ്റ്റന്റ് രജിസ്ട്രാര്‍, ഡെപ്യൂട്ടി രജിസ്ട്രാര്‍ പദവികളിലേക്ക് വലിയ കാലവിളംബം ഇല്ലാതെ തന്നെ സ്ഥാനക്കയറ്റം ലഭിക്കും.

ഗ്രാമവികസന വകുപ്പിലെ എല്‍. ഡി. ക്ലാര്‍ക്കിന് ബ്ലോക്ക് ഡവലപ്‌മെന്റ് ഓഫീസര്‍, അസിസ്റ്റന്റ് ഡവ ലപ്‌മെന്റ് കമ്മിഷണര്‍ പദവിയിലൊക്കെ ഉയരാന്‍ സാധിക്കും. ലോട്ടറി വകുപ്പിലെ ക്ലാര്‍ക്കിന് ജില്ലാ ലോട്ടറി ഓഫീസര്‍ വരെയായി ഉയരാം. തൊഴില്‍ വകുപ്പില്‍ ലേബര്‍ ഓഫീസര്‍ തുടങ്ങിയ ഉയര്‍ന്ന സ്ഥാനങ്ങളിലേക്കെത്താന്‍ 20 വര്‍ഷത്തെ സര്‍വീസ് മതിയാവും. ട്രഷറികളില്‍ ഓഫീസര്‍ തസ്തികകളിലേക്ക് ഉയരുന്നതും ക്ലാര്‍ക്കായി ഉദ്യോഗത്തില്‍ പ്രവേശിക്കുന്നവരാണ്. 

Don't Miss It: കെ.എ.എസ്: ഒരുങ്ങാം, കേരളത്തിന്റെ സ്വന്തം സിവില്‍ സര്‍വീസ് പരീക്ഷയ്ക്ക്

രേഖകളുടെ കാവല്‍ക്കാര്‍

ക്ലറിക്കല്‍ തസ്തികകളിലെ ജീവനക്കാര്‍ക്ക് വിവിധ സര്‍ക്കാര്‍ നടപടിക്രമങ്ങളിലും ഉത്തരവുകളിലും ചട്ടങ്ങളിലുമുള്ള അറിവ് ആഴത്തിലുള്ളതാണ്. വകുപ്പ് മേധാവികള്‍ പോലും താഴേത്തട്ടിലെ ക്ലാര്‍ക്കുമാരുടെ അഭിപ്രായങ്ങള്‍ ശരിവെക്കുന്നതാണ് പൊതുവേ കണ്ടുവരുന്ന രീതി. ഒരു വകുപ്പിനെ സംബന്ധിച്ച് അവിടത്തെ ജൂനിയര്‍ സൂപ്രണ്ടിനുള്ള അറിവ് വകുപ്പ് കൈകാര്യം ചെയ്യുന്ന ഐ.എ.എസു.കാരന് ഉണ്ടാവണമെന്നില്ല. ഇതൊക്കെ കൊണ്ടുതന്നെ സര്‍ക്കാര്‍ സംവിധാനങ്ങളുടെ കാവല്‍ക്കാരാണ് ക്ലറിക്കല്‍ കേഡറിലെ ഉദ്യോഗസ്ഥര്‍ എന്നുപറയാം. 

തസ്തികമാറ്റ സാധ്യതകള്‍

അധ്യാപക യോഗ്യതകളുള്ള ഒരാള്‍ വിദ്യാഭ്യാസ വകുപ്പില്‍ എല്‍.ഡി. ക്ലാര്‍ക്കായി ചേര്‍ന്നാല്‍ ചുരുങ്ങിയ വര്‍ഷങ്ങള്‍ക്കുള്ളില്‍ തന്നെ ഹൈസ്‌കൂള്‍ അധ്യാപകനോ, ഹയര്‍സെക്കന്‍ഡറി സ്‌കൂള്‍ അധ്യാപകനോ ആയി ഉയരാനാവും. അതുപോലെ മോട്ടോര്‍ വാഹനവകുപ്പിലെ ക്ലാര്‍ക്കിന് ഡിപ്ലോമ ഉള്ള പക്ഷം വെഹിക്കിള്‍ ഇന്‍സ്‌പെക്ടര്‍ തസ്തികയിലേക്ക് ഉയരാനാവും. ഇങ്ങനെ എല്ലാ വകുപ്പുകളിലും കണ്ണായ തസ്തികകള്‍ ക്ലാര്‍ക്കുമാരെ കാത്തിരിപ്പുണ്ട്. കേരളത്തിലെ 100-ലേറെ വരുന്ന സര്‍ക്കാര്‍ വകുപ്പുകളില്‍ താഴ്ന്ന തസ്തികകളിലെ ജീവനക്കാര്‍ക്ക് നിശ്ചിത എണ്ണം സീറ്റുകള്‍ ഇങ്ങനെ മാറ്റിവെച്ചിട്ടുണ്ട്. 

