സഹകരണബാങ്കില്‍ ജോലികിട്ടാന്‍ വേണ്ട യോഗ്യത; വിശദവിവരങ്ങള്‍ അറിയാം


ഫോട്ടോ:സജീവൻ എൻ എൻ| മാതൃഭൂമി

സഹകരണബാങ്കില്‍ ജോലികിട്ടാന്‍ വേണ്ട യോഗ്യത; വിശദവിവരങ്ങള്‍ അറിയാം

വീണ, ആലപ്പുഴ

സഹകരണബാങ്കുകളിലെ വിവിധ നിയമനങ്ങള്‍ക്ക് തസ്തികയ്ക്കനുസരിച്ച് നിശ്ചിത വിദ്യാഭ്യാസയോഗ്യത വേണം. സമീപകാലത്ത് സഹകരണ സര്‍വീസ് പരീക്ഷാ ബോര്‍ഡ് പുറപ്പെടുവിച്ച റിക്രൂട്ട്‌മെന്റ് വിജ്ഞാപനപ്രകാരം സഹകരണസംഘങ്ങള്‍/ബാങ്കുകള്‍ എന്നിവയിലെ ചില തസ്തികകള്‍ക്കു വേണ്ട വിദ്യാഭ്യാസയോഗ്യത ഇപ്രകാരമാണ്.

•അസിസ്റ്റന്റ് സെക്രട്ടറി/ചീഫ് അക്കൗണ്ടന്റ്: എല്ലാ വിഷയങ്ങള്‍ക്കും ചേര്‍ത്ത് കുറഞ്ഞത് 50 ശതമാനം മാര്‍ക്ക് നേടി ലഭിച്ച, അംഗീകൃത സര്‍വകലാശാലാ ബിരുദവും സഹകരണ ഹയര്‍ ഡിപ്ലോമ (കേരള സംസ്ഥാന സഹകരണ യൂണിയന്റെ എച്ച്.ഡി.സി./എച്ച്.ഡി.സി. ആന്‍ഡ് ബി.എം. അല്ലെങ്കില്‍ നാഷണല്‍ കൗണ്‍സില്‍ ഫോര്‍ കോഓപ്പറേറ്റീവ് ട്രെയിനിങ്ങിന്റെ എച്ച്.ഡി.സി./എച്ച്.ഡി.സി.എം.) അല്ലെങ്കില്‍ വിജയകരമായി പൂര്‍ത്തിയാക്കിയ സബോര്‍ഡിനേറ്റ് (ജൂനിയര്‍) പഴ്‌സണല്‍ കോഓപ്പറേറ്റീവ് ട്രെയിനിങ് കോഴ്‌സ് (ജൂനിയര്‍ ഡിപ്ലോമ ഇന്‍ കോഓപ്പറേഷന്‍) അല്ലെങ്കില്‍ കേരള കാര്‍ഷിക സര്‍വകലാശാലയില്‍നിന്ന് ബി.എസ്‌സി./എം.എസ്‌സി. (സഹകരണം ആന്‍ഡ് ബാങ്കിങ്) അല്ലെങ്കില്‍ കേരളത്തിലെ ഏതെങ്കിലും സര്‍വകലാശാല അംഗീകരിച്ചതും സഹകരണം ഐച്ഛികമായിട്ടുള്ളതുമായ മൊത്തം 50 ശതമാനം മാര്‍ക്കോടെയുള്ള ബി.കോം. ബിരുദം.

•ജൂനിയര്‍ ക്ലാര്‍ക്ക്/കാഷ്യര്‍: എസ്.എസ്.എല്‍.സി./തത്തുല്യ യോഗ്യതയും സബോര്‍ഡിനേറ്റ് പഴ്‌സണല്‍ കോഓപ്പറേറ്റീവ് ട്രെയിനിങ് കോഴ്‌സ് (ജൂനിയര്‍ ഡിപ്ലോമ ഇന്‍ കോഓപ്പറേഷന്‍) അടിസ്ഥാനയോഗ്യതയായിരിക്കും. സഹകരണം ഐച്ഛിക വിഷയമായെടുത്ത ബി.കോം. ബിരുദം അല്ലെങ്കില്‍ ഏതെങ്കിലും അംഗീകൃത സര്‍വകലാശാലാ ബിരുദവും സഹകരണ ഹയര്‍ ഡിപ്ലോമ (കേരള സംസ്ഥാന സഹകരണ യൂണിയന്റെ എച്ച്.ഡി.സി./എച്ച്.ഡി.സി. ആന്‍ഡ് ബി.എം. അല്ലെങ്കില്‍ നാഷണല്‍ കൗണ്‍സില്‍ ഫോര്‍ കോഓപ്പറേറ്റീവ് ട്രെയിനിങ്ങിന്റെ എച്ച്.ഡി.സി./എച്ച്.ഡി.സി.എം.) അല്ലെങ്കില്‍ വിജയകരമായി പൂര്‍ത്തീകരിച്ച സബോര്‍ഡിനേറ്റ് പഴ്‌സണല്‍ കോഓപ്പറേറ്റീവ് ട്രെയിനിങ് കോഴ്‌സ് (ജൂനിയര്‍ ഡിപ്ലോമ ഇന്‍ കോഓപ്പറേഷന്‍) അല്ലെങ്കില്‍ കേരള കാര്‍ഷിക സര്‍വകലാശാലയില്‍നിന്ന് ബി.എസ്‌സി. (സഹകരണം ആന്‍ഡ് ബാങ്കിങ്) ഉള്ളവര്‍ക്കും അപേക്ഷിക്കാം.

•ടൈപ്പിസ്റ്റ്: എസ്.എസ്.എല്‍.സി./ തത്തുല്യ യോഗ്യത, കെ.ജി.ടി.ഇ. ഇംഗ്ലീഷ് ആന്‍ഡ് മലയാളം ടൈപ്പ് റൈറ്റിങ് (ലോവര്‍) സിസ്റ്റം അഡ്മിനിസ്‌ട്രേറ്റര്‍: ഫസ്റ്റ് ക്ലാസ് ബി.ടെക്. കംപ്യൂട്ടര്‍ സയന്‍സ്/ ഇന്‍ഫര്‍മേഷന്‍ ടെക്‌നോളജി/ഇലക്‌ട്രോണിക്‌സ് ആന്‍ഡ് കമ്യൂണിക്കേഷന്‍ എന്‍ജിനിയറിങ്/എം.സി.എ./എം.എസ്‌സി. (കംപ്യൂട്ടര്‍ സയന്‍സ്/ഇന്‍ഫര്‍മേഷന്‍ ടെക്‌നോളജി). റെഡ് ഹാറ്റ് സര്‍ട്ടിഫിക്കേഷന്‍ നേട്ടമായിരിക്കും. കുറഞ്ഞത് മൂന്നുവര്‍ഷത്തെ പ്രവൃത്തിപരിചയം.

•സിസ്റ്റം സൂപ്പര്‍വൈസര്‍: ഏതെങ്കിലും അംഗീകൃത സര്‍വകലാശാലാ ബിരുദം. പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍സ് (പി.ജി.ഡി.സി.എ.)

•ഡേറ്റ എന്‍ട്രി ഓപ്പറേറ്റര്‍: ഏതെങ്കിലും അംഗീകൃത സര്‍വകലാശാലാ ബിരുദം, കേരള/കേന്ദ്ര സര്‍ക്കാര്‍ അംഗീകാരമുള്ള സ്ഥാപനത്തിലെ ഡേറ്റ എന്‍ട്രി കോഴ്‌സ് പാസ് സര്‍ട്ടിഫിക്കറ്റ്, അംഗീകൃതസ്ഥാപനത്തില്‍ ഡേറ്റ എന്‍ട്രി ഓപ്പറേറ്റര്‍ തസ്തികയില്‍ ജോലിചെയ്ത ഒരുവര്‍ഷത്തെ പ്രവൃത്തിപരിചയം. പുതിയ വിജ്ഞാപനങ്ങള്‍ ശ്രദ്ധിക്കുക.

Content Highlights: How to Get Job in coperative Bank


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022

Most Commented