കെ.എ.എസ്: ഒരുങ്ങാം, കേരളത്തിന്റെ സ്വന്തം സിവില്‍ സര്‍വീസ് പരീക്ഷയ്ക്ക്
കെ.എ.എസ്: ഒരുങ്ങാം, കേരളത്തിന്റെ സ്വന്തം സിവില്‍ സര്‍വീസ് പരീക്ഷയ്ക്ക്
കേരള അഡ്മിനിസ്‌ട്രേറ്റീവ് സര്‍വീസ്: ഐഎഎസ് കേഡറിലേക്ക് എത്താനുള്ള അവസരം
കേരള അഡ്മിനിസ്‌ട്രേറ്റീവ് സര്‍വീസ്: ഐഎഎസ് കേഡറിലേക്ക് എത്താനുള്ള അവസരം

യോഗ്യത ചെറുത്, അധികാരം വലുത്

പത്താംക്ലാസ് വിജയം മാത്രമാണ് എല്‍.ഡി. ക്ലാര്‍ക്ക് തസ്തികയ്ക്ക് അപേക്ഷിക്കാനുള്ള യോഗ്യത. എന്നാല്‍ ഈ ഉദ്യോഗത്തിലുള്ളവരുടെ അധികാരങ്ങള്‍ വളരെ വലുതാണ്. പൗരന്‍മാരുടെ അടിസ്ഥാനവിവരങ്ങളുടെ സാക്ഷ്യപ്പെടുത്തല്‍ എന്ന അതീവപ്രാധാന്യമുള്ള ജോലി നിര്‍വഹിക്കുന്ന ബഹുഭൂരിപക്ഷം ഉദ്യോഗസ്ഥരും ഐ.എ.എസ്.കാരോ, ഐ.പി.എസ്.കാരോ അല്ല. മറിച്ച് എല്‍.ഡി. ക്ലാര്‍ക്ക് തസ്തികയിലോ, ഇതിന്റെ അനുബന്ധമായ മുകളിലെ തസ്തികകളിലോ ഉള്ളവരാണ്. ഇതുമൂലം ഉദ്യോഗസ്ഥര്‍ക്ക് സമൂഹത്തില്‍ ലഭിക്കുന്ന നിലയും വിലയും വലുതാണ്. 

തുടക്കത്തിലേ നല്ല ശമ്പളം

നിലവില്‍ 19,000 രൂപയാണ് എല്‍.ഡി.ക്ലാര്‍ക്ക് തസ്തികയുടെ അടിസ്ഥാനശമ്പളം. ഈ തസ്തികയിലുള്ളവര്‍ക്ക് വര്‍ഷംതോറും ലഭിക്കുന്ന ഇന്‍ക്രിമെന്റ് 500 രൂപയാണ്. സര്‍ക്കാര്‍ജീവനക്കാരുടെ ഇപ്പോഴത്തെ ക്ഷാമബത്തയായ അടിസ്ഥാനശമ്പളത്തിന്റെ 20 ശതമാനവും എച്ച്.ആര്‍.എ., സി.സി.എ.എന്നീ അലവന്‍സുകളും ചേരുമ്പോള്‍ തുടക്കക്കാര്‍ക്ക് കിട്ടുന്ന ശമ്പളം 25,000-ത്തോളം രൂപയാണ്. ഇപ്പോഴത്തെ നിലയില്‍ എട്ടുശതമാനം ക്ഷാമബത്ത സംസ്ഥാന സര്‍ക്കാര്‍ ജീവനക്കാര്‍ക്ക് കുടിശ്ശികയിനത്തില്‍ ലഭിക്കാനുണ്ട്. ഇതുംകൂടി ചേരുമ്പോള്‍ ശമ്പളം 26,500 ആയി മാറും. 

സംസ്ഥാന സര്‍ക്കാര്‍ ജീവനക്കാരുടെ 11-ാം ശമ്പളകമ്മിഷന്‍ പരമാവധി ഒരുവര്‍ഷത്തിനകം റിപ്പോര്‍ട്ട് സമര്‍പ്പിക്കും. പുതിയ ശമ്പളകമ്മിഷന്‍ നിര്‍ദേശം പ്രാബല്യത്തില്‍വരുന്നതോടെ ജീവനക്കാരുടെ ശമ്പളത്തില്‍ ഏറ്റവും കുറഞ്ഞത് 30 ശതമാനം വര്‍ധനയെങ്കിലും ഉറപ്പാണ്. അങ്ങനെയെങ്കില്‍ 35,000 രൂപയോളം തുടക്കശമ്പളം പ്രതീക്ഷിക്കാം. പുതിയ വിജ്ഞാപനപ്രകാരം അപേക്ഷിച്ച് പരീക്ഷ വിജയിച്ചെത്തുന്നവരെ കാത്തിരിക്കുന്നത് ആകര്‍ഷകമായ പുതിയ ശമ്പളനിരക്കാണെന്നര്‍ഥം.

പരീക്ഷകളിലെ ബാഹുബലി

പി.എസ്.സി. നടത്തുന്ന ഏറ്റവും വലിയ പരീക്ഷയാണ് എല്‍.ഡി. ക്ലാര്‍ക്കിന്റെത്; ഏറ്റവും കൂടുതല്‍പേരെ സര്‍ക്കാര്‍ സര്‍വീസിലേക്കെത്തിക്കുന്നതും ഈ പരീക്ഷതന്നെ. പി.എസ്.സി.യുടെ മറ്റൊരു പരീക്ഷയ്ക്കും ഇത്രയും അപേക്ഷകരുണ്ടാവാറില്ല. നേരത്തേ ലാസ്റ്റ് ഗ്രേഡ് തസ്തികയിലേക്കുള്ള പരീക്ഷയ്ക്കായിരുന്നു കൂടുതല്‍പേര്‍ എഴുതുന്നതിന്റെ ഖ്യാതി. എന്നാല്‍ അതിന്റെ യോഗ്യതയില്‍ മാറ്റങ്ങള്‍ വരുത്തിയതോടെ അപേക്ഷകരുടെ എണ്ണം ഗണ്യമായി കുറഞ്ഞു. അപേക്ഷകരുടെ എണ്ണത്തിലെ വലുപ്പം കൊണ്ടുതന്നെ പതിനായിരക്കണക്കിനു പരീക്ഷാകേന്ദ്രങ്ങളാണ് 14 ജില്ലകളിലെ പരീക്ഷയ്ക്കായി പി.എസ്.സി.ക്ക് ഒരുക്കേണ്ടി വരുക. 

ഇനി പരിശീലനച്ചൂടില്‍

തസ്തികയുടെ പ്രാധാന്യത്തില്‍ അപേക്ഷകര്‍ ഒഴുകുമ്പോള്‍ ഗ്രാമ, നഗര വ്യത്യാസമില്ലാതെ പരീക്ഷാച്ചൂടും ഉയരും. 2020 ജൂണോടെയാണ് ഇത്തവണത്തെ പരീക്ഷ പ്രതീക്ഷിക്കുന്നത്. പരിശീലനത്തിന് എട്ടു മാസത്തോളം സമയം ലഭിക്കും. മാതൃകാ പരീക്ഷകളും കമ്പൈന്‍ഡ് സ്റ്റഡിയും വിവരശേഖരണങ്ങളുമൊക്കെയായി ചൂടേറിയ പരിശീലനനാളുകളിലേക്ക് കടക്കാം.

thozhil

Content Highlights: Kerala PSC LD Clerk Exam: First Step Towards the Dream Career

PRINT
EMAIL
COMMENT
Next Story

ഇനി ജോലിക്കുചെല്ലുമ്പോള്‍ പകച്ചുനില്‍ക്കേണ്ട; വരുന്നൂ സ്‌കില്‍ മിഷന്‍

തൃശ്ശൂർ: 'പഠിച്ചതല്ല ജോലിക്കുചെന്നപ്പോൾ' -സാങ്കേതിക വിദ്യാഭ്യാസത്തിൽ പണ്ടേ കേൾക്കുന്ന .. 

Read More
 

Related Articles

എല്‍.ഡി. ക്ലാര്‍ക്ക്; നിയമനനില മുന്‍ലിസ്റ്റുകളെക്കാള്‍ ഏറെ പിന്നില്‍
Careers |
Careers |
159 തസ്തികകളില്‍ അപേക്ഷ ക്ഷണിച്ച് പി.എസ്.സി. 
Videos |
ഫെബ്രുവരിയില്‍ നടക്കുന്ന പ്രിലിമിനറി പരീക്ഷയില്‍ സാമ്പത്തിക സംവരണം ബാധകമാകുമോ? | Mathrubhumi Career Q&A
Careers |
'ജാതി നശിപ്പിക്കല്‍ നവയുഗ ധര്‍മം' എന്ന മുദ്രാവാക്യം ഉയര്‍ത്തിയതാര്? | LDC Mocktest
 
  • Tags :
    • Kerala PSC
    • Lower division clerck
More from this section
award
ലേഡി ടാറ്റാ മെമ്മോറിയല്‍ ട്രസ്റ്റ് യങ് റിസര്‍ച്ചര്‍ അവാര്‍ഡിന് അപേക്ഷിക്കാം
parliament
പാര്‍ലമെന്റ് അംഗത്തോടൊപ്പം ഒരുവര്‍ഷം; ലാംപ് പദ്ധതിയുമായി പോളിസി റിസര്‍ച്ച് സ്റ്റഡീസ് കേന്ദ്രം
manasi
റാംപില്‍ നിന്ന് കര്‍ഷകര്‍ക്കിടയിലേക്ക്; വേറിട്ട വഴി തിരഞ്ഞെടുത്ത ഒരു 23-കാരി
fellowship
സിങ്കപ്പൂര്‍ നാഷണല്‍ യൂണിവേഴ്‌സിറ്റിയില്‍ ഏഷ്യന്‍ ഗ്രാജ്വേറ്റ് സ്റ്റുഡന്റ് ഫെലോഷിപ്പ്
google research
44 ലക്ഷം രൂപയുടെ ഗ്രാന്റുമായി ഗൂഗിള്‍ റിസര്‍ച്ച് സ്‌കോളര്‍ പ്രോഗ്രാം 
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
           
© Copyright Mathrubhumi 2021. All rights reserved